Ագնեսսա Խամոյան․ «Հայաստան» խմբակցությունը «13-րդ աշխատավարձը» կուղղի բարեգործության
ԱԺ նախագահ Ալեն Սիմոնյանի որոշմամբ բաժանված պարգևատրումները ընդդիմադիր «Հայաստան» խմբակցությունը կօգտագործի բարեգործական նպատակով։ Այս մասին News.am-ի հետ զրույցում ասաց խմբակցության պատգամավոր Ագնեսսա Խամոյանը։
«Մեր խմբակցության պատգամավորները նույնպես ստացել են այսպես կոչված՝ 13–րդ աշխատավարձերը, որը պարգևատրում է։ Ինչպես նախորդ անգամ, այնպես էլ հիմա «Հայաստան» խմբակցությունը պարգևատրումները չի ծառայեցնի սեփական նպատակների համար, այլ կուղղի բարեգործության։ Նախորդ անգամ խմբակցությունը որոշել էր պարգևատրումները տրամադրել Արցախում զինվորների համար գործող Քերոլայն Քոքսի անվան վերականգնողական կենտրոնին, իսկ այս անգամ որոշում է կայացվել է, որ յուրաքանչյուր պատգամավոր իր հայեցողությամբ այդ գումարը կծախսի որևէ բարեգործության համար»,– ասաց Ագնեսսա Խամոյանը։
Հիշեցնենք, որ 8-րդ գումարման պատգամավորները պարգևատրվել էին նաև ամիսներ առաջ՝ անկախության 30-ամյակի առթիվ։ Բացի աշխատավարձից, պատգամավորները պատգամավորական ծախսերի համար ստանում են 250 000 դրամ, նախկինում այն կազմում էր 50 000 դրամ։ Դեռ հոկտեմբեր ամսին, «Հայաստան» խմբակցությունը դիմել էր Սահմանադրական դատարան՝ ամեն ամիս պատգամավորներին տրվող 250 000 դրամների հարցով։ Խմբակցությունը դիմումում վիճարկել էր պետական քաղաքական պաշտոնյաների` ՀՀ նախագահի, վարչապետի, փոխվարչապետերի, նախարարների, նախարարների տեղակալների, պատգամավորների պարգևատրման համակարգը։
«Թեև ՍԴ–ն մերժել է մեր խմբակցության դիմումը հիմնավորելով, որ հարցը գտնվում է պետական քաղաքականության ոլորտում և սահմանադրականության խնդիր չի առաջացնում, այդուհանդերձ մենք շարունակելու ենք հետևողական լինել պարգևավճարների և պարգևատրումների հարցում, իսկ թե ինչ ձևով, հավելյալ կտեղեկացնենք»,– հավելեց «Հայաստան» խմբակցության պատգամավոր Ագնեսսա Խամոյանը։
ПОСЛЕДНИЕ ОТ АВТОРА
-
2024-05-05 12:41
Это движение также для вас, чтобы освободить от этих оков также вас. Я ясно говорю, что та повестка, которую мы диктовали и диктуем, – об истине, о широком социальном примирении и о благословении Господа Бога. Об этом заявил сегодня, 5 мая, лидер движения «Тавуш во имя родины», архиепископ Баграт Галстанян собравшимся после Литургии во дворе монастыря Ахарцин, передает News.am.
-
2024-05-05 10:37
Движение, возглавляемое предстоятелем Тавушской епархии Армянской апостольской церкви, архиепископом Багратом Галстаняном, начавшее накануне шествие из Киранца в Ереван, дошло до Ахарцина.
-
2024-05-05 10:32
Бывший омбудсмен Армении, председатель фонда «Татоян» Арман Татоян в интервью с порталом 168.am ответил на вопрос о том, собирается ли он заняться политикой.
-
2024-05-05 10:30
Партия «Свобода» безоговорочно поддерживает движение, возглавляемое архиепископом Багратом Галстаняном. Об этом на своей странице в Facebook написал бывший премьер-министр Армении Грант Багратян, передает News.am.