2021-07-02 16:48
Информагентства
«Հայաստան» դաշինքը ներկայացրել է ՍԴ-ի հայցի մանրամասները
ՀՀ երկրորդ նախագահ Ռոբերտ Քոչարյանի ղեկավարած «Հայաստան» դաշինքը Սահմանադրական դատարան է դիմել 12 կետանոց դիմումով` 109 ընտրական տեղամասերի վերաբերյալ, ընտրողների շուրջ 88 000 ձայների շուրջ, որոնցից 4000-ի դիմաց դաշինքի անդամներն արձանագրել են, որ ընտրողների ցուցակում բացակայում են ստորագրությունները: Այս մասին այսօր հրավիրված մամուլի ասուլիսում հայտնեց դաշինքի անդամ ու պաշտոնական ներկայացուցիչ Արամ Վարդևանյանը:
«ՍԴ-ն դիմումը քննության առարկա է դարձնելու քանակական խախտումների իմաստով, դա, կարելի է ասել, ընտրական տեղամասերի վերաբերյալ առկա տվյալներն են, որ մենք ներկայացրել ենք, այսինքն՝ բուն քվեարկության օրվա խնդիրները: Ինչպես նաև որակական իմաստով է ՍԴ-ն քննության առարկա դարձնելու: Սա արդեն վերաբերվելու է այն խումբ հարցերին, որոնք մենք ներկայացնում ենք՝ սկսած մայիսի 10—ից կամ նույնիսկ ավելի հետ գնանք՝ ապրիլի 25-ից»,- ասաց Վարդևանյանը:
Նա նաև հայտնեց, որ «Հայաստան» դաշինքն իր դիմումում քննարկման առարկա է դարձրել նաև վարչապետի լիազորությունների հարցը հրաժարականի դեպքում: Նրանց դիտարկմամբ՝ հակառակ մասնագիտական հանրության մեջ առկա տեակետին, որ վարչապետը հրաժարականից հետո չի կարող մնալ իբրև պաշտոնակատար` ՀՀ վարչապետը մնաց, և դա արեց բացառապես վարչական ռեսուրսի չարաշահման նպատակով:
«Հայաստանի» դիմումի մի հատվածն էլ վերաբերում է քարոզարշավում կիրառված ատելության խոսքին:
«Ի վերջո, ցանկացած ուժ նախընտրական քարոզչության ընթացքում կարող է ագրեսիվ հռետորաբանություն ցուցաբերել: Դա խոսքի ազատության տրամաբանության մեջ է: Բայց այն, ինչ մենք տեսնում ենք իշխանական դիրքից հանդես եկող պատգամավորության թեկնածուի կողմից, որը զուգահեռ նաև վարչապետի պաշտոնակատարն էր, որը, զուգահեռաբար, օրինակ` հունիսի 19-ին արդեն վերադաձել էր արձակուրդից, այդ ատելության խոսքի ծավալն անգերազանցելի էր»,- ասաց Վարդևանյանը:
ՍԴ-ում ևս որպես «Հայաստան» դաշինքի ներկայացուցիչ հանդես է գալու Արամ Վարդևանյանը: Նա վստահեցրեց, որ բավական հետաքրքիր գործընթաց է սպասվում ու իր ծավալի ու բովանդակության առումով Հայաստանի ՍԴ-ում երբևէ քննության չառնված գործ է լինելու, առավել ևս ընտրական գործընթացի վերաբերյալ, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-06-20 13:59Армения сможет рассматривать выход из ЕАЭС и возможное присоединение к другому интеграционному объединению только после тщательной оценки рисков и последствий. Об этом заявил вице-премьер Мгер Григорян в интервью Sputnik Армения на Петербургском международном экономическом форуме.
-
New2025-06-20 13:57Подразделения ВС Азербайджана 20 июня в период между 08:00 и 09:00 открыли огонь в направлении населенного пункта Неркин Ханд Сюникской области, в результате чего поврежден жилой дом. Пострадавших нет. Об этом говорится в сообщении, распространенном Министерством обороны Армении.
-
New2025-06-20 13:55В Кремле внимательно следят за ситуацией с арестом в Армении главы группы компаний «Ташир» Самвела Карапетяна, будут готовы оказать ему всю необходимую помощь, заявил пресс-секретарь президента РФ Дмитрий Песков.
-
New2025-06-20 13:52Вынужденные переселенцы из Нагорного Карабаха проводят акцию протеста перед зданием правительства Армении. Они жалуются на последовательное сокращение программ государственной поддержки, и если вопросы жилья и не будут решены в кратчайшие сроки, то они окажутся на улице.