8 անձ ձերբակալվել է կառավարական թիվ 3 շենքի մոտ անկարգություններ կազմակերպելու մեղադրանքով
ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ՝ Երևանի կառավարական տուն 3 վարչական շենքի դիմաց զանգվածային անկարգություններ կազմակերպելու և դրանց մասնակցելու դեպքի առթիվ։ Ինչպես հայտնում են քննչական կոմիտեի մամուլի ծառայությունից, այս պահի դրությամբ կա ձերբակալված ութ անձ:
«Մայիսի 30-ին ընդդիմադիր «Դիմադրություն» շարժման կազմակերպիչները Երևանի Ֆրանսիայի հրապարակում կազմակերպել են հերթական հավաքը, որի ընթացքում նրանց որոշմամբ և ուղղորդմամբ մասնակիցները շարժվել և հասել են վերը նշված հասցեում գտնվող նախարարություններ՝ պարզելու նախարարների դիրքորոշումը՝ Արցախի՝ Ադրբեջանի կազմում լինելու հարցի վերաբերյալ»,–հիշեցնում են գերատեսչությունից:
Նշվում է, որ կառավարական տան դիմաց ընդդիմադիր պատգամավորները փորձել են մուտք գործել մասնաշենք, որտեղ հասարակական կարգի պահպանությունն իրականացնող ոստիկանության ծառայողներից տեղեկացել են, որ նախարարները տվյալ պահին չեն կարող ընդունել իրենց: Հավաքի կազմակերպիչները կոչ են արել ճեղքել ոստիկանական պատը և ներխուժել մասնաշենք։
«Չենթարկվելով ոստիկանների օրինական պահանջներին, մասնակիցները սկսել են զանգվածային անկարգություններ՝ հրել ու հարվածներ են հասցրել ոստիկաններին։ Ապա ճեղքել են պատնեշը, առաջացել, կոտրել մասնաշենքի դռներն ու ապակիները, մուտք գործել շենքի նախասրահ»,–ասվում է հաղորդագրության մեջ:
Նշվում է, որ հետո, հավաքի կազմակերպիչները հայտարարել են, թե հեռանում են նշված վայրից և շարունակում երթը: «Այդ կերպ շեղելով ոստիկանության ծառայողների ուշադրությունը և հասնելով մետրոյի Հանրապետության Հրապարակ կայարանի մոտ` հավաքի կազմակերպիչների ուղղորդմամբ, զանգվածային անկարգությունների մասնակիցները, խմբերով, տարբեր ուղղություններով վազել և կրկին առաջացել են դեպի կառավարական 3-րդ տուն, և չենթարկվելով ոստիկանության ծառայողների օրինական պահանջներին, փորձել են կրկին մուտք գործել նախարարություններ։ Սակայն հանդիպելով ոստիկանական պատնեշին, քաշքշելով, հրելով ու հարվածելով` նրանց նկատմամբ կրկին բռնություն են գործադրել»,–ասված է հաղորդագրության մեջ:
Զանգվածային անկարգության մասնակիցների գործողությունները երկու դեպքում էլ կասեցվել և խափանվել են այնտեղ ժամանած ոստիկանության լրացուցիչ ուժերի միջամտության արդյունքում, որի ընթացքում մեկ տասնյակից ավելի ոստիկաններ ստացել են մարմնական վնասվածքներ՝ աջ բազկի ստորին երրորդականի կտրած-պատռած վերքի, գանգուղեղային, կրծքավանդակի, կրծոսկրի սալջարդի, որովայնի, աջ ազդրի հետին մասի վնասվածքների և այլնի ձևերով:
Դեպքի առթիվ քրեական գործը հարուցվել է ՀՀ քրեական օրենսգրքի 225-րդ հոդվածի 1-ին և 2-րդ մասերով:
Նախաքննությունը շարունակվում է, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2024-05-20 19:55
Совет Безопасности ООН почтил минутой молчания память погибших президента Ирана Эбрахима Раиси и министра иностранных дел ИРИ Хосейна Амира Абдоллахиана и других пассажиров, находившихся в вертолете, потерпевшем крушение, сообщает РИА Новости.
-
2024-05-20 19:51
В Армении есть над чем подумать в контексте вопроса загрязненности воздуха, поскольку этот показатель, согласно данным ВОЗ, в 6 раз выше нормы, а среди 31-й страны мира Армения по загрязненности воздуха находится на 22-м месте. Об этом заявил в понедельник в парламенте председатель Аудиторской палаты Армении Атом Джанджугазян во время обсуждения отчета по процессу управления твердыми отходами в Министерстве территориального управления и инфраструктур.
-
2024-05-20 19:48
Североатлантический союз выразил соболезнования гражданам Ирана после трагической смерти руководителя страны и других высокопоставленных лиц республики.
-
2024-05-20 19:47
Руководство Ирана намерено развивать отношения с Россией. Об этом заявил первый вице-президент, исполняющий обязанности президента исламской республики Мохаммад Мохбер в телефонном разговоре с российским лидером Владимиром Путиным.