ՀՀ ԱԳՆ․ Ողջունում ենք ՅՈւՆԵՍԿՕ-ի՝ տարածաշրջան առաքելություն ուղարկելու մտադրությունը
ԱԳ նախարար Արարատ Միրզոյանը ԱԺ-կառավարություն հարց ու պատասխանի ժամանակ անդրադարձավ Արցախի պատմամշակութային ժառանգության կեղծման նպատակով Բաքվում հանձնաժողով ստեղծելու հարցին։
«Կարծում եմ՝ նկատել եք, որ Արտաքին գործերի նախարարությունը հայտարարություն է արել Ադրբեջանի մշակույթի նախարարի դիրքորոշման ու մտադրության կապակցությամբ։ Եվ այդ հայտարարության մեջ մենք խստորեն դատապարտել ենք այդ մոտեցումը։ Մեր կարծիքով՝ սա ևս վկայություն է այն բանի, որ փորձ է արվում ուղղակի ջնջել հայ ժողովրդի ներկայության հետքերը Լեռնային Ղարաբաղում և ընդհանրապես պատմական հայրենիքում։ Եվ այստեղ իրավացի են պնդումներն այն մասին, որ սա տարիներ շարունակ տևած հայատյացության և էթնիկ զտումների քաղաքականության մի դրսևորում կարող է լինել»,- ասաց Միրզոյանը։
Նրա խոսքով՝ սա նաև մարտահրավեր է Արդարադատության միջազգային դատարանի համար՝ հրատապ միջոցներ կիրառելու վերաբերյալ դատարանի որոշման առումով, որտեղ շատ հստակ Ադրբեջանի իշխանություններին պարտադրվում է կանխել և պատժել վանդալիզմի և պղծման դեպքերը՝ ուղղված հայկական մշակութային, կրոնական ժառանգության դեմ։
Ըստ Միրզոյանի՝ Ադրբեջանը պետք է կատարի դատարանի վճռով իր վրա դրված պարտավորությունը։ «Այստեղ հրամայական է դառնում ՅՈւՆԵՍԿՕ-ի միջամտությունը։ Եվ մենք ողջունել ենք ՅՈւՆԵՍԿՕ-ի՝ տարածաշրջան գնահատող առաքելություն ուղարկելու մտադրությունը։ Հստակ ժամկետներ, պայմանավորվածություններ չկան, բայց կողմերը վերահաստատել են կարևորությունը՝ այդպիսի այց ունենալու տարածաշրջան։ Եվ հիմա այս հայտարարությունից հետո մենք ևս մեկ անգամ դիմում ենք ՅՈւՆԵՍԿՕ-ին, նաև նախատեսում ենք ոչ առցանց հանդիպումներ՝ քննարկելու այս հարցը։ Մեր պատկերացումներով՝ այդ այցը պիտի տեղի ունենա 1954 թվականի Հաագայի Զինված ընդհարումների դեպքում մշակութային ժառանգության պահպանման վերաբերյալ կոնվենցիայի սահմանած սկզբունքներին համահունչ»,- ասաց նա, տեղեկացնում է Lragir.am-ը։
ПОСЛЕДНИЕ ОТ АВТОРА
-
2025-06-04 16:35
Международный комитет Красного Креста (МККК) в последний раз посещал удерживаемых в Баку армянских пленных в марте 2025 года. Об этом сообщила в беседе с "ФактИнфо" руководитель коммуникационных программ делегации МККК в Армении Зара Аматуни,
-
2025-06-04 16:34
Десять сотрудников МВД были уволены за употребление наркотиков. Об этом заявила на совместном заседании парламентских комиссий при представлении отчета об исполнении бюджета за 2024 год министр внунтренних дел Армении Арпине Саркисян.
-
2025-06-04 16:32
Президент Арцаха Самвел Шахраманян был допрошен по трем разным уголовным производствам, каждый допрос длился 4-5 часов. Об этом заявил его адвокат Роман Ерицян в беседе с журналистами после допроса Шахраманяна в Следственном комитете Армении.
-
2025-06-04 16:29
Глава МВД Арпине Саркисян назвала причину увольнения своего заместителя, начальника полиции Арама Ованнисяна.