2021-09-25 15:12
Информагентства
CTBT-ի համաժողովի մասնակիցները պայմանավորվել են աջակցել պայմանագրի՝ ուժի մեջ մտնելուն
Միջուկային զենքի փորձարկման համապարփակ արգելման պայմանագրի (CTBT)՝ ուժի մեջ մտնելու խթանման 12-րդ համաժողովի մասնակիցներն հռչակագիր են ընդունել՝ փաստաթղթի՝ ուժի մեջ մտնելուն նպաստող միջոցառումների ցանկով, հաղորդում է ՌԴ ԱԳՆ պաշտոնական կայքը, տեղեկացնում է News.am-ը:
«Համաժողովի արդյունքներից հետո վերջնական հռչակագիր է ընդունվել, որը CTBT-ի՝ ուժի մեջ մտնելու դյուրացման միջոցառումների ցանկ է պարունակում: Այս գործընթացում համակարգող գործառույթներն Ալժիրից և Գերմանիայից երկու տարի ժամկետով փոխանցվել են Իտալիային և Հարավային Աֆրիկային»,- ասված է հաղորդագրության մեջ:
CTBT-ի՝ ուժի մեջ մտնելու դյուրացման վերաբերյալ 12-րդ համաժողովն անցկացվեց սեպտեմբերի 23-24-ն առցանց ֆորմատով: Այս միջոցառումն անցկացվում է երկու տարին մեկ անգամ:
Միջուկային զենքի փորձարկման համապարփակ արգելման պայմանագիրը հաստատվել էր ՄԱԿ-ի Գլխավոր ասամբլեայի կողմից 1996 թվականի սեպտեմբերի 24-ին: Այն արգելում է միջուկային լիցքերի փորձնական պայթյունների, ինչպես նաև խաղաղ նպատակներով միջուկային պայթյունների իրականացումը: Արգելքը տարածվում է բոլոր ոլորտների (մթնոլորտում, տիեզերքում, ջրի տակ և ստորգետնյա) և բացարձակ և համապարփակ բնույթ է կրում:
Այժմ պայմանագիրը վավերացվել է 170 պետության կողմից, սակայն ուժի մեջ չի մտել, քանի որ չի վավերացվել ԱՄՆ-ի, Չինաստանի, Եգիպտոսի, Իսրայելի և Իրանի կողմից և չի ստորագրվել Հնդկաստանի, Պակիստանի և Հյուսիսային Կորեայի կողմից:
ПОСЛЕДНИЕ ОТ АВТОРА
-
2025-06-03 19:46Накануне, 2 июня, Инспекционный орган продовольственной безопасности Армении сообщил о запрете на ввоз в страну 213 тонн арбузов с повышенным содержанием нитратов.
-
2025-06-03 19:44На 89-м году жизни скончался народный артист СССР, композитор Евгений Дога. Об этом сообщает ТСВ Приднестровье, сообщают «Ведомости».
-
2025-06-03 19:39Фальсификация доказательств, манипулирование расследованиями и препятствование правосудию составляют неотъемлемую часть государственной политики Азербайджана. Об этом говорится в официальном заявлении Центрального офиса Ай Дата Бюро АРФ <Дашнакцутюн>.
-
2025-06-03 19:36Тегеран настаивает на возможности обогащать уран на своей территории, несмотря на требования президента США Дональда Трампа отказаться от этого. Об этом, как передает РИА Новости, заявил министр иностранных дел Ирана Аббас Аракчи.