2022-06-17 14:35
Информагентства
Թբիլիսիում բացվել է Սերգեյ Փարաջանովի անունը կրող փողոց
Թբիլիսիի Մթածմինդա թաղամասում բացվել է Սերգո Փարաջանովի անունը կրող փողոց։ Այն բացվել է Թբիլիսիի սակրեբուլոյի Անվանումների և խորհրդանիշների հանձնաժողովի նախաձեռնությամբ և Թբիլիսիի սակրեբուլոյի որոշմամբ, գրում է վրացական «Առաջին ալիք»-ը։
Փողոցի բացմանը ներկա էին Թբիլիսիի քաղաքային խորհրդի անդամները, արվեստի ոլորտի ներկայացուցիչներ, Սերգո Փարաջանովի ընկերներն ու հարազատները։
«Բացեցինք հայտնի կինոռեժիսոր Սերգո Փարաջանովի անունը կրող փողոցը։ Անգնահատելի է Փարաջանովի ներդրումը մեր մշակույթի և կինոյի մեջ: Ուրախալի է, որ փողոցը, որտեղ ապրում էր Սերգո Փարաջանովը, անվանակոչվել է հայտնի ռեժիսորի անունով»,- ասել է Թբիլիսիի սակրեբուլոյի Անվանումների և խորհրդանիշների հանձնաժողովի նախագահ Նինո Վարդոսանիձեն։
Թբիլիսիի քաղաքային խորհրդի փոխնախագահ, Մթածմինդայի մեծամասնական պատգամավոր Զուրաբ Աբաշիձեի խոսքով, կարևոր է, որ յուրաքանչյուր թբիլիսցի, երիտասարդ և ապագա սերունդ միշտ հիշի հանճարեղ արվեստագետ Սերգո Փարաջանովին։
«Ուրախ եմ, որ Մթածմինդա թաղամասի փողոցներից մեկը, որտեղ ապրել է հայտնի կինոռեժիսոր Սերգո Փարաջանովը, անվանակոչվել է նրա անունով։ Յուրաքանչյուր թբիլիսցու, մեր երիտասարդության և հետագա սերնդի համար շատ կարևոր է միշտ հիշել մեր մայրաքաղաքում մեծացած այս հանճարեղ արվեստագետին և գնահատել նրա մեծ ներդրումը վրացական արվեստի զարգացման գործում։
Սերգո Փարաջանովն իր առանձնահատուկ ոճով, բազմազանությամբ ու ոչ ստանդարտ մոտեցումներով պատվավոր տեղ է հաստատել կինոաշխարհում։ Թբիլիսիի քաղաքային խորհուրդը և քաղաքապետարանն անում են հնարավոր ամեն բան՝ նրա անունը հավերժացնելու համար։ Այսօրվա միջոցառումը դրա վառ օրինակն է»,- ասել է Թբիլիսիի քաղաքային խորհրդի փոխնախագահ, Մթածմինդայի մեծամասնական պատգամավոր Զուրաբ Աբաշիձեն։
Փողոցի բացմանը սակրեբուլոյի անդամները, արվեստի ոլորտի ներկայացուցիչները և Սերգո Փարաջանովի ընկերները տեղադրել են հասցեի ցուցանակներ։ Կինոռեժիսոր Սերգո Փարաջանովի անունով կոչվել է Կոտե Մեսխի նրբանցքը։ Սա այն վայրն է, որտեղ ապրել է հայտնի կինոռեժիսորը։
Սերգեյ Փարաջանովը համարվում է 20-րդ դարի ականավոր կինոռեժիսորներից մեկը։ Հայազգի կինոռեժիսորը ծնվել և մեծացել է Թբիլիսիում՝ Հովսեփ Փարաջանովի և Սիրան Բեժանովայի ընտանիքում։ Սերգո Փարաջանովի ստեղծագործությունները հիմնականում արտացոլում են Կովկասի էթնիկ բազմազանությունը։
Panorama.am
ПОСЛЕДНИЕ ОТ АВТОРА
-
New2025-06-22 11:45Иран заранее эвакуировал три ядерных объекта, удары по которым нанесли США, сообщает персидская служба Би-би-си со ссылкой на заместителя директора Иранского радио и телевидения Хасана Абедини.
-
New2025-06-22 11:35День, когда каждый по-своему должен защитить свою Церковь. Этот день может стать и днём великого примирения, днём совместного действия.
-
2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.