2021-10-28 15:20
Информагентства
ՔԿՀ-ները հանցագործ արտադրող ձեռնարկություններ են. «Կոշն» ու «Հրազդանը» կփակվեն
ՀՀ կառավարության որոշմամբ` «Կոշ» և «Հրազդան» քրեակատարողական հիմնարկների գործունեությունը կդադարեցվի: Կառավարությունն այսօր հավանություն տվեց երկու ՔԿՀ–ների փակման նախագծին։
Արդարադատության նախարար Կարեն Անդրեասյանը, ներկայացնելով նախագիծը, նշեց, որ հիմնարկների փակման արդյունքում 2022-ին կխնայեն 1 մլրդ 200 մլն դրամ։
«Սա միայն գումարի խնայման մասին նախագիծ չէ, այլ կարևոր սկիզբ է ՔԿՀ ոլորտի բարեփոխման համար։ Այս երկու հիմնարկները փակվելուց հետո կունենանք 10 ՔԿՀ–ներ, որոնց պայմանները լավացնելով, կկարողանանք լուծել մարդու իրավունքների խնդիրները։ Մենք ունենք 5346 տեղ, որտեղ կարող են պահվել ազատազրկվածները և դրանցից զբաղված են միայն 2113-ը»,–ասաց Անդրեասյանը։
Նրա խոսքով` երկու ՔԿՀ–ների փակման հետևանքով 280 հաստիք կկրճատվի, որոնցից 70-ը կտեղափոխվեն այլ հիմնարկներ աշխատանքի, 50-ը պրոբացիայի ծառայություն, իսկ մնացածը կմնան կադրերի ռեզերվում։
Նախարարը նշեց` կազատվեն այն աշխատակիցներից, որոնց վարքը դժգոհության տեղիք է տվել, ինչի հաշվին մյուսների աշխատավարձը կավելանա։
Վարչապետ Նիկոլ Փաշինյանն էլ հավելեց` այսօր ՀՀ–ում կալանավորված և դատապարտված անձանց պատմական մինիմում է։
«Մեր ՔԿՀ-ների մի մասում, մասնավորապես, «Կոշ»-ում ու «Հրազդանում» անմարդկային պայմաններ են ու կալանավորված մարդիկ պահվում էին անմարդկային պայմաններում։ Պետք է արձանագրել, որ ՔԿՀ-ները Հայաստանում երկար ժամանակ, հիմա էլ՝ հանցագործ արտադրող ձեռնարկություններ են»,–ասաց Փաշինյանը։
Նախագծի հիմնավորման մեջ նշվում է, որ «Կոշ» քրեակատարողական հիմնարկը նախատեսված է 640 անձի պահման համար։ Ներկա դրությամբ այնտեղ պահվում է շուրջ 66 մարդ։
Իսկ «Հրազդան» ՔԿՀ–ն նախատեսված է 215 անձի պահման համար և ներկա դրությամբ այնտեղ պահվում է շուրջ 157 անձ, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-18 09:43Правозащитники требуют от Азербайджана освободить всех армянских заключённых, находящихся в его тюрьмах, в том числе бывшего министра правительства Нагорного Карабаха Рубена Варданяна. С призывом вмешаться в ситуацию обратился к бывшему президенту США Дональду Трампу сын Варданяна Давид.
-
New2025-06-18 09:36Военно-воздушные силы Израиля наносят серию ударов в районе столицы Ирана Тегерана, сообщает армия обороны Израиля (ЦАХАЛ) в Telegram-канале.
-
New2025-06-18 09:32Российский предприниматель, глава ГК "Ташир" Самвел Карапетян, сам покинул свой дом в Ереване и сел в полицейскую машину, передает корреспондент Sputnik Армения.
-
New2025-06-18 09:30Премьер-министр Израиля Биньямин Нетаньяху провел телефонный разговор с президентом США Дональдом Трампом, сообщил The Times of Israel израильский чиновник.