2021-12-27 19:15
Информагентства
Արմեն ԱՇՈՏՅԱՆ․ ՓԱՇԻՆՅԱՆԸ ՀՀ ԱՌԱՋԻՆ ՂԵԿԱՎԱՐՆ Է, ՈՐՆ ՈՒՂԻՂ ԵԹԵՐՈՒՄ ԲԱՌԱՑԻՈՐԵՆ ՑԻՏԵԼ Է ԱԼԻԵՎԻ ԴԻՐՔՈՐՈՇՈՒՄՆԵՐԸ ՄԱԿ-Ի ՀԵՏ ԿԱՊՎԱԾ
1993 թվականին ՄԱԿ-ի Անվտանգության խորհուրդն ընդունեց չորս բանաձև, որոնց նպատակն Արցախի կարգավիճակի որոշումը չէր, այլ ռազմական գործողությունների կանգնեցնելը։ Այս մասին այսօր՝ դեկտեմբերի 27-ին, լրագրողների հետ զրույցում ասաց ՀՀԿ փոխնախագահ Արմեն Աշոտյանը:
«Սերժ Սարգսյանն է ասել, որ 2016 թվականից հետո բանակցային փաթեթը ստացավ եռամակարդակ վիճակ՝ Հայաստանի և Ադրբեջանի միջև կարգավորման սկզբունքների մասին համաձայնագիր, համանախագահ երկրների ղեկավարների մակարդակով հայտարարություն և ՄԱԿ-ի Անվտանգության խորհրդի որոշում։ Հիմա ասում է, որ ինքնորոշման իրավունքը գցեցին ՄԱԿ-ի անվտանգության խորհուրդ։ 1993 թվականին ՄԱԿ-ի Անվտանգության խորհուրդն ընդունեց չորս բանաձև, որոնց նպատակն Արցախի կարգավիճակի որոշումը չէր, այլ ռազմական գործողությունների կանգնեցնելը։ Կարմիր թելով այդ չորս բանաձևերի մեջ մի միտքն է գնում, որ ռազմական գործողություններն անհապաղ պետք է դադարեցվեն։ 1992 թվականին արդեն իսկ ստեղծվել էր Մինսկի խումբը, 1994-1995 թվականներին Մինսկի խումբն արդեն ստացավ մանդատ կարգավիճակը քննարկելու։ Այս դեպքում Մինսկի խմբի ձևաչափն ինչո՞ւ էին ստեղծել, եթե ՄԱԿ-ի անվտանգության խորհրդով այդ տարիներին Արցախի կարգավիճակի մասին արդեն կարգավորում կար, ընդորում՝ Մինսկի խմբի անդամ պետություններից երեքը ՄԱԿ-ի անդամ երկրներ էին։ Մարդ ցնդում է, որ ստիպված է բացատրել, թե Նիկոլն ինչ աստիճանի անբարոյական է»,- նշեց Արմեն Աշոտյանը։
Արմեն Աշոտյանի խոսքով՝ Ադրբեջանը 30 տարի այդ բանաձևերը փորձել է խեղաթյուրել և օգտագործել Հայաստանի դեմ։
«Նիկոլ Փաշինյանը Հայաստանի առաջին ղեկավարն է, որը բառացիորեն ցիտել է հայկական ուղիղ եթերում Ալիև հոր և տղայի դիրքորոշումները ՄԱԿ-ի Անվտանգության խորհրդի հետ կապված։ Նիկոլ Փաշինյանը հայերենով հիմնավորել է, որ Ալիևները ճիշտ էին, իսկ հայ ժողովուրդը՝ սխալ։ Նիկոլականներին եմ դիմում, կերաք, թե՝ մեկ է ձեզ համար»,- ասաց Արմեն Աշոտյանը։
Արմեն Աշոտյանի խոսքով՝ անթույլատրելի է քառօրյա պատերազմը համեմատելը 44-օրյա պատերազմի հետ:
«Ինչ աստիճանի անբարոյական պետք է լինի մարդ, որ քառօրյա պատերազմը համեմատի 44-օրյա հետ. 70-ից ավել զոհը՝ 5000 զոհի հետ, 400 հեկտարի կորուստը՝ 10 հազ քառակուսի կիլոմետրի հետ, հայկական կողմին հրադարարի աղերսը համեմատի ծակը մտնելու հետ, որ Պուտինն էլ չէր կարողանում գտնել, որտեղ է ։ Հղում է անում լուսահոգի Արկադի Տեր-Թադևոսյանին, որն այսօր չի կարող թեկուզ ասել, որ նման բան եղել է։ Բա եթե հետախուզությունով կռիվ էր, բա դու չտեսա՞ր հուլիսի կեսին, որ պատերազմ է գալիս, այ անբարոյական։ Դուք չտեսա՞ք, որ հաջորդը կռիվն է: Նիկոլ, դու տավուշյան մարտերից սարքեցիր շոու։ Ասացիր, որ Տավուշյան մարտերը ապացուցեցին, որ հայկական բանակը տարածաշրջանում ամենամարտունակն է»,- ընդգծեց Աշոտյանը:
ПОСЛЕДНИЕ ОТ АВТОРА
-
New2025-07-25 12:15В связи с так называемой национализацией Электросетей Армении (ЭСА) и решением Арбитражного института Торговой палаты Стокгольма, позиция правительства Армении, озвученная 23 июля, демонстрирует, что международные договоры, подписанные Арменией для защиты иностранных инвесторов, не будут исполняться, если они не устраивают главу правительства лично или политически, считает бывший омбудсмен Армении Арман Татоян.
-
New2025-07-25 12:12Министерство культуры Арцаха сообщает, что по инициативе общественной организации «Агентство культуры и развития туризма Арцаха» и при финансовой поддержке посольства Королевства Нидерландов в Армении были воссозданы в цифровом виде коллекции следующих музеев:
-
New2025-07-25 12:10Депутат фракции «Честь имею» Тигран Абрамян пишет:
-
New2025-07-25 12:09Одной из основных целей визита Никола Пашиняна в Россию стала проверка реакции Москвы как вокруг «Зангезурского коридора», так и внутриармянских процессов. Об этом пишет газета «Иравунк», ссылаясь на провластные источники.