2021-10-23 16:27
Информагентства
Փաստաբան․ Հանրության բերանը գցեցին ստոր սուտը
Հանրության բերանը գցեցին, թե այդ «տուշոնկաները», օգնությունը Մանվել Գրիգորյանի տնից են բերել, ինչը ստոր սուտ է, որովհետև այդ ապրանքը հանել են ԵԿՄ պահեստներից։ Ավելին, որոշ մասն էլ բերված է եղել Արցախի Մարտունի բնակավայրից, որտեղ էլ եղել է ԵԿՄ-ի համապատասխան պահեստը։ Մենք դատական նիստերը շարունակում ենք՝ լիահույս լինելով, որ այս ամենին դատարանը կտա օբյեկտիվ գնահատական, 168․am-ի հետ զրույցում ասել է ԵԿՄ նախկին նախագահ, գեներալ-լեյտենանտ Մանվել Գրիգորյանի փաստաբան Լևոն Բաղդասարյանը։
Նա հայտնել է, որ Մանվել Գրիգորյանի գործով դատական գործընթացում մեկնարկել է վկաների ակտիվ հարցաքննության փուլը։
«Վկաները, որոնք ցուցմունք են տալիս յուրացման գործով՝ հայտնի «տուշոնկայի» հետ կապված, նրանց ցուցմունքներում որևէ աղերս չկա յուրացման հետ, կամ որից տեղյակ է եղել Մանվել Գրիգորյանը։ Ավելին, որպես իրավապաշտպան՝ արձանագրում եմ, որ մեղադրել անձին յուրացման համար, որի պատասխանատուն անգամ իրավական հարթության վրա նա չի եղել, նկատի ունեմ այդ օգնությունները, մեղմ ասած, աբսուրդի ժանրից է։ Ինչպես քրեական գործում, այնպես էլ ԵԿՄ-ի կանոնադրությունում հստակ արձանագրված է այն իրավանորմը, թե ում վրա են դրվում այդ կարգի գործառույթները», - նշել է Լևոն Բաղդասարյանը։
Ըստ փաստաբանի, Մանվել Գրիգորյանի մահվանից հետո նրա գործը ենթակա էր կարճման, սակայն պաշտպանական կողմը միջնորդել էր, որպեսզի նիստերը շարունակվեն՝ արդարացման հիմքով։ Ըստ այդմ էլ, երկու շաբաթը մեկ՝ յուրաքանչյուր երեքշաբթի, ընթանում են դատական նիստերը։
Լևոն Բաղդասարյանը տեղեկացրել է նաև, որ մինչև օրս կալանքի տակ է ոչ միայն Մանվել Գրիգորյանի, այլև նրա բոլոր մերձավորների, նրա հետ ուղղակի կամ անուղղակի շաղկապված անձանց ունեցվածքը։
«Նշեմ նաև, որ ՄԻԵԴ-ում գործ է քննվում Մանվել Գրիգորյանի անօրինական կալանքի և խոշտանգման փաստի վերաբերյալ։ Մենք գույքի արգելանքի հետ կապված ևս ՄԻԵԴ-ին իրազեկել ենք, որի իրավական գնահատականը, կարծում եմ, ՄԻԵԴ-ը ապագայում կտա», - ասել է փաստաբանը, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-07-12 13:25Мэрия Еревана не дала разрешения на шествие и возможную сидячую акцию, запланированные после митинга арцахцев, несмотря на то, что сам митинг был одобрен. Об этом в беседе с Pastinfo сообщил член Совета по защите прав арцахцев Апрес Маргарян.
-
New2025-07-12 12:31Процесс отнятия "Элсетей" у собственника и продажа компании стороннему лицу, вызовет подорожание тарифов на электричество. Об этом пишет инициатива "Айакве".
-
New2025-07-12 12:29Арест полковника запаса Миграна Махсудяна был предсказуем, потому что власти пытались разными способами вывести из игры препятствия, мешавшие процессу так называемой демаркации, стартовавшей еще в прошлом году. Об этом написал в соцсетях депутат парламентской фракции «Честь имею» Тигран Абрамян.
-
New2025-07-12 12:26«Как передает наш источник в правительстве, у премьер-министра Пашиняна уже несколько дней проводятся совещания, «ломают голову» над продлением ареста Самвела Карапетяна. Об этом пишет «Паст».