2022-04-16 16:01
Информагентства
Ռուբեն ՄԵԼԻՔՅԱՆ․ ԾԱՆՐ ՎԻՐԱՎՈՐԱՆՔԻ ԳՈՐԾԵՐՆ ԱՌԱՋՆԱՀԵՐԹ ՎԵՐԱԲԵՐՈՒՄ ԵՆ ՓԱՇԻՆՅԱՆԻՆ
Ծանր վիրավորանքի հոդվածով քրեական գործերը հարուցվում են ոչ թե տուժող կողմի բողոքի հիման վրա, այլ Ազգային անվտանգության ծառայության տնօրենի տեղակալի կամ ոստիկանության ինչ-որ ստորաբաժանման ղեկավար գրության հիման վրա։ Այս մասին News.am-ի հետ զրույցում ասաց իրավապաշտպան Ռուբեն Մելիքյանը։
«Քրեական գործ է հարուցվում, և որևէ մեկն այդ մարդկանց չի հարցնում՝ դուք վիրավորել եք գրառումից, թե՝ ոչ։ Մինչդեռ վիրավորանքի հարցում ամեն ինչ շատ սուբյեկտիվ է, չկան հստակ չափորոշիչներ, ամեն ինչ կախված է մարդու ընկալումից։ Իսկ այս դեպքում Ոստիկանությունն է որոշում՝ անձը վիրավորված է, թե՝ ոչ։ Մեկ այլ աբսուրդ է, որ Հայաստանի օրենսգիրքը տարածում են արտերկրում արված գրառումների վրա»,- նշեց Մելիքյանը։
Ըստ Ռուբեն Մելիքյանի՝ գործն այլ կերպ է ընթանում, եթե գրառումն իշխանական ներկայացուցչի չի վերաբերում։
«Եթե քրեական գործ է հարուցվում է, ի տարբերություն ՔՊ-ականների, մարդուն կանչում են հարցաքննության, տուժող են ճանաչում, հետո ասում են՝ չգտանք, թե ով էր, և քրեական վարույթը կասեցվում է»,- ասաց Ռուբեն Մելիքյանը։
Ռուբեն Մելիքյանի խոսքով՝ ծանր վիրավորանքի հոդվածը հատուկ ստեղծվել է միայն իշխանության ներկայացուցիչների համար։
«Հարուցված քրեական գործերն առաջնահերթ վերաբերում են Նիկոլ Փաշինյանին, այնուհետև վարույթն իրականացնող մարմնի ձևակերպմամբ՝ ականավոր ռազմական գործիչ Գագիկ Մելքոնյանին ու Ալեն Սիմոնյանին, հետո ՔՊ-ական այլ պատգամավորների»,- ընդգծեց Ռուբեն Մելիքյանը։
ПОСЛЕДНИЕ ОТ АВТОРА
-
New2025-06-25 12:32Сотрудники СНБ Армении во время обысков у архиепископа Баграта Галстаняна вынесли из дома несколько пакетов и ящиков, предположительно, с вещдоками. Спустя некоторое время из дома вывели самого Галстаняна.
-
New2025-06-25 12:22Обыск в доме архиепископа Баграта все еще продолжается, но в какой-то момент он вышел на балкон, и когда журналисты издалека попросили объяснить, что происходит, он ответил с иронией: «Терроризмом, оказывается, занимались».
-
New2025-06-25 12:18Служба национальной безопасности Армении также подвергла приводу депутата Национального собрания Республики Арцах Давида Галстяна.
-
New2025-06-25 12:16В Армении продолжаются масштабные обыски и задержания оппозиционных активистов.