Արամ Օրբելյան․ Նոր մեղադրանք առաջադրելու որևէ հիմք չկա
2,5 տարի է արձանագրում ենք, որ 300․1 հոդվածը կիրառելիության և որոշակիության խնդիրներ ունի։ Այս մասին լրագրողների հետ զրույցում ասաց փաստաբան Արամ Օրբելյանը՝ ՀՀ երկրորդ նախագահ Ռոբերտ Քոչարյանի և մյուսների նկատմամբ Քր․ Օր․-ի 300․1 հոդվածով քրեական հետապնդումը դադարեցնելու դատարանի որոշումը հրապարակելուց հետո։
«Ավելի քան 2,5 տարի առաջ, դեռևս նախաքննության փուլում, դատախազին միջնորդություն էինք ներկայացրել՝ 300․1 հոդվածի վերաբերյալ Սահմանադրական դատարանի կարծիքը ստանալ»,- ասաց փաստաբանն ու հարց բարձրացրեց՝ պետք է պարզել, թե որքա՞ն գումար է պետությունը ծախսել, որքա՞ն գումար է հասարակությունը ծախսել՝ քրեական գործընթաց իրականացնելու համար, ինչն, ըստ նրա, ի սկզբանե բոլորին պարզ էր, որ ապօրինի է։
«Հիմա դիմել են Սահմանադրական դատարան։ Վերաորակման որևէ կառուցակարգ չկա, նոր մեղադրանք առաջադրելու որևէ հիմք չկա»,- նշեց փաստաբանը։
Ինչ վերաբերում է ՔՕ 309 հոդվածին, ապա Օրբելյանի դիտարկմամբ՝ դրա վաղեմությունը վաղուց անցել է։
«Ամեն գնով անձին դատապարտելու մոլուցքն ինքնին հակաիրավական, հակամարդկային և հակասահմանադրական է։ Մարդու անմեղության կանխավարկածը՝ որպես մարդու կարևորագույն իրավունքներից մեկը, պետք է վերջապես ընկալենք»,- կարծիք հայտնեց փաստաբանը հավելելով, որ դատախազությունը նույնպես պետք է առաջնորդվի անմեղության կանխավարկածով և անձն անմեղ է, քանի դեռ նրա մեղավորությունն ապացուցված չէ։
Ռ․ Քոչարյանի պաշտպանը նաև տեղեկացրեց, որ անձի իրավունքների խախտման մասով դեռևս հստակ որոշում չունեն։
«Մեր վստահորդը պետք է որոշի՝ ինչ գործընթաց է սկսում։ Իմ անձնական կարծիքով, բոլոր այն անձինք, որոնց իրավունքները խախտվել են, պետք է իրականացնեն գործընթաց իրենց իրավունքների պաշտպանության համար։ Դա է այն գործիքը, որպեսզի դատախազությունն ամեն գնով անձանց դատապարտելու ցանությունը մոռանա և սկսի իրականացնել իր գործառույթն՝ օրինականության վերականգնման ուղղությամբ»,- հայտարարեց պաշտպանը, տեղեկացնում է Panorama.am-ը։
ПОСЛЕДНИЕ ОТ АВТОРА
-
2024-09-20 19:53
По делу о взрыве на складе с топливом в окрестностях Степанакерта 25 сентября 2023 года обвиняемых нет, сообщил Следственный комитет в ответ на запрос газеты «Грапарак».
-
2024-09-20 19:52
В Армении выявили 132 случая заражения вирусом Западного Нила, сообщает Наццентр по контролю и профилактике заболеваний.
-
2024-09-20 19:42
Комментарии Дэвида Лэмми (министр иностранных дел Великобритании –ред.) — пятно на внешней политике Великобритании. Об этом в соцсетях написал конгрессмен США Брэд Шерман.
-
2024-09-20 19:39
С открытием «Зангезурского коридора» Азербайджан и Турция соединятся друг с другом напрямую через этот коридор и смогут поставлять нужные грузы друг другу, а не через другие страны. Об этом заявил АПА генеральный директор и председатель правления компании «TCDD taşımacılık» Турецких государственных железных дорог Уфук Ялчин.