Ռուսական էներգակիրների վրա էմբարգոյի սահմանման դեպքում գերմանական տնտեսությունը ռեցեսիայի մեջ կընկնի
Գերմանիայի կառավարության կողմից այս տարի 2,2 տոկոս տնտեսական աճի կանխատեսումը չի ենթադրում ռուսական էներգակիրների մատակարարումների վրա էմբարգոյի սահմանում կամ մատակարարումների դադարեցում, և եթե դա տեղի ունենա, տնտեսությունը ռեցեսիայի մեջ կընկնի: Այս մասին հայտարարել է Գերմանիայի էկոնոմիկայի նախարար Ռոբերտ Հաբեկը, փոխանցում է Reuters-ը։
Գերմանիայի էկոնոմիկայի նախարարությունը կրճատել է 2022 թվականի աճի կանխատեսումը մինչև 2,2 տոկոս՝ հունվարին կանխատեսված 3,6 տոկոսից, քանի որ ուկրաինական ճգնաժամը, պատժամիջոցները և էներգակիրների բարձր գները ազդել են արտադրության վրա։ Նա նաև բարձրացրել է 2022 թվականի ինֆլյացիայի կանխատեսումը մինչև 6,1 տոկոս:
Գերմանիայի աջակցությունն Ուկրաինային և Ռուսաստանի դեմ պատժամիջոցները հանգեցրել են աճի ավելի ցածր կանխատեսումների և բարձր ինֆլյացիայի, ասել է Հաբեկը։ «Մենք պետք է պատրաստ լինենք վճարել այս գինը։ Ուկրաինան պայքարում է իր ազատության, իր ժողովրդավարության, կառավարման ձևի և իր տարածքային անկախության համար։ Բայց նրանք նաև պայքարում են մեզ համար՝ Գերմանիայի, Եվրոպայի համար, այն սկզբունքների համար, որոնց վրա կանգնած է կամ կառուցվել է այս խաղաղ կարգը»,- ասել է նա։
Էկոնոմիկայի նախարարության ներկայացուցիչն ասել է, որ ռուսական գազի մատակարարումների հետ կապված իրավիճակի սրումը կնվազեցնի Եվրոպայի խոշորագույն տնտեսության աճը 0,5-5,6 տոկոսային կետով՝ կախված սցենարից։
Չորեքշաբթի օրը ռուսական «Գազպրոմը» դադարեցրել է գազի մատակարարումը Լեհաստան և Բուլղարիա՝ ռուբլով վճարելուց հրաժարվելու պատճառով։
Հաբեկի խոսքով՝ Գերմանիան այս իրավիճակին շատ լուրջ է վերաբերվում, սակայն գերմանական ընկերությունները կշարունակեն ռուսական գազի համար վճարել եվրոյով՝ պահպանելով պայմանագրերը։ Նա հավելել է, որ մինչև ուկրաինական ճգնաժամի սրվելը ռուսական գազից Գերմանիայի կախվածությունը ներմուծման 55 տոկոսից նվազել էր մինչև 35 տոկոս։
Հարցին, թե Գերմանիան կարող է արդյոք դիտարկել ռուսական պետական «Ռոսնեֆտ» ընկերությանը պատկանող՝ Շվեդտեում նավթավերամշակման գործարանի օտարման հարցը, որին բաժին է ընկնում Գերմանիա ռուսական նավթի մնացած ներկրումը, Հաբեկը պատասխանել է. «Մենք գտնվում ենք մի իրավիճակում, երբ Գերմանիայի կառավարությունը պետք է հարմարվի և պատրաստվի բոլոր սցենարներին։ Մենք ամեն ինչ դիտարկում ենք», տեղեկացնում է News.am-ը:
ПОСЛЕДНИЕ ОТ АВТОРА
-
2022-12-06 19:39325В начале 2023 года в Армении откроется торговый центр, где будет представлено свыше 100 иранских компаний. Об этом сообщил журналистам торговый атташе Армении в Иране Вардан Костанян на обсуждениях "Перспективы армяно-иранского бизнес-сотрудничества" в Министерстве экономики Армении.
-
2022-12-06 19:37297В Ереване 6 декабря состоялось заседание Координационного совета руководителей компетентных органов государств-членов ОДКБ по вопросам борьбы с незаконной миграцией (КСБНМ).
-
2022-12-06 19:26395«Мы должны дать четкую оценку ситуации и не жить иллюзиями», - заявил сегодня член исполнительного органа Республиканской партии Армения Эдуард Шармазанов в ходе обсуждения по теме «Риск новых военных действий».
-
2022-12-06 18:54410«Азербайджан явно готовится к новой войне, и ничего нового нет в этом», - такое мнение высказал сегодня эксперт Карен Вртанесян в ходе обсуждения по теме «Риск новых военных действий».
