Արա ՄԱՐՋԱՆՅԱՆ․ ՂԱՐԱԲԱՂՅԱՆ ԿՈՆՖԼԻԿՏԻ ԿԱՐԳԱՎՈՐՈՒՄԸ ԿՇԱՀԱՐԿՎԻ ԱԴՐԲԵՋԱՆ-ԵՄ ԷՆԵՐԳԵՏԻԿ ԾՐԱԳՐԵՐՈՒՄ
Ադրբեջանն իր գազի պաշարներով չի կարող շոշափելի ծավալներով գազի մատակարար լինել Եվրոպայի համար, որովհետև Ադրբեջանից գազի արտահանումները կազմում են Եվրոպայում գազի տարեկան սպառման մոտ մեկ տոկոսը։ Sputnik Արմենիայի հետ զրույցում այս տեսակետը հայտնեց ՄԱԿ-ում էներգետիկայի գծով Հայաստանի ազգային փորձագետ Արա Մարջանյանը։
Ադրբեջանի նախագահ Իլհամ Ալիևը և Եվրահանձնաժողովի ղեկավար Ուրսուլա ֆոն դեր Լյայենը հուլիսի 18-ին Բաքվում փոխըմբռնման հուշագիր են ստորագրել էներգետիկ ոլորտում ռազմավարական համագործակցության վերաբերյալ։ Լյայենն ավելի վաղ հայտարարել էր, որ ադրբեջանական այցի նպատակը եվրոպական շուկա ադրբեջանական գազի մատակարարումն ավելացնելու մասին փաստաթուղթ ստորագրելն է, և կողմերը մտադիր են առաջիկա մի քանի տարիներին կրկնապատկել Ադրբեջանից ԵՄ գազի մատակարարումները։
«Եվրոպական ծրագրերը հնարավոր կլինի իրականացնել միայն այն դեպքում, երբ գործարկվի թուրքմենական գազը տրանսկասպիական երթուղով Ադրբեջանի ու Թուրքիայի տարածքով դեպի Եվրոպա հասցնելու տարբերակը»,- ասաց Մարջանյանը։
Նրա կարծիքով` Եվրոպան առաջիկա 3-5 տարիներին շահագրգիռ կլինի տրանսկասպիական գազային ու նավթային ծրագրերի իրականացմամբ, մինչդեռ Իրանն ու Ռուսաստանը, դեմ լինելով այդ ծրագրին, առաջարկում են էներգակիրների փոխադրման այլընտրանքային տարբերակներ։
«Աշխարհաքաղաքական առումով 2011 թվականից հետո, երբ ակնհայտ դարձավ Ազերի-Չիրաք-Գյունեշլի նավթադաշտի հետ կապված ծրագրի խափանումը, Ադրբեջանի համար սկսվեց արդեն գազային դարաշրջանը։ Հիմա նախատեսվում է երկուստեք կնքել համաձայնագիր, որով Եվրոպան Ադրբեջանին կդիտարկի որպես Հարավային Եվրոպային և Բալկանյան տարածաշրջանին գազ մատակարարող երկիր։ Այդ ծրագիրն ավելի շատ ունի աշխարհաքաղաքական նշանակություն, զուրկ է էներգետիկ հենքից, և տեղին կլինի զուգահեռ անցկացնել 1994 թվականի հետ, երբ ակտիվորեն քննարկվում էին Ազերի-Չիրաք-Գյունեշլի նավթադաշտի, ինչպես նաև Բաքու-Թբիլիսի-Ջեյհան նավթամուղի հետ կապված ծրագրերը»,- մանրամասնեց Մարջանյանը։
Նրա դիտարկմամբ` Եվրոպան ուզում է սահմանափակել իր կախվածությունը Ռուսաստանից, ստեղծել հնարավոր այլընտրանքներ եվրոպական երկրների համար` նվազեցնելով ռուսական ազդեցությունը նաև Կասպյան ավազանում։
«Վստահաբար կլինի աշխարհաքաղաքական մասշտաբների առևտուր, և ղարաբաղյան կոնֆլիկտի կարգավորումն անկասկած կշահարկվի Ադրբեջան-ԵՄ էներգետիկ ծրագրերում ճիշտ այնպես, ինչպես 1994-95 թվականներին, երբ գերիշխող էր նավթային տրամաբանությունը»,- ասաց էներգետիկ փորձագետը։
Մարջանյանը հիշեցրեց, որ տարբեր երկրներ փորձում են հակազդել վերոհիշյալ գազային ծրագրերին, մասնավորապես Իրանն առաջարկում է իր տարանցիկ հնարավորություններն ու պնդում թուրքմենական գազն արտահանել իր տարածքով։ Ըստ նրա` Հայաստանը նույնպես իր չափաբաժնով կարող է օգտագործել իրավիճակն իր շահերը սպասարկելու համար` կոնկրետ առաջարկելով տարանցիկության իր հնարավորությունները։
Հիշեցնենք` Ադրբեջանը դեպի Եվրոպա որոշակի ծավալներով գազ սկսեց մատակարարել 2020 թվականի դեկտեմբերի 31-ից։ Անցյալ տարի մատակարարված գազի ծավալները կազմել են մոտ 8 միլիարդ խ/մ, ծրագրվում է 2023 թվականին Ադրբեջանից մատակարարել մոտ 10 միլիարդ խ/մ գազ։
ПОСЛЕДНИЕ ОТ АВТОРА
-
2024-03-29 10:07
После «бархатной революции» 2018 года во внешней политике Армении стали происходить радикальные изменения. Южнокавказская страна, состоящая в ЕАЭС и ОДКБ, стала постепенно отходить от геополитического равновесия между Россией и Западом, начав склоняться в сторону последнего. Особенно эти процессы усилились после событий 2020−2023 гг. в Карабахе.
-
2024-03-29 06:17
Убытки зарубежных фирм, вызванные уходом с российского рынка после февраля 2022 года, превысили $107 млрд. Такие данные привело агентство Reuters, журналисты которого проанализировали отчеты компаний.
-
2024-03-29 06:12
Вы знаете, когда Никол Пашинян был в оппозиции и возглавлял созданное им движение, которое – все это знали – имело связи с фондом Сороса, лозунг у его движения был «Выход». Выход из ОДКБ и из Евразийского экономического союза. Под этим лозунгом он поднял толпы на улицах, потребовал выборов премьер-министра, у них выборы в парламенте, и при этом заявил, что, если эти выборы закончатся тем, что не его изберут, он поднимет народ. Ну, в общем, демократия в своем наивысшем проявлении. Об этом 29 марта заявил министр иностранных дел России Сергей Лавров в интервью «Известиям».
-
2024-03-29 06:09
Азербайджан и Армения начнут контакты на парламентском уровне. Об этом в эфире Общественного телевидения заявил спикер НС Ален Симонян.