Երևան-Գյումրի ճանապարհին ՃՏՊ-ից զոհվել է 6 մարդ
Երևան-Գյումրի ավտոճանապարհին հոկտեմբերի 20-ին տեղի ունեցած վթարից, զոհվել է 6 մարդ։ ՀՀ արտակարգ իրավիճակների նախարարությունից հայտնել էին, որ 5-ը մահացել են տեղում, իսկ Sputnik Արմենիայի տեղեկություններով, 1-ն էլ մահացել է հիվանդանոցի ճանապարհին։
ՀՀ առողջապահության նախարարությունից տեղեկացնում են, որ Երևան-Գյումրի ավտոճանապարհին` Կաքավաձոր գյուղի մոտ առավոտյան տեղի ունեցած խոշոր վթարի հետևանքով, նախնական տվյալներով, կա 5 զոհ և բազմաթիվ տուժածներ:
«13 վիրավոր հոսպիտալացվել է: Նրանցից 10-ը` տարբեր աստիճանի մարմնական վնասվածքներով, տեղափոխվել է «Արմենիա» հանրապետական բժշկական կենտրոն, 3-ի վիճակը գնահատվում է ծայրահեղ ծանր, ներկա պահին 2-ը վիրահատվում են»,- նշում են ԱՆ-ից և հավելում, որ մյուսների վիճակը գնահատվում է միջին ծանրության:
Տուժածներից 3-ն էլ տեղափոխվել են Աշտարակի բժշկական կենտրոն, նրանց վիճակը գնահատվել է բավարարից մինչև միջին ծանրության:
ՀՀ քննչական կոմիտեի մամուլի խոսնակ Վարդան Թադևոսյանը Sputnik Արմենիայի հետ զրույցում ասաց, որ քննիչներն աշխատում են դեպքի վայրում։ Ոստիկանությունն էլ միջոցառումներ է ձեռնարկում՝ վարորդի, մահացածների և հիվանդանոց տեղափոխվածների ինքնությունը պարզելու ուղղությամբ։
Ավելի վաղ հայտնել էինք, որ հոկտեմբերի 20-ին, ժամը 07:04-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Կաքավաձոր գյուղի խաչմերուկում տեղի է ունեցել ՃՏՊ․ կան տուժածներ:
ПОСЛЕДНИЕ ОТ АВТОРА
-
2024-05-20 12:15
В селе Киранц установлены столбы, рядом с ними стоят пограничники, они вооружены и в масках.
-
2024-05-20 12:12
В Армении пытаются оценить возможные сценарии развития внутриполитической ситуации в Иране на фоне трагической гибели иранского президента Эбрахима Раиси. Иранист Жанна Варданян пишет в своем телеграмм-канале:
-
2024-05-20 11:11
Центральный банк Республики Армения вводит в обращение золотую памятную монету «100-летие со дня рождения Шарля Азнавура».
-
2024-05-20 11:08
Тела погибших при крушении вертолета президента Ирана перевезены в Тебриз, сообщает Иранское общество Красного Полумесяца. В организации заявили о прекращении поисковых работ на месте катастрофы.