Դավիթ Բաբայան. Թուրքիայի պահվածքը պետք է մտահոգի ՆԱՏՕ-ին
Թուրքիան Անդրկովկասում առաջատար դերերից մեկի հայտ է ներկայացնում: Այս մասին հայտարարեց Արցախի արտգործնախարար Դավիթ Բաբայանը, News.am-ի խնդրանքով մեկնաբանելով Էրդողանի և Ալիևի այցը գրավյալ հայկական Շուշի քաղաք և հռչակագրի ստորագրումը, որը, ի թիվս այլ բաների, նախատեսում է թուրքական զորակազմի տեղակայում Աղդամում։
«Սա ադրբեջանա-թուրքական դաշինքի էքսպանսիոնիստական քաղաքականության հերթական դրսևորումն է: և դրանք շատ հեռուն գնացող ծրագրեր են»,- ընդգծեց Դավիթ Բաբայանը:
«Ի դեպ, այսօր Ադրբեջանում ազգային փրկության օր է: Նրանք Էրդողանի այցը դրան են նվիրել: 1993-ին հենց այդ օրն է իշխանության վերադարձել Հեյդար Ալիևը: Սիմվոլիզմը ամենուր է դրսևորվում:
Իմ նախորդ հարցազրույցներից մեկում ես ասել էի, որ նրանք Շուշիի համար պատրաստում են արմատականության, էքսպանսիոնիզմի և պանթուրքիզմի ֆորպոստի դերը: Հիմա դա փաստացի տեղի է ունենում: Մենք հարցեր ունենք միջազգային հանրությանը, այն կազմակերպություններին, որոնց անդամ է Թուրքիան, այդ թվում ՆԱՏՕ-ին՝ ի՞նչ է տեղի ունենում: Թուրքիայի նախագահը բացահայտ էքսպանսիոնիստական քաղաքականություն է վարում»,- ասաց Բաբայանը:
Նա հիշեցրեց, որ անցյալ դարի սկզբի իրադարձություններից հետո թուրք-ադրբեջանական միավորումների և ավազակային կազմավորումների կողմից կազմակերպված հայերի կոտորածին հաջորդած հարյուր տարիներին զավթիչների արտաքսումից հետո թուրք առաջնորդը ոտք չէր դրել Շուշի: «Հիմա սա էքսպանսիայի հայտ է, խաղաղության մասին խոսքերի ներքո՝ հայերի նկատմամբ սպառնալիքներ և ատելություն, և սա պետական ահաբեկչության դրսևորում է: Եթե միջազգային հանրությունը պատշաճ չարձագանքի, տարածաշրջանը լուրջ խնդիրներ կունենա: Խնդիրներ կլինեն նաև տարածաշրջանից դուրս, քանի որ Անդրկովկասը ռազմավարական կարևոր տարածաշրջան է, և այն, ինչ տեղի է ունենում այստեղ, չի կարող չանդրադառնալ հարևան պետությունների և աշխարհաքաղաքական տարածքների վրա: Այն, ինչ հիմա ունենք, պետք է առաջացնի միջազգային հանրության մտահոգությունը, ինչպես նաև ազդանշան դառնա մի շարք հայ պետական գործիչների համար, որպեսզի նրանք գոնե հիմա ուշքի գան»,- հորդորեց արտգործնախարարը:
Մեկնաբանելով Աղդամում թուրքական զորամիավորման տեղակայման մասին լուրը` Բաբայանը հիշեցրեց, որ ավելի վաղ ինքը կանխատեսել էր Ադրբեջանի և Թուրքիայի կողմից «Ղարաբաղ» կոչվող արհեստական կազմավորման ստեղծումը` որպես հայկական Ղարաբաղի հակակշիռ, որը ադրբեջանա-թուրքական դաշինքը չկարողացավ նվաճել երկրորդ պատերազմում: «Այս գործընթացն գնում է: Այս հայտարարությունը ցույց է տալիս, որ Թուրքիան, հնարավոր է, ինչ-որ նոր «Ղարաբաղ» կազմավորման ստեղծման նախագիծ է սկսել: Ավելին, Շուշին կարող է դառնալ այս կազմավորման կենտրոնը: Աղդամին ակնհայտորեն ֆորպոստի դեր են վերապահել՝ Ղարաբաղի վրա ճնշելու համար: Թուրքիան ցույց է տալիս, որ մտադիր չէ լքել տարածաշրջանը, այլ, ընդհակառակը, ամրապնդվում է»,- եզրափակեց Դավիթ Բաբայանը:
ПОСЛЕДНИЕ ОТ АВТОРА
-
2024-05-04 22:00
Шествие во главе с предстоятелем Тавушской епархии, архиепископом Багратом Галстаняном прошло через Иджеван. Участники шествия направились в монастырь Агарцин. Отметим, что водители автомобилей приветствуют участников марша сигналами.
-
2024-05-04 14:37
Правительство Японии 3 мая выразило протест правительству США в связи с высказыванием президента страны Джо Байдена о ксенофобии, передает агентство Jiji.
-
2024-05-04 14:36
Евразийская экономическая комиссия совместно со странами ЕАЭС разработала проект соглашения о единой системе транзита. Он будет определять основные принципы функционирования единой системы таможенного транзита Союза и третьей стороны (третьих сторон). Об этом сообщил замдиректора Департамента таможенного законодательства и правоприменительной практики Евразийской экономической комиссии Нурлан Байназаров на Международном контейнерном форуме "ЕСЭ Asia-2024" в Алматы, передает Sputnik Армения.
-
2024-05-04 13:37
Кандидат в конгрессмены США Алекс Балекян в прямом эфире Alpha News назвал происходящее в Армении прискорбной ситуацией․