Последние новости
2022-03-12 12:04

Արտակ Բեգլարյանը գրել է վթարի և Արցախում 5 օր գազ չունենալու մասին

0
Telegram

Արցախում գազատարն արդեն 5 օր է` շարունակում է վթարված մնալ, և երկրի ընդհանուր բնակչության 80 տոկոսն ամբողջությամբ զրկված է գազամատակարարումից։

Այս մասին Telegram–ի իր ալիքում գրառում է կատարել Արցախի Հանրապետության պետական նախարար Արտակ Բեգլարյանը։

«Արցախում ձյուն է տեղում օդի ջերմաստիճանն էլ 0°C։ Արդեն 5-րդ օրն է` շուրջ 100 հազար բնակիչ (ընդհանուր բնակչության 80 տոկոսը և գազիֆիկացված բնակչության 100 %–ը) ամբողջությամբ զրկված է գազամատակարարումից, ջեռուցումից, տաք ջրից։ Եվ այդ զրկանքների պատճառն ադրբեջանական կողմի անսանձ պահվածքն է, որը թույլ չի տալիս ռուս խաղաղապահներին և մեր մասնագետներին մոտենալ Հայաստանի միակ խողովակաշարին և վերանորոգել այն»,– նշել է Բեգլարյանը։

Նա հավելել է, որ խողովակաշարի պայթած հատվածը գտնվում է ադրբեջանական կողմի հսկողության տակ։

Բեգլարյանն ընդգծել է` դրան զուգահեռ շարունակվում են խոշոր և փոքր տրամաչափի զենքերից կրակոցները քաղաքացիական բնակավայրերի ուղղությամբ՝ խոչընդոտելով գյուղատնտեսական աշխատանքների կատարմանը։

«Եզրակացությունը մեկն է. Ադրբեջանը ցանկանում է շարունակել մարդկության դեմ իր հանցավոր արարքները և հայաթափել Արցախը, իսկ մենք ամուր կանգնած ենք մեր հինավուրց հայրենիքում, և ոչ մի զրկանք չի սասանի մեր կամքը»,– գրել է Արցախի պետնախարարը, տեղեկացնում է Sputnik Արմենիա-ն:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ