2021-12-15 18:19
Информагентства
Գագիկ ՀԱՄԲԱՐՅԱՆ․ ՀԱՅԱՍՏԱՆԸ ՍԱՀՄԱՆԱԶԱՏՄԱՆ-ՍԱՀՄԱՆԱԳԾՄԱՆ ԳՈՐԾԸՆԹԱՑԻՆ ԳՆՈՒՄ Է ԱԴՐԲԵՋԱՆԱԹՈՒՐՔԱԿԱՆ ՏԱՆԴԵՄԻ ՇԱՆՏԱԺԻ ՆԵՐՔՈ
Հայաստանը սահմանազատման-սահմանագծման գործընթացին գնում է ադրբեջանաթուրքական տանդեմի շանտաժի ներքո։ Մյուս կողմից՝ Ադրբեջանը շարունակում է իր ագրեսիվ քաղաքականությունը՝ փորձ անելով նույնականացնել Լաչինի միջանցքի և, այսպես կոչված, «Մեղրու միջանցքի» կարգավիճակները, Aysor.am-ի թղթակցի հետ զրույցում ասաց քաղաքագետ Գագիկ Համբարյանը՝ անդրադառնալով երեկ Բրյուսելում կայացած Փաշինյան-Ալիև հանդիպմանը։
«Սա ուղղակիորեն ՀՀ տարածքային ամբողջականության նկատմամբ բացահայտ նկրտում է, որովհետև նման հարց նույնիսկ չպետք է քննարկվեր։ Իսկ քննարկվում և առաջ է տարվում, որովհետև ՀՀ ղեկավարությունն այն թիմն է ներկայացնում, որը 2020 թվականին ստորագրել է կապիտուլյացիայի ակտը։ Մենք այժմ «ըմբոշխնում ենք» դրա հետևանքները։
Այս ամենից ես որևէ լավ բան չեմ սպասում։ Սահմանազատումը տեղի է ունենալու ի վնաս մեզ։ Դրա վառ օրինակը մինչև հիմա տեղի ունեցած ապօրինի սահմանազատումներն են, որոնք իրականացվել են Նիկոլ Փաշինյանի անմիջական հրահանգով։ Այդ ամենի հետևանքով մենք կորցրել ենք Գորիս-Կապան ճանապարհի մեծ մասը, ինչպես նաև Կապան-Ճակատեն ճանապարհից օգտվելու հնարավորությունը», - նշեց քաղաքագետը։
Գագիկ Համբարյանի խոսքով՝ ՀՀ վարչապետը բոլոր այս սահմանազատումներն իրականացրել է գոյություն չունեցող նորմերի համաձայն։
«Նա անընդհատ առաջ է տանում 2010 թվականին ընդունված վարչատարածքային բաժանման մասին օրենքը, սակայն քիչ թե շատ կիրթ ուսանողը շատ լավ գիտի, որ ներքին իրավական ակտերի հիման վրա չի կարելի պետական սահմաններ գծել»,- շեշտեց մեր զրուցակիցը։
Հիշեցնենք, որ Բրյուսելում Ադրբեջանի նախագահ Իլհամ Ալիևի, Հայաստանի վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի մասնակցությամբ բանակցությունների արդյունքում պայմանավորվածություն է ձեռք բերվել ստեղծել սահմանների սահմանազատման նպատակով ժամանակավոր աշխատանքային խումբ։
ПОСЛЕДНИЕ ОТ АВТОРА
-
2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».