2021-11-13 16:13
Информагентства
Մետաքսե ՀԱԿՈԲՅԱՆ․ ԵՐԲ ՊԵՏՈՒԹՅԱՆ ՄԱԿԱՐԴԱԿՈՎ ԱԴՐԲԵՋԱՆԱԿԱՆ ՍԱԴՐԱՆՔՆԵՐԻՆ ՊԱՏԱՍԽԱՆ ՉԻ ՏՐՎՈՒՄ, ԳՈՐԾԻ ԵՆ ԱՆՑՆՈՒՄ ԱՆՀԱՏՆԵՐԸ
Ադրբեջանցիների կողմից Շուշիի մատույցներում սպանված երիտասարդի եղբոր կողմից նման արարք, բնական է, պետք է լիներ, որովհետև գործող իշխանությունները մեկ տարի շարունակ հայի կերպարն ամբողջ աշխարհում փոխած են ներկայացրել՝ որպես վախկոտի, փախչողի, Aysor.am-ի թղթակց հետ զրույցում ասաց Արցախի Հանրապետության խորհրդարանի «Արդարություն» խմբակցության պատգամավոր Մետաքսե Հակոբյանը։
«Բայց այդպես չէ։ Արցախցին վախկոտ չէ, խուճապի մատնվող չէ։ Արցախցին ի վիճակի է ինքնակազմակերպվելու և ներքին ու արտաքին թշնամու հարցերը լուծելու՝ նույնիսկ իր կյանքի գնով։ Չէ՞ որ մենք այսօր գիտակցաբար ապրում ենք Արցախում։
Իրականում, հայն ուղղակի համբերատար է, սպասող, որովհետև հանրության մոտ սերմանում են, որ յուրաքանչյուրի քայլը կարող է վտանգել մնացածի անվտանգությունը։ Ընդդիմությանը ևս երկար ժամանակ նման կերպ լռեցնում էին։ Բայց բոլորն էլ հասկացել են, որ դա ամենևին այդպես չէ։
Հիմա, միանշանակ է, որ եթե պետության մակարդակով ադրբեջանական սադրանքներին պատասխան չի տրվում, ապա գործի են անցնում անհատները», - ասաց Մետաքսե Հակոբյանը։
Արցախցի պատգամավորը միաժամանակ հավելեց՝ այսօր շատերը քննարկում են զուտ Շուշիի մոտ նռնակ պայթեցնելու միջադեպը, սակայն իրենց հարց չեն տալիս՝ ինչո՞ւ նման բան տեղի ունեցավ, ի՞նչ է լինելու հետո։
«Այս դեպքը եղավ, և կարծում եմ՝ նման դեպքեր էլի կլինեն, որովհետև երկար ժամանակ է՝ ինչ հայը հասկանում է, որ իր անվտանգության երաշխավորն այլևս իշխանությունները չեն։ Մարդիկ սա քիչ-քիչ են հասկանում, որովհետև մոտ 30 տարի չեն մտածել այս ուղղությամբ։
Համենայնդեպս, Արցախում գնալով ավելի ու ավելի բարձրաձայն են խոսում, որ Հայաստանի և Արցախի իշխանություններն այլևս անվտանգության երաշխավոր չեն, և մնում է, որ յուրաքանչյուրը կարողանա սեփական ինքնապաշտպանությունն ապահովվել։
Իսկ սա կարող է քաոս առաջացնել, որովհետև ամեն մարդ դա իր պատկերացրածով է անելու, և այս իշխանությունները, փոխանակ ինչ-որ գործողության դիմեն, ընդամենը պաշտպանվում են», - նշեց արցախցի պատգամավորը՝ ավելացնելով, որ Արցախում որոշ ուժեր ամեն գնով փորձում են իմիտացիա ստեղծել, որ արցախցու միակ պաշտպանը Ռուսաստանն է։
Հիշեցնենք՝ այսօր Ստեփանակերտ-Բերձոր ճանապարհին միջադեպ է տեղի ունեցել: Նոյեմբերի 8-ին այդ հատվածում սպանված հայ բանվորի եղբայրը մոտեցել է ադրբեջանցի զինծառայողներին և նռնակ նետել նրանց ուղղությամբ։
Ռուս խաղաղապահները ձերբակալել են եղբոր սպանության համար ադրբեջանական հենակետը պայթեցրած արցախցուն:
ПОСЛЕДНИЕ ОТ АВТОРА
-
New2025-06-25 11:12Депутат от оппозиционной фракции "Айастан" Гарник Даниелян охарактеризовал обыски в доме архиепископа Баграта Галстаняна, лидера движения "Священная борьба", как проявление политических репрессий.
-
New2025-06-25 11:07В настоящее время незаконные обыски проводятся в квартирах члена Верховного органа АРФ Дашнакцутюн Игоря Саркисяна, члена комитета АРФД в Абовяне Вардана Авакяна, члена комитета АРФД в Раздане Арташеса Унаняна и члена комитета АРФД в Ноемберяне Вараздата Амиракяна. Об этом Новости Армении – NEWS.am сообщили в Верховном органе АРФД Армении.
-
New2025-06-25 11:06Представитель президента США Дональда Трампа на Ближнем Востоке Стив Уиткофф в интервью телеканалу Fox News заявил во вторник, что переговоры между Соединенными Штатами и Ираном были «многообещающими» и что Вашингтон надеется на долгосрочное мирное соглашение.
-
New2025-06-25 10:54Следственный комитет обвинил оппозиционное движение «Священная борьба» в попытке теракта и захвата власти в Армении. Ведомство утверждает, что участники и руководители движения под названием «Священная борьба» планировали осуществить террористические акты и узурпацию власти в стране.