Последние новости

Պատժամիջոցներն ազդել են ԵԱՏՄ երկրների վրա. հետևանքները վերացնելու աշխատանքներ են տարվում

ՌԴ–ի և Բելառուսի նկատմամբ կիրառված Արևմուտքի պատժամիջոցներն իրենց մասշտաբներով աննախադեպ են ու ազդել են Եվրասիական տնտեսական միության անդամ բոլոր երկրների վրա։ ՌԻԱ Նովոստիին տված հարցազրույցում այս մասին ասել է ՌԴ ԱԳՆ ԱՊՀ երկրների առաջին վարչության տնօրեն Միխայիլ Եվդոկիմովը` հավելելով, որ ԵԱՏՄ «հնգյակն» աշխատում է հետևանքների հաղթահարման ուղղությամբ։

«Հնգյակի հիմնական ուշադրությունը կենտոնացած է արևմտյան պատժամիջոցների բացասական հետևանքները չեզոքացնելու, ԵԱՏՄ շուկան և՛ արդյունաբերական, և՛ գյուղատնտեսական անհրաժեշտ ապրանքներով ապահովելու վրա: Ներմուծման փոխարինման քաղաքականությունն այս համատեքստում ամենամեծ նշանակությունն ունի»,- ասել է Եվդոկիմովը:

Ռուս դիվանագետը նկատել է, որ սահմանափակումները չէին կարող չազդել ԵԱՏՄ անդամ երկրների վրա՝ հաշվի առնելով տնտեսությունների խորը փոխկապակցվածությունը միասնական շուկայում, տեղեկացնում է Sputnik Արմենիա։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ