2021-06-28 20:14
Информагентства
Սիրանուշ Սահակյանը` ՄԻԵԴ–ի գործունեության մասին
Ադրբեջանի մայրաքաղաքում ընթանում է հայ ռազմագերիներին առնչվող բեմականացված դատավարություն, որտեղ կոպտորեն ոտնահարվում են մեր քաղաքացիների իրավունքները։ Sputnik Արմենիայի հետ զրույցում նման կարծիք է հայտնել ՄԻԵԴ–ում ռազմագերիների շահերի ներկայացուցիչ Սիրանուշ Սահակյանը։
Ըստ նրա` շինծու դատավարության միջոցով Ադրբեջանի իշխանությունը փորձում է հերոսանալ սեփական ժողովրդի աչքում և հոգեբանորեն ճնշել, ցավ պատճառել ռազմագերիների հարազատներին ու ողջ հայ հասարակությանը, հետևաբար Սահակյանը կարծում է, որ հոգեբանական այս պատերազմը երկար է տևելու։
«Ադրբեջանը փորձում է մոլորեցնել միջազգային հանրությանը և հասնել ադրբեջանանպաստ հայտարարությունների կամ առնվազն մեղմել այն արձագանքները, որոնք կարող են լինել հօգուտ հայկական կողմի։ Մենք բարեբախտաբար գտնվում ենք միջազգային ատյանների պաշտպանության ներքո, հետևաբար ՄԻԵԴ–ն իրավասու է քննարկել հայ ռազմագերիների դատապարտման օրինականության հարցը։ Բոլոր ռիսկերի հաշվառմամբ` մենք կարողանալու ենք միջազգային ատյաններում հիմնավորել ադրբեջանական կողմի մեղադրանքների շինծու բնույթը, մերկացնելու ենք Ադրբեջանի իրական դեմքն ու միջազգային գործընկերների ներգրավմամբ ի զորու եք լինելու ապահովել մեր տղաների վերադարձը»,– նշեց իրավապաշտպանը։
Անդրադառնալով փաստաբան Փաստաբանների պալատի նախաձեռնությանը, որով փաստաբանների կողմից պատրաստակամություն էր հայտնվել մեկնել Բաքու և տեղում զբաղվել հայ ռազմագերիների իրավունքների պաշտպանությամբ, Սիրանուշ Սահակյանն ընդգծեց, որ խիստ բացասաբար է վերաբերվում նման նախաձեռնությանը։ Նրա համոզմամբ` չի կարելի մեր մասնակցությամբ Բաքվում օրինականացնել հայ ռազմագերիների շինծու դատավարությունը և արկածախնդրության մաս կազմել։ Իրավապաշտպանի կարծիքով` նման քայլը կարող է նույնիսկ տակտիկապես ձախողման տանել իրավական մեծ գործընթացները։
«Տարիներ շարունակ մենք կարողացել ենք առանց Ադրբեջանի ներպետական միջոցները սպառելու հրատապ կերպով հայցել ՄԻԵԴ–ի պաշտպանությունը, քանզի հիմնավորել ենք, որ հայատյացության պետական քաղաքականության պայմաններում որևէ հայ չի կարող արդյունավետորեն պաշտպանել իր իրավունքներն Ադրբեջանում»,– ասաց ՄԻԵԴ–ում ռազմագերիների շահերի ներկայացուցիչը։
Սահակյանի գնահատմամբ` հայերի իրավունքների պաշտպանությունն ադրբեջանական ոտնձգություններից կարող է լինել բացառապես միջազգային մակարդակում, և ՄԻԵԴ–ն արդեն իսկ ընդունելի է համարել տվյալ թեզը։
ПОСЛЕДНИЕ ОТ АВТОРА
-
New2025-06-27 09:16США рассматривают возможность содействия Ирану в привлечении до $30 млрд инвестиций для развития гражданской ядерной программы в обмен на отказ Тегерана от обогащения урана. Об этом сообщает телеканал CNN со ссылкой на источники в американской администрации.
-
New2025-06-27 09:13Судья Армен Даниелян принял к рассмотрению апелляцию, ранее отозванную группой адвокатов Самвела Карапетяна, чем установил новую "планку" в нарушении закона. Об этом говорится в заявлении адвокатской группы Карапетяна.
-
New2025-06-27 09:10Президент Беларуси Александр Лукашенко коснулся вопроса об отсутствии армянской делегации на саммите ЕАЭС в Минске.
-
New2025-06-27 09:10МИД Армении опубликовал вступительные заявления глав внешнеполитических ведомств Армении и Китая, сделанные на их встрече.