«ՍԴ դիմում ենք ներկայացրել». Արծվիկ Մինասյանը` ԱԺ քաղաքական մեծամասնության պահվածքի մասին
Քաղաքական մեծամասնությունն արհամարհում է սահմանադրական կարգավորումները։ ԱԺ «Հայաստան» խմբակցության ասուլիսի ժամանակ նման հայտարարություն արեց «Հայաստան» խմբակցության պատգամավոր Արծվիկ Մինասյանը։
Հայտնել էինք, որ ԱԺ ընդդիմադիր խմբակցությունները բոյկոտեցին այսօրվա լիագումար նիստն ու լքեցին նիստերի դահլիճը։ Նրանց խոսքով` անվտանգային խնդիրների փոխարեն երկրորդական հարցեր են քննարկվում նիստին։ Բացի այդ, սահմանին տիրող իրավիճակը քննարկելու հարցով երեկ ընդդիմությունն արտահերթ նիստ գումարելու առաջարկով էր հանդես եկել, սակայն այն չկայացավ։
«ՍԴ ներկայացված դիմում ունենք այս ապօրինի վարքագիծը բացահայտելու և նրանց գործողությունների սահմանադրականությունը որոշելու համար»,–ասաց Մինասյանը։
Նրա խոսքով` այսօրվա նիստը բոյկոտելը չի նշանակում, որ մի շարք հարցերի քննարկմանը ներկա չեն լինելու։ Մինասյանը հավելեց` իրենց առաջարկով 3 հարց է ներառված այսօրվա նիստի օրակարգում։
Խմբակցության ղեկավար Սեյրան Օհանյանն էլ նշեց` Երևան–Գորիս մայրուղին, ըստ էության, գտնվում է ադրբեջանցիների վերահսկողության ներքո, իսկ ԱԺ–ում ի՞նչ է քննարկվում։
«Ճանապարհների և ենթակառուցվածքների ապաշրջափակման հարցն ադրբեջանցիների համար առաջնային է մնում Զանգեզուրի միջանցքի գաղափարն առաջ տանելու համար։ Այս իրականության մեջ ՀՀ իշխանությւոնները որևէ հետևություն չեն անում, ռեալ գնահատական չեն տալիս պատերազմին և դրանից հետո ստեղծված իրավիճակին, ռազմավարական վերանայում չեն իրականացրել»,–ասաց Օհանյանը։
Նրա խոսքով` ռազմավարական վերանայման շրջանակներում, օրինակ, պետք է ԱԱԾ–ի և ՊՆ–ի ուժերը ներառեին Ադրբեջանի հետ սահմանը կահավորելու և ուժեղացնելու գործում։
Օհանյանը հիշեցրեց, որ իրենք երեկ առաջարկել էին ԱԺ արտահերթ նիստ անցկացնել` սահմանին ստեղծված իրավիճակի հարցը քննարկելու, սակայն իշխանությունը մերժեց այն։ Իսկ այսօր ԱԺ նիստին անվտանգային որևէ հարց ներառված չէ, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2025-06-19 07:54
Поднятие вопроса о национализации "Электросетей Армении", собственником которых является Самвел Карапетян, – это не что иное, как политическое преследование хозяйствующего субъекта. Такое мнение в беседе со Sputnik Армения выразил член Исполнительного органа РПА и бывший депутат Гагик Минасян.
-
2025-06-18 22:20
Существует прямая связь между интенсивностью атак на военные центры и инфраструктуру, а также гражданские районы на северо-западе Ирана со стороны израильского режима и планом англосаксонского фронта по созданию фальшивого Зангезурского коридора (Туранский коридор НАТО). Об этом написал иранский политолог Ахмад Каземи.
-
2025-06-18 20:20
Первый зампред комитета Госдумы РФ по делам СНГ Константин Затулин прокомментировал Alpha News задержание российского бизнесмена Самвела Карапетяна, атаку властей Армении на Армянскую Церковь и прозападный курс.
-
2025-06-18 20:17
США и Израиль делают главную ставку на свержение законного правительства Ирана и установление марионеточного режима. Но у Ирана есть опыт Венесуэлы, напоминает обозреватель Pravda.Ru Любовь Степушова.