2022-03-07 16:03
Информагентства
Դանիել ՇՏԵԼՏԵՐ․ ՈՒԿՐԱԻՆԱՅԻ ՊԱՏԵՐԱԶՄԸ ԿԱՐՈՂ Է ԲԱՐՁՐ ԳՆԱՃ ԵՎ ՆՈՐ «ԱՐԱԲԱԿԱՆ ԳԱՐՈՒՆ» ԱՌԱՋԱՑՆԵԼ ԵՄ-ՈՒՄ
Պատժամիջոցները և ուկրաինական պատերազմը կարող են երկնիշ գնաճ առաջացնել ԵՄ-ում և պարենամթերքի պակաս ձևավորել Մերձավոր Արևելքում ու Հյուսիսային Աֆրիկայում։ Գերմանական Focus պարբերականին տված հարցազրույցում ասել է մակրոէկոնոմիկայի շուրջ բանավիճային համաժողովների կազմակերպիչ, բիզնես-խորհրդատու, աշխարհի խոշորագույն խորհրդատվական ընկերություններից մեկի՝ Boston Consulting Group-ի նախկին տնօրեն Դանիել Շտելտերը։
Գերմանիան սեփական արտադրության համար մի շարք կարևոր ապրանքներ է ներկրում Ուկրաինայից՝ գյուղատնտեսական հումք, կիսահաղորդիչներ և նեոն։ Շտելտերի խոսքով` այդ ապրանքների մատակարարումը հասկանալի պատճառներով դժվարացել է։
Ըստ նրա՝ այս ամենը սպառնում է պարենային ապրանքների գների բարձրացմամբ, ընդ որում՝ ոչ միայն ԵՄ-ում։ Ռուսաստանն ու Ուկրաինան արտահանում են համաշխարհային հացահատիկի 25 տոկոսը, Ուկրաինան արևածաղկի ձեթի, ինչպես նաև գարու և եգիպտացորենի համաշխարհային խոշորագույն արտահանողն է:
«Գների բարձրացումն անխուսափելի է, քանի որ «ուկրաինացի գյուղացին» չի կարողանա իր արտը ցանել և միաժամանակ պատերազմ մղել Ռուսաստանի դեմ»,-հայտարարել է Շտելտերը։
Ուստի, եթե այս տարի Ուկրաինայում ցանքատարածությունները զգալիորեն կրճատվեն, ապա վերը նշված կարևորագույն պարենային ապրանքների գները կաճեն։ «ԵՄ-ի համար դա կարող է երկնիշ գնաճի վերածվել, հատկապես եթե դրան գումարվի ռուսական նավթի և գազի բոյկոտը»,– հավելել է նա` ավելացնելով, որ Եվրոպայից շատ կտուժի Մերձավոր Արևելքը։
Նա հիշեցրել է, թե ինչից սկսվեց արաբական գարունը 2010 թվականի վերջին՝ ոչ այնքան ազատության կոչերից, որքան հացի գների կտրուկ աճից և սոցիալական դժգոհությունից։
«Եթե այնտեղ նորից պարենամթերքի պակաս սկսվի, կարող է փախստականների նոր ալիք սկսվել։ Պետք է հետևել, որ դա չկրկնվի»,-նշել է տնտեսագետը։
Հնարավոր է, որ եվրոպական երկրները նույնիսկ ստիպված լինեն թանկարժեք հացահատիկ գնել և ավելի էժան վաճառել Մերձավոր Արևելքում և Հյուսիսային Աֆրիկայում, որպեսզի պարենամթերքի պակասը միգրանտների նոր ալիքի չհանգեցնի։
«Չինաստանը համեմատաբար բարենպաստ վիճակում է, քանի որ անցած տարիների ընթացքում հումքի՝ գազի, ածուխի, պարենի ռազմավարական պաշարներ է հավաքել»,– ավելացրել է նա:
Նշենք, որ հացահատիկի համաշխարհային գները փետրվարին ևս շարունակում են աճել։ Հունվարի համեմատ, ըստ FAO-ի (ՄԱԿ-ի Պարենի և գյուղատնտեսության կազմակերպության) ինդեքսի, դրանք բարձրացել են 3 տոկոսով:
ПОСЛЕДНИЕ ОТ АВТОРА
-
2025-05-12 19:32Президент США Дональд Трамп надеется, что лидеры России и Украины будут в Стамбуле в ближайший четверг. Американский лидер заявил журналистам, что сам подумывает над тем, чтобы полететь в Стамбул на эти переговоры.
-
2025-05-12 19:31Сильный ветер 11 мая в центре Еревана привел к значительному повышению концентрации недифференцированной пыли в атмосферном воздухе по сравнению с предыдущими днями, которая достигла 0,589 мг/м³, что в 3,9 раза превысило предельно допустимую концентрацию, сообщили в Министерстве окружающей среды Армении.
-
2025-05-12 19:28Появились фотографии роскошного самолета, который королевская семья Катара решила преподнести в подарок президенту Соединенных Штатов. Кадры убранства появились на сайте издания Semafor.
-
2025-05-12 19:27Следственный комитет допросил члена совета «Национального демократического полюса» (НДП) Жирайра Сефиляна в статусе свидетеля в рамках выделенного дела по теракту в армянском парламенте 27 октября 1999 года. Об этом Armenia Today сообщил его адвокат Араик Папикян.