2021-07-15 17:39
Информагентства
0
Առուշ Առուշանյանին կալանավորելու միջնորդություն է ներկայացվել դատարան
Գորիսի համայնքապետ Առուշ Առուշանյանին կալանավորելու միջնորդություն է ներկայացվել դատարան։ Տեղեկությունը հայտնում է Հատուկ քննչական ծառայությունը։
Նշվում է, որ «Հայաստան» դաշինքի ընտրական ցուցակի 32-րդ համարը զբաղեցնող Առուշանյանը հիշյալ դաշինքի օգտին առավելագույն քվեներ ապահովելու և ընտրություններում ցանկալի արդյունք արձանագրելու անձնական և խմբային շահերից ելնելով` նախապատրաստել է ծանր հանցագործություն, այն է` երկու և ավելի ընտրողի կաշառք տալը:
Մասնավորապես նա Քարահունջ բնակավայրի վարչական ղեկավար Լուսինե Ավետյանին առաջարկել է ընտրություններից հետո դրամական օգնություն տրամադրել այն ընտրողներին, որոնք կխոստանան ընտրել «Հայաստան» դաշինքին:
Բացի այդ, 2021 թվականի ապրիլի 28-ին Առուշանյանի պահանջով Լուսինե Ավետյանը կազմակերպել է վերջինիս հանդիպումը Քարահունջ բնակավայրի մի խումբ բնակիչների հետ, որոնք տարբեր խնդիրների լուծման համար դրամական աջակցություն են խնդրել: Այնուհետև հիշյալ ընտրողներին Գորիսի համայնքապետարանի կողմից բանկային փոխանցման միջոցով տրամադրվել է 100.000-220.000 ՀՀ դրամ:
Նշվում է, որ Առուշանյանը ընտրությունների ժամանակ խոչընդոտել է ընտրողների ընտրությունը, ինչպես նաև հարկադրել է ծառայողական կախվածությունն օգտագործելով ընտրողներին հիշյալ դաշինքի օգտին կողմ քվեարկել։
Նկարագրված հանցավոր արարքների կատարման համար Առուշանյանին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)
ՀՀ հատուկ քննչական ծառայության քննիչը միջնորդություն է ներկայացրել Երևանի ընդհանուր իրավասության դատարան` Առուշանյանի նկատմամբ կալանավորումը որպես խափանման միջոց ընտրելու համար, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2024-05-01 12:51Армяне Дании выступили с совместным заявлением против антиармянских действий Никола Пашиняна.
-
New2024-05-01 12:47Тюрколог Варужан Гегамян прокомментировал на своей странице в Фейсбук итоги проведенного в Азербайджане соцопроса.
-
New2024-05-01 12:47Мы пришли сюда, чтобы дать им время. Если кто-то из них думает, что дело этого ребенка должно быть закрыто, уходите, к сожалению, он ошибается. Об этом в беседе с журналистами у здания правительства заявил отец погибшего в результате пожара в селе Азат Айка Киракосяна Габриэл Киракосян.
-
New2024-05-01 12:40Протестующие 1 мая перекрыли автодорогу Спитак – Гюмри. Фотографию с места события обнародовали пользователи «Facebook».
