Իտալացի գործիչները Ադրբեջանից պահանջել են ազատ արձակել հայ գերիներին
Մի խումբ իտալացի գործիչներ, որոնց շարքում են իտալահայ գրող Անտոնիա Արսլանը, իտալացի դերասան, սցենարիստ, ռեժիսոր Կարլո Վերդոնեն, գրող Դաչա Մարաինին, ռեժիսոր և պրոդյուսեր Ջիովանի Դոնֆրանչեսկոն, իտալահայ դերասան Լաուրա Էֆիկյանը, դիմել են Ադրբեջանի կառավարությանը՝ կոչ անելով ազատ արձակել գերության մեջ գտնվող հայ զինվորներին ու քաղաքացիական անձանց: Ինչպես հաղորդում է «Արմենպրես»-ը, այս մասին հայտնում է իտալական Avvenire պարբերականը:
Գործիչները նշել են, որ համաձայն միջազգային իրավապաշտպան Human Rights Watch կազմակերպության՝ ադրբեջանական կողմում պահվում են առնվազն 60 ռազմագերիներ, այդ թվում և տարեց անձինք, ովքեր դաժան վերաբերմունքի ու բռնությունների են ենթարկվում:
Նրանք կոչ են արել Ադրբեջանին «անհապաղ ու առանց նախապայմանների վերադարձնել բոլոր ռազմագերիներին՝ համաձայն Ժնևի կոնվենցիայի և ստորագրված եռակողմ հայտարարության»: «Սոցիալական ցանցերում հայ ռազմագերիներին նվաստացնող, անմարդկային վերաբերմունք պարունակող տեսանյութերի տարածումը խորը անհանգստություն է առաջացնում: Բացի այդ, ռազմագերիների ու մյուս գերեվարված անձանց նկատմամբ անմարդկային վերաբերմունքը միջազգային իրավունքի աղաղակող խախտում է համարվում»,- ասվում է իտալացի գործիչների հայտարարության մեջ:
ПОСЛЕДНИЕ ОТ АВТОРА
-
2022-07-29 19:545496На площади Франции в Ереване 29 июля проходит акция Движения сопротивления.
-
2022-07-29 19:365161Избранного мэра Ванадзора Мамикона Асланяна вернули в тюрьму, после того, как ему была оказана медицинская помощь. Об этом сам Асланян сообщил в соцсетях.
-
2022-07-29 19:345218Блогера Микаэла Бадаляна вновь задержала полиция. Об этом он сообщил в своем Telegram-канале.
-
2022-07-29 19:335120В Армении за первое полугодие 2022 года выросло число преступлений на 22,3%. Об этом в пятницу на заседании коллегии сообщил первый замначальника полиции РА Арам Ованнисян.
