2021-06-26 14:49
Информагентства
Լեպեխին․ 99 տոկոսով համոզված եմ, որ Ադրբեջանում թուրքական ռազմաբազա է հայտնվելու
99 տոկոսով համոզված եմ, որ Ադրբեջանում թուրքական ռազմաբազա է հայտնվելու: Այս մասին News.am-ի հետ հարցազրույցում ասել է ԵԱՏՄ ինստիտուտի տնօրեն, քաղաքագետ Վլադիմիր Լեպեխինը:
Նա պարզաբանել է, որ ռազմաբազայի հայտնվելը համակարգային բնույթ ունի:
Դա, նրա խոսքով, կապված է ոչ միայն այն բանի հետ, որ Թուրքիայի համար կարևոր է Ադրբեջանում (Հարավային Կովկասի տարածքում) ամրապնդվելը, այլ նաև կարևոր է հարձակողական քաղաքականության ցուցադրման տեսանկյունից, ընդ որում, այնպիսի քաղաքականության, որը պտուղներ է տալիս:
«Թուրքիայի համար, որն այսօր իր հովանու ներքո թյուրքական պետությունների համախմբման գիծ է հետապնդում, այդ թվում՝ հետխորհրդային տարածքում, շատ կարևոր է ուժեղացնել իր ազդեցությունը Կենտրոնական Ասիայի երկրներում, ինչպես նաև Կովկասում՝ ներառյալ Հյուսիսային Կովկասը», - ընդգծել է Լեպեխինը:
Հետևաբար, Անկարայի համար սկզբունքային նշանակություն ունի ցանկացած քայլ, որը ցուցադրում է Թուրքիայի ուժը և Ռուսաստանի թուլությունը, նշել է փորձագետը:
«Ես կարծում եմ, որ Ռուսաստանում ուղղակի արձագանք չի լինի Ադրբեջանում թուրքական բազայի առաջացման հարցի շուրջ: Ցավոք, Մոսկվայում մշակված չէ վեկտորը, որն ուղղված է թուրքական էքսպանսիային հակազդելուն: Հակառակը, մենք հաճախ ենք տեսնում չհամաձայնեցված և անտարամաբանական գործողություններ Ռուսաստանի կողմից Թուրքիայի ուղղությամբ: Ըստ ամենայնի՝ դա կապված է համատեղ տնտեսական հետաքրքրությունների հետ (գազի փոխադրում, ԱԷԿ-ի կառուցում և այլն): Թուրքական կորպորացիաների ազդեցությունը, որոնք ամրապդնվել են ՌԴ-ում, հանգեցնում են նրան, որ Ռուսաստանը չունի հստակ արտահայտված և կոշտ դիրքորոշում Կովկասի և Կենտրոնական Ասիայի ուղղություններով թուրքական էքսպանսիայի շուրջ: Անհրաժեշտ է, սակայն, նկատել, որ այդ վտանգն աստիճանաբար գիտակցվում է», - հավելել է քաղաքագետը:
Հիշեցնենք, որ մայիսի 15-ին Թուրքիայի և Ադրբեջանի նախագահներ Ռեջեփ Թայիփ Էրդողանն ու Իլհամ Ալիևը ստորագրել էին այսպես կոչված Շուշիի հռչակագիրը, որից հետո Էրդողանը չէր բացառել Ադրբեջանում թուրքական ռազմաբազայի հիմնումը:
ПОСЛЕДНИЕ ОТ АВТОРА
-
New2025-06-27 13:13Минуты назад зазвонили колокола Первопрестольного Святого Эчмиадзина.
-
New2025-06-27 13:02Представители силовых структур Армении пытались увезти предстоятеля Ширакской епархии ААЦ Микаэла Аджапахяна.
-
New2025-06-27 12:54Высшее духовенство примет решение о дальнейших действиях. Об этом заявил Католикос всех армян Гарегин II гражданам и священникам, собравшимся в Первопрестольном Эчмиадзине, где в эти минуты находятся спецназ СНБ и следователи для задержания архиепископа Микаэла Аджапахяна.
-
New2025-06-27 12:26Арестованный бизнесмен, владелец группы компаний "Ташир" Самвел Карапетян обвинил власти Армении в том, что они превратили страну в эпицентр геополитического противостояния. Об этом говорится в его новом заявлении, переданном через адвокатов.