Հայաստանից Ռուսաստան արտահանման նախաճգնաժամային ծավալները կգրանցվեն 2022 թվականին
Տարվա երկրորդ կեսից Ռուսաստան հայկական արտադրանքի արտահանման ցուցանիշներում վերականգնողական աճ կնկատվի, իսկ արտահանման նախաճգնաժամային ծավալները կգրանցվեն 2022 թվականին: Այս մասին ասվում է տնտեսագետներ Աշոտ Թավադյանի և Թաթուլ Մանասերյանի զեկույցում, որը Երևան-Մոսկվա տեսակամրջի ժամանակ ներկայացրել է Եվրասիական փորձագիտական ակումբի համակարգող Արամ Սաֆարյանը:
«Արդյունաբերական արտադրանքը 2020թ. 2019թ. համեմատությամբ արձանագրել է անկում 0,9%: Տարեկան կտրվածքով լեռնահանքային արդյունաբերությունը և հանքավայրերի շահագործումը նախորդ տարվա համեմատությամբ արձանագրել են աճ 11,6%-ի չափով: Վերամշակող արդյունաբերությունը այդ նույն համեմատությամբ նվազել է 3,9%-ով: Անցյալ տարի էլեկտրաէներգիայի և գազի մատակարարումների ոլորտում նախորդ տարվա համեմատությամբ 0,1% աճ է գրանցվել:
Տնտեսական ակտիվության գործակիցն ընկել է 7,5%-ով, ինչը պայմանավորված է ծառայությունների ոլորտում և շինարարության հատվածում ողջ տարվա ընթացքում էական անկումով:
Հայաստանում գործազրկության ծավալը (ավելի քան 20%) աճել է ոչ միայն ներտնտեսական իրավիճակի վատթարացման և պատերազմի ծանր հետևանքների, այլև «լոքդաունի» պատճառով: 2021թ. առաջին եռամսյակում ճանապարհների մասնակի բացման հետևանքով իրավիճակը կարգավորման միտում է գրանցել:
Գյուղատնտեսության ոլորտում 1,4% աճ է գրանցվել:
Մանրածախ առևտուրը կրճատվել է 16,6%-ով: Սա ԵԱՏՄ-ում երկրորդ ցուցանիշն է:
Այս տարի ակնկալվում է, որ տնտեսությունը վերականգնողական աճ կցուցաբերի: Ռուսաստանում կրկին մեծացել է արտասահմանյան աշխատուժի կարիքը:
Հայկական արտահանումը Ռուսաստան 2020թ. կրճատվել է 11%-ով:
Ընդհանուր առմամբ Հայաստանի արտահանումը նվազել է 5,2%-ով, իսկ ներկրումը` 15,9%-ով:
2020 թվականին Հայաստանից համախառն արտահանումը նվազել է 3,9%-ով: Դեպի ԵԱՏՄ երկրներ անկումը կազմել է 8,3%:
Բելառուս արտահանումն աճել է 18,7% և դեպի Ղազախստան` 19,3%: Անցած տարի Ռուսաստան արտահանումը նվազել է 9%-ով:
2021-2022 թթ. կգրանցվի տեքստիլի և տրիկոտաժի արտահանման վերականգնողական աճ: Սննդամթերքի արտադրության և արտահանման ոլորտում նույնպես աճ է գրանցվել: Ձկան արտահանումն աճել է 84,7%, բանջարեղենի արտահանման աճը կազմել է 19,4%, բանջարեղենի վերամշակված արտադրանքի արտահանման աճը կազմել է 28,0%, ձվի և կաթնամթերքի արտահանման աճը` 47,3%:
2020թ. ներկրումը կրճատվել է 17,7%: Կրճատվել է Ռուսաստանից ներկրումը 0,7%:
Հաղորդակցությունների ապաարգելափակման մասին քննարկումների ֆոնին օրակարգում պետք է ներառել նաև Վարդենիս-Մարտակերտ, Իջևան-Ղազախ ավտոճանապարհների բացման հարցերը, Երասխ-Սադարակ երկաթուղային ճանապարհի վերականգնումը, Ա Երասխ-Սադարակ երկաթուղային ճանապարհի վերականգնումը, ինչպես նաև աբխազական երկաթուղու վերաբացման հնարավորությունն ու Գյումրի-Կարս երկաթուղու վերաբացումը:
Հայ-ռուսական հարաբերությունների խորացումն ու զարգացումը միակ հնարավորությունն է, որը կարող է չեզոքացնել կամ նվազագույնի հասցնել թուրք-ադրբեջանական տնտեսական և քաղաքական էքսպանսիայից առաջացող տարբեր սպառնալիքներն ու մարտահրավերները Հայաստանի համար»,-ասված է զեկույցում, տեղեկացնում է News.am-ը:
ПОСЛЕДНИЕ ОТ АВТОРА
-
2024-05-09 20:37
Глава Тавушской епархии Армянской Апостольской церкви архиепископ Баграт Галстанян назвал шаги, которые будут направлены на отстранение премьера Никола Пашиняна от власти, передает Sputnik Армения.
-
2024-05-09 18:58
Архиеписком Баграт Галстанян дал премьер-министру Армении Николу Пашиняну час на отставку. Об этом Галстанян заявил на проходящем в Ереване митинге движения «Тавуш во имя Родины», передает NEWS.am.
-
2024-05-09 18:57
Представители движения "Тавуш во имя родины" и их сторонники собрались на площади, чтобы потребовать ответа от руководства Армении и дать ему время на прекращение антиконституционного процесса по делимитации границы. Об этом заявил глава Тавушской епархии ААЦ архиепископ Баграт Галстанян на митинге в центре Еревана, передает Sputnik Армения.
-
2024-05-09 18:14
На Площади Республики Еревана проходит многотысячный митинг движения «Во имя Родины» под руководством предстоятеля Тавушской епархии Армянской апостольской церкви Баграта Галстаняна.