2022-05-25 09:27
Информагентства
Տոյվո Կլաարն՝ Արցախի կարգավիճակի մասին
Իրավունքներն ու անվտանգության հարցը եղել են Լեռնային Ղարաբաղի հակամարտության սկզբնավորման հիմնական խնդիրներից մեկը և առանց այս թեմային անդրադառնալու չենք կարող հասնել համապարփակ կայուն լուծման, այս մասին NEWS.am-ի հետ բացառիկ հարցազրույցում ասել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը՝ պատասխանելով հարցին, թե Եվրոպական խորհրդի նախագահ Շառլ Միշելը ինչ նկատի ուներ, երբ Բրյուսելում մայիսի 22-ի եռակողմ հանդիպումից հետո հայտարարեց, որ Հայաստանի և Ադրբեջանի ղեկավարների հետ զրույցում ընդգծել է Ղարաբաղում էթնիկ հայ բնակչության իրավունքներին ու անվտանգությանը անդրադառնալու անհրաժեշտությունը։
«Նախագահ Միշելն ընդգծել է այն փաստը, որ, իր կարծիքով, Հայաստանի և Ադրբեջանի միջև միջպետական հարաբերությունների շուրջ բանակցություններից բացի, կարևոր է անդրադառնալ Ղարաբաղում էթնիկ հայ բնակչության իրավունքների և անվտանգության խնդրին։ Միջպետական հարաբերությունները, բնականաբար, շատ կարևոր են և պետք է կարգավորվեն։ Մենք շատ լավ գիտենք, որ իրավունքներն ու անվտանգությունը միջէթնիկական համատեքստում եղել են հակամարտության սկզբնավորման հիմնական խնդիրներից մեկը: Առանց այս թեմային անդրադառնալու մենք չենք կարող հասնել համապարփակ կայուն լուծման։
Ինչ վերաբերում է կարգավիճակին և ինքնորոշմանը, ԵՄ-ն միշտ ունեցել է հստակ դիրքորոշում՝ մենք կաջակցենք ցանկացած համաձայնագրի, որը կերաշխավորի երկարաժամկետ կայուն լուծում։ Խաղաղության գործընթացները սովորաբար ուղեկցվում են վախերով, հույզերով, շահարկումներով և սխալ մեկնաբանություններով, դա բնական է»,– ասել է նա:
Տոյվո Կլաարը նշել է, որ այս համատեքստում «կարևոր է, որ գործընթացը լինի հնարավորինս թափանցիկ, որպեսզի հասարակությունները հստակ պատկերացում ունենան այն մասին, թե ինչ է քննարկվում»։
«Նաև լարվածությունը թուլացնելու և հռետորաբանությունը թուլացնելու անհրաժեշտություն կա։ ԵՄ-ն ողջունեց ապրիլի 13-ին խորհրդարանում Հայաստանի վարչապետ Ն. Փաշինյանի արած արտահայտությունները, ինչպես նաև Ադրբեջանի նախագահ Ի. Ալիևի վերջին դիրքորոշումը թշնամության էջը շրջելու և հակամարտությունից տուժած բոլոր անձանց համար, լինի դա էթնիկ հայ բնակչությունը, թե վերջին ռազմական գործողություններից տեղահանված անձինք, ապահով և դրական ապագա ապահովելու անհրաժեշտության վերաբերյալ»,– ասել է նա:
ПОСЛЕДНИЕ ОТ АВТОРА
-
New2025-06-20 19:40Главным сюжетом внутренней политики Армении стало противостояние между премьером Николом Пашиняном и главой Армянской Апостольской церкви Гарегином II. Ведущий научный сотрудник Института международных исследований МГИМО Сергей Маркедонов в статье для Forbes.ru пишет, что этот конфликт, подобно воронке, вовлекает новых участников.
-
New2025-06-20 19:37Уголовное дело и арест бизнесмена, главы ГК "Ташир" Самвела Карапетяна станет плохим сигналом со стороны властей Армении для реальных и потенциальных инвесторов, сказал Sputnik Армения председатель Форума армянских союзов Европы и армянской диаспоры Словакии Ашот Григорян.
-
New2025-06-20 19:34В социальной сети Facebook открыта страница Совета по защите прав известного предпринимателя и мецената Самвела Карапетяна. На странице представлены все действия, направленные на защиту предпринимателя. Также там размещена вся информация, связанная с заключением Самвела Карапетяна, его сторонниками, борьбой за свободу и другими событиями.
-
New2025-06-20 19:32Агентство AFP сообщает, что переговоры между европейскими министрами иностранных дел и их иранским коллегой Аббасом Аракчи начались.