2021-05-19 12:19
Информагентства
ԵԱՀԿ ԺՀՄԻԳ-ը սկսել է ՀՀ-ում արտահերթ ընտրությունների դիտորդական առաքելությունը
ԵԱՀԿ Ժողովրդավարական հաստատությունների և մարդու իրավունքների գրասենյակը (ԺՀՄԻԳ), ազգային իշխանությունների հրավերով, մայիսի 19-ին սկսել է հունիսի 20-ին Հայաստանում կայանալիք արտահերթ խորհրդարանական ընտրությունների դիտորդական առաքելությունը։
Առաքելությունը գլխավորում է Էոհան Մերֆին։ Առաքելության կազմում 11 միջազգային փորձագետ է ԵԱՀԿ ինը երկրից։
ԺՀՄԻԳ-ը պահանջել է ուղարկել 24 երկարաժամկետ դիտորդի, ովքեր կտեղակայվեն երկրով մեկ՝ սկսած մայիսի 26-ից։
Առաքելությունը կգնահատի, թե ինչ չափով է ընտրությունների անցկացումը համապատասխանելու միջազգային պարտավորություններին և ժողովրդավարական ընտրությունների չափորոշիչներին, ներառյալ այն պարտավորությունները, որոնք համաձայնեցված են ԵԱՀԿ բոլոր երկրների հետ, ինչպես նաև գնահատելու են դրանց համապատասխանությունն ազգային օրենսդրությանը։ Դիտորդներն ուշադիր կհետևեն օրենսդրական բազային և դրա իրականացմանը, ինչպես նաև ընտրարշավի անցկացման գործունեությանը, ընտրական հանձնաժողովների և համապատասխան պետական մարմինների աշխատանքին, ներառյալ ընտրողների գրանցումն ու ընտրավեճերի կարգավորումը։ ԶԼՄ մոնիթորինգը նույնպես դիտորդների գործունեության անբաժանելի մասը կկազմի։
ԺՀՄԻԳ-ը ծրագրում է նաև 250 կարճաժամկետ դիտորդ խնդրել ԵԱՀԿ մասնակից պետություններից՝ ընտրությունների օրվա իրադարձություններին հետևելու համար։ Սակայն դա կախված է COVID-19 համավարակով պայմանավորված սահմանափակումների հետ։
Մարզային իշխանությունների և քաղաքական կուսակցությունների ղեկավար ներկայացուցիչների, ինչպես նաև դատական համակարգի, քաղաքացիական հասարակության և ԶԼՄ ներկայացուցիչների հետ հանդիպումները տեղի կունենան դիտորդական առաքելության ողջ ընթացքում։ Ընտրությունների օրը ԺՀՄԻԳ առաքելությունը ջանքերը կմիավորի ԵԱՀԿ Խորհրդարանական վեհաժողովի (ԵԱՀԿ ԽՎ) պատվիրակության հետ։
Միջանկյալ հաշվետվությունը հանրությանը և ԶԼՄ-ին իրազեկելու համար կհրապարակվի դիտարկումների ընթացքում։ Ընտրությունների հաջորդ օրը նախնական եզրակացությունները կներկայացվեն մամուլի ասուլիսում։ Վերջնական հաշվետվությունը, որում կներկայացվեն ողջ ընտրական գործընթացի դիտարկման արդյունքները, կհրապարակվի ընտրական գործընթացի ավարտից մոտ երկու ամիս հետո, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-02 13:50По информации Shamshyan.com, сегодня, 2 июня, начальник полиции, заместитель министра внутренних дел РА, генерал-майор полиции Арам Ованнисян ушёл в отставку с поста начальника полиции РА по собственному желанию в связи с выходом на пенсию.
-
New2025-06-02 13:44Между Арменией и Францией существует многогранная связь – диаспора, ассоциации, предприятия. Но есть и желание вести диалог между всеми этими акторами посредством контакта с государством вокруг стратегических приоритетов, то есть как каждый из нас, учитывая свои приоритеты, может повлиять на геополитическую ситуацию. Об этом заявил на 5-ой Конференции по децентрализованному сотрудничеству Армения-Франция 2 июня Чрезвычайный и полномочный посол Франции в Армении Оливье Декотиньи.
-
New2025-06-02 13:05Группа граждан провела акцию протеста у здания правительства Армении в поддержку Армянской Апостольской церкви, выразив возмущение в связи с резкими и оскорбительными высказываниями премьер-министра Никола Пашиняна в адрес духовенства.
-
New2025-06-02 12:50В Такасаки, префектура Гумма, Япония, 1 июня официально открылся первый в Азии центр TUMO, TUMO Гумма.