2021-06-10 11:35
Информагентства
Վարդևանյան․ Գլխավոր դատախազի այցը Սյունիք քաղաքական նպատակներ հետապնդող էր
Ակնհայտ է, որ գլխավոր դատախազի այցը Սյունիք քաղաքական նպատակներ հետապնդող էր, հայտարարությունները Հանրայինում՝ ևս։ Այս մասին ֆեյսբուքյան իր էջում գրել է փաստաբան Արամ Վարդևանյանը, տեղեկացնում է News.am-ը։
Նա, մասնավորապես, նշել է. «Գլխավոր դատախազ Արթուր Դավթյանը Հանրային հեռուստաընկերության եթերում հնչեցվածի վերաբերյալ.
1. Նա իր խոսքում նշեց, որ Սյունիքի մարզում հանդիպում է իրականացրել` «հնարավոր ընտրական հանցագործությունները կանխարգելելու» նպատակով: Հատուկ Արթուր Դավթյանի համար պարզաբանեմ՝ դատախազության սահմանադրական լիազորությունների մեջ հանցագործությունների կանխարգելումը չի մտնում։ Ավելին՝ ՀՀ-ում դատախազության սահմանադրաիրավական կարգավիճակի առանձնահատկությունը կայանում է նրանում, որ Դատախազության լիազորությունները սպառիչ թվարկված են Սահմանադրությամբ, ուստի առնվազն ոչ պրոֆեսիոնալ է, որ դատախազությունն իրեն վերագրում է լիազորություն, որը սահմանված չէ Սահմանադրությամբ։
2. Չեմ կարող չհամաձայնել այն հանգամանքի հետ, որ, այո, մասնավոր սեկտորի ներգրավվումը «կանխարգելելիչ խորհրդակցությունը» իսկապես աննախադեպ է, բայց որևէ տեսակի հանցագործության կանխարգելումը որևէ տրամաբանությամբ չի կարող տեղավորվել մասնավոր սեկտորի լիազորությունների մեջ: Ասեմ ավելին՝ այն կարող է դիտվել ձեռնարկատիրական գործունեության նկատմամբ պետական այն էլ քրեական հետապնդման մարմնի ուղիղ միջամտություն։ Ի հավելումն՝ ՀՀ օրենսդրությամբ մասնավոր ընկերությունը Արթուր Դավթյանի վկայակոչած` վարչարարության սուբյեկտ չէ, հետևաբար` հակասահմանադրական ձևաչափով խորհրդակցությունից հետո իբր վարչարարությունը ուժեղացնելու որևէ հնարավորություն կամ տրամաբանություն չունի։
3. Խոսել իբր մտահոգ դիրքից ատելության խոսքի մասին և մեկ բառով անգամ չանդրադառնալ փաստացի վարչապետի պաշտոնը զբաղեցնողի արտահայտրթյուններին, որոնք նույնիսկ խուլիգանական բնույթի էին, ինքնին խոսում է Գլխավոր դատախազի հենց կախվածության, այլ ոչ թե անկախության մասին:
Ամփոփելով` Գլխավոր դատախազը որպես իրավաբան առնվազն պետք է սխալները ընդունելու կամք ու կարողություն ունենա, այլ ոչ թե փորձի «թեթև ձեռք» ու նման տերմիններով արատավորի իր ղեկավարած կառույցից ավելի բարձր կարգավիճակ ունեցող մարմնի` Սահմանադրական դատարանին:
Կարծում եմ ակնհայտ է, որ գլխավոր դատախազի այցը Սյունիք քաղաքական նպատակներ հետապնդող էր,հայտարարությունները հանրայինում ևս: Հորդորում ենք մնալ բացառապես իրավական և քաղաքական չեզոքության տիրույթում, միաժամանակ ունենալ կամք` ուսումնասիրելու ժամանակավոր իշխանության կողմից վարչական ռեսուրսի իրական չարաշահման դեպքերը:
ПОСЛЕДНИЕ ОТ АВТОРА
-
New2025-07-19 09:30Администрация США пытается для очень сложных проблем представить простые, схематичные решения, которые обычно не работают, заявил в интервью Sputnik Армения ведущий аналитик центра APRI Armenia Бениамин Погосян, комментируя идею передачи дороги через Сюник на аутсорсинг американской стороне.
-
New2025-07-19 07:50Депутат парламента Ирана Камран Газанфари заявил, что Азербайджан сотрудничал с Израилем в нападении на некоторые объекты в Шахруде, передает Khabar Online.
-
New2025-07-19 07:46Уголовное преследование оппозиционного политика Рубена Акопяна – очередное проявление подавления политического слова. Об этом говорится в заявлении инициативы «Пять правозащитников».
-
New2025-07-19 07:44Собственник компании "Элсети Армении" обещает не повышать тариф на электроэнергию, между тем власти, назначившие временного управляющего, не могут дать таких гарантий. Об этом заявил на пресс-конференции исполняющий обязанности директора ЗАО "Электрические сети Армении" Давид Казинян.