2021-08-12 17:19
Информагентства
Վիգեն ՀԱԿՈԲՅԱՆ․ ՓԱՇԻՆՅԱՆՆ ԱԴՐԲԵՋԱՆԻՆ ՀԱՍԿԱՑՆՈՒՄ Է՝ ՈՐԵՎԷ ՊԱՀԱՆՋ ՉՈՒՆԻ
Հայաստանի և Ադրբեջանի միջև բանակցություններն, ամենայն հավանականությամբ, ինչ-որ մակարդակում շարունակվում են, և այժմ ՀՀ վարչապետի կողմից հնչում է պաշտոնական դիմում՝ դրանք շարունակելու հանրության համար տեսանելի և լսելի կերպով, Aysor.am-ի թղթակցի հետ զրույցում ասաց քաղտեխնոլոգ Վիգեն Հակոբյանը՝ անդրադառնալով ՀՀ վարչապետ Նիկոլ Փաշինյանի հայտարարությանը, որ Հայաստանը պատրաստ է Ադրբեջանի հետ բանակցային գործընթացում ներգրավվել թե՛ բարձր, թե՛ բարձրագույն մակարդակներում։
«Կարծում եմ, որ Հայաստանի և Ադրբեջանի իշխանությունների միջև բանավոր պայմանավորվածություններ կան, որոնց իրագործման ինչ-որ փուլում անհարթություններ են առաջացել։ Եվ հիմա ՀՀ ղեկավարն, ըստ էության, մեսիջ է ուղարկում, որ Հայաստանը պատրաստ է կրկին վերսկսել բանակցությունները։
Բայց եթե Փաշինյանն այսօր հստակ ասեր, թե ինչ նախապայմաններով է հայկական կողմը պատրաստ Ադրբեջանի հետ բանակցությունների, օրինակ, ադրբեջանական զինուժի՝ ՀՀ տարածքից հանելու պայմանով, դա կհնչեր որպես զուտ առաջարկ, այլ ոչ թե որպես խնդրանք։ Բայց քանի որ նախապայմաններ չեն առաջադրվել, ուրեմն կարելի է ենթադրել, որ Հայաստանն ուղղակի մեսիջ է ուղարկում Ադրբեջանին՝ ակտիվացնելու որոշակի գործընթացներ», - ասաց Վիգեն Հակոբյանը։
Քաղտեխնոլոգը շեշտեց՝ երբ Նիկոլ Փաշինյանը հայտարարում է, որ Հայաստանը տարածքներ նվաճելու որևէ մտադրություն չունի, իսկ Զինված ուժերը զարգացնում է հնարավոր ագրեսիայից պաշտպանվելու համար, ուղիղ կերպով Ադրբեջանին հասկացնում է, որ ինքը որևէ պահանջ չունի, և ՌԴ-ի կողմից հայկական սպառազինության արդիականացման բարձրագույն հավաստիացումը որևէ վտանգ չի ներկայացնում։
«Այսօր կառավարության նիստում Փաշինյանի հնչեցրած այն միտքը, որ հայկական կողմը տարածքային պահանջներ չունի, ևս նախապայմաններից հրաժարվելու շարքից է», - ասաց Վիգեն Հակոբյանը։
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.