2022-01-28 13:19
Информагентства
Georgian Airways-ը չեղարկել է Թբիլիսի-Մոսկվա-Թբիլիսի ուղիղ չարտերային չվերթը
Georgian Airways-ը չեղարկել է այսօր նախատեսված Թբիլիսի-Մոսկվա-Թբիլիսի ուղիղ չարտերային չվերթը, հայտնում է «Նովոստի-Գրուզիան»՝ Մտավարի հեռուստաընկերության վրա հղումով։
Վրացական ավիաընկերության ինքնաթիռը պետք է մեկնարկեր թռիչքը Թբիլիսիի օդանավակայանից տեղական ժամանակով ժամը 10:00-ին և վայրէջք կատարեր Վնուկովո օդանավակայանում՝ Մոսկվայի ժամանակով 11:30-ին։ Մտավարի հեռուստաընկերությունը պնդում է, որ «Մոսկվան մերժել է» Georgian Airways-ին վերջին պահին։
Ավիաընկերության հիմնադիր Թամազ Գաիաշվիլին ասել է, որ չեղարկման պատճառը «ԶԼՄ-ներում աժիոտաժն» է և նրանց կողմից ընթացակարգերի խախտումը։
«Լրագրողների ակտիվության պատճառով աղմուկ է բարձրացել, չվերթի թույլտվություն չեն տվել, և այն չեղարկվել է։ Որոշ ընթացակարգեր չեն պահպանվել, ուստի թույլտվություն չի եղել»,- ասել է Գաիաշվիլին։
Վրաստանի քաղաքացիական ավիացիայի գործակալությունից դեռ պաշտոնական մեկնաբանություններ չկան։
Վրաստանի և Ռուսաստանի միջև ուղիղ չվերթերի բացակայության պայմաններում Georgian Airways-ը թույլտվություն է ստացել իրականացնել երկու չարտերային չվերթ՝ կապված Ամանորի և Սուրբ Ծննդյան տոների հետ՝ հունվարի 8-ին և 28-ին։ Ավիաընկերությունն իրականացրել է Թբիլիսի-Մոսկվա-Թբիլիսի առաջին չարտերային չվերթը։
Ռուսաստանը 2019 թվականի ամռանն արգելել է ուղիղ չվերթները դեպի Վրաստան՝ ի պատասխան Պետդումայի պատգամավոր Սերգեյ Գավրիլովի՝ Վրաստան ժամանման հետ կապված զանգվածային բողոքի։
Անցյալ շաբաթ ՌԴ ԱԳՆ-ն նշել է Վրաստանի և Ռուսաստանի միջև ուղիղ ավիաչվերթների վերականգնման պայմանները, որոնք են՝ Վրաստանում իրավիճակի կայունացում, ռուսաֆոբ արշավի դադարեցում և ՌԴ քաղաքացիների անվտանգության սպառնալիքների վերացում։
Ի պատասխան՝ Ռուսաստանի Դաշնության հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն ասել է, որ Թբիլիսին միշտ պատրաստ է վերսկսել թռիչքները։ Նա նշել է, որ Վրաստանում ռուսներին ոչինչ չի սպառնում, և հարցի լուծումը կախված է Մոսկվայի դիրքորոշումից, ինչպես նաև կորոնավիրուսի համաճարակի հետ կապված իրավիճակից, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-03 19:39Эксперты прогнозируют возможные сценарии войны между Россией и Азербайджаном. Баку стремительно демонтирует двусторонние отношения с РФ. Это путь Украины, который закончился войной, пишет обозреватель Pravda.Ru Любовь Степушова.
-
New2025-07-03 19:37Пятерых задержанных сотрудников редакции Sputnik Азербайджан с гражданством республики отпустили под подписку о невыезде, сообщает агентство Sputnik.
-
New2025-07-03 19:33Полковник Мигран Махсудян находится в УИУ «Вардашен». Его интересы защищает адвокат Анна Манташян. От нее узнал, что Махсудяна обвиняют по двум статьям - подготовка к захвату власти и свержению конституционного строя. Об этом написал на своей странице в Facebook тавушский журналист Воскан Саркисян.
-
New2025-07-03 19:32Защита предстоятеля Ширакской епархии Армянской Апостольской церкви архиепископа Микаэла Аджапахяна обжаловала решение о его аресте в Апелляционном суде. Об этом сообщили адвокаты архиепископа.