2022-06-27 15:05
Информагентства
Սահմանին զորամասեր են բացվել, Ալիևը` ԶՈւ-ն ուժեղացնելու մասին
Հայաստանի հետ սահմանի երկայնքով նոր զորամասեր են ստեղծվել։ Այս հայտարարությունն արել է Ադրբեջանի նախագահ Իլհամ Ալիևը կոմանդոսների զորամասի մարտական դրոշի հանձնման ժամանակ:
Արարողությունը տեղի է ունեցել հունիսի 26-ին՝ Ադրբեջանի զինված ուժերի օրը, Ալիևի՝ Շահումյանի (Քելբաջարի) շրջան կատարած այցի շրջանակում:
«Մենք շարունակելու ենք լուրջ քայլեր ձեռնարկել մեր բանակը զարգացնելու համար։ Ամենաժամանակակից զենքի գնման նոր պայմանագրեր են ստորագրվել»,- նշել է Ադրբեջանի նախագահը։
Նրա խոսքով՝ պայմանագրերն արդեն կատարվում են, նոր սպառազինություն ու տեխնիկա է ներկրվում Ադրբեջան։
«Պատերազմին հաջորդած մեկուկես տարում մենք օրուգիշեր աշխատել ենք, որպեսզի ավելի հզորացնենք մեր բանակը, ապահովենք ավելի ժամանակակից սպառազինությամբ, զբաղեցնենք բոլոր շահավետ դիրքերը սահմանի երկայնքով, տեղակայվենք այնտեղ, և մենք հասել ենք դրան», - ասել է Ալիևը:
Ադրբեջանի պաշտպանության նախարար Զաքիր Հասանովն էլ «Ազերթաջին» տված հարցազրույցում խոսել է երկրի զինված ուժերի թվաքանակի ավելացման մասին:
«Ադրբեջանական բանակի կազմում ստեղծվել են օպերատիվ (կոմանդոսների) ստորաբաժանումներ և Պաշտպանության ազգային համալսարան։ Հատուկ նշանակության զորքերի ու ՌԾՈւ-ի օպտիմալացման հաշվին ավելացել է ուժերի ու միջոցների քանակը», - ասել է նա:
Հասանովը նշել է, որ ղարաբաղյան երկրորդ պատերազմից հետո Ալիևը հանձնարարել է ադրբեջանական բանակը նոր մակարդակի հասցնել, որպեսզի Թուրքիայի զինված ուժերի փոքր մոդելը դառնա, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-07-11 12:06Адвокат и представитель армянских военнопленных в Европейском суде по правам человека (ЕСПЧ) Сирануш Саакян предоставила разъяснения по поводу вопиющих нарушений прав Рубена Варданяна со стороны суда в Баку․
-
New2025-07-11 11:37Армянская диаспора возвращается к армянской действительности — заявил Нарек Карапетян, первый вице-президент группы компаний «Ташир» и племянник предпринимателя и филантропа Самвела Карапетяна.
-
New2025-07-11 11:36Москва готова внести вклад в урегулирование отношений Еревана и Баку, заявил «Известиям» замглавы МИД РФ Михаил Галузин.
-
New2025-07-11 11:33Директор армянской сети "Ташир пицца" Вагинак Казарян арестован. Об этом сообщили Sputnik Армения в Следственном комитете.