2022-06-17 12:18
Информагентства
Զաս․ Անվտանգության համաշխարհային համակարգը դադարում է աշխատել
Անվտանգության համաշխարհային համակարգը ճգնաժամ է ապրում, և տասնամյակներ շարունակ գոյություն ունեցող պայմանավորվածությունները դադարում են գործել։ Այս մասին ՀԱՊԿ անդամ երկրների Անվտանգության խորհուրդների քարտուղարների ընդլայնված նիստից հետո հայտարարեց ՀԱՊԿ գլխավոր քարտուղար Ստանսլավ Զասը` ՀՀ ԱԽ քարտուղար Արմեն Գրիգորյանի հետ համատեղ հայտարարության ժամանակ։
Կառույցի ղեկավարը նշեց, որ Երևանում կայացած նիստում մանրամասն վերլուծվել է աշխարհում ռազմաքաղաքական իրավիճակը և կազմակերպության պատասխանատվության գոտում առկա իրավիճակը: Զասը շեշտեց` աշխարհում առանցքային խաղացողների միջև վստահության մակարդակը հասել է կրիտիկական ցածր մակարդակի:
«Մարտահրավերներն ու սպառնալիքները ոչ միայն չեն կորցրել իրենց սրությունը, այլև աճող գլոբալ անորոշության պատճառով սրման միտում ունեն»,- ասաց Զասը:
Այս առումով ՀԱՊԿ անդամների սկզբունքային դիրքորոշումը, որը հնչել է նաև Երևանում կայացած նիստում, մնում է նույնը. կազմակերպությունը հավատարիմ է իր սկզբունքներին, որ բոլոր հակասությունները պետք է կարգավորվեն բացառապես քաղաքական ձևաչափով։
Դրա հետ մեկտեղ ՀԱՊԿ–ը անդամ երկրների անվտանգության բարձրացման ուղղությամբ ձեռնարկում է բոլոր անհրաժեշտ միջոցները։ Հատուկ ուշադրություն է դարձվում ուժային բաղադրիչին։
Զասը դա անվանեց անվտանգության ապահովման գլխավոր գործիքներից մեկը։ Նա հավելեց, որ կարևոր բաղադրիչ է նաև հատուկ ծառայությունների և օպերատիվ կառույցների մակարդակով սերտ համակարգումը։
Նշենք, որ այս տարի Հավաքական անվտանգության պայմանագրի կազմակերպության անդամ երկրների Անվտանգության խորհուրդների քարտուղարների նիստը նախագահում է Հայաստանը։
Հանդիպման արդյունքում ստորագրվեց 6 փաստաթուղթ, այդ թվում՝ ՀԱՊԿ Հավաքական անվտանգության համակարգի կառավարման մարմինների, ուժերի և միջոցների կազմավորումների համատեղ պատրաստության պլանը և մի շարք այլ փաստաթղթեր։
ՀԱՊԿ-ում ընդգրկված են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը:
Sputnik Արմենիա
ПОСЛЕДНИЕ ОТ АВТОРА
-
New2025-06-20 06:07Новым главой разведки Корпуса стражей исламской революции Ирана (КСИР, часть вооруженных сил Ирана) стал Маджид Хадеми. Об этом сообщает агентство Fars.
-
New2025-06-20 06:02Президент США Дональд Трамп в ближайшие две недели примет решение по возможной атаке на Иран. Об этом заявила пресс-секретарь Белого дома Каролин Левитт.
-
New2025-06-20 05:59Иран намерен предпринять юридические шаги в ответ на бездействие гендиректора Международного агентства по атомной энергии (МАГАТЭ) Рафаэля Гросси в связи с ударами Израиля по ядерным объектам Исламской республики. Это следует из письма главы Организации по атомной энергии Ирана Мохаммада Эслами, адресованного гендиректору МАГАТЭ, сообщает РИА Новости.
-
New2025-06-20 05:55"Суд" над армянскими пленными, включая бывшее военно-политическое руководство Нагорного Карабаха, продолжился в четверг в Баку.