2022-07-25 19:48
Информагентства
Տնտեսագետ․ Կառավարությունը որևէ առնչություն չունի տնտեսական աճի հետ
Թվերն ազգային վիճակագրական կոմիտեի կողմից հրպարակված իրական թվեր են, չնայած դեռևս մայիս ամսին էինք խոսում, որ այդ աճը որքան էլ երկնիշ է, առավելապես պայմանավորված է շինարարության և ծառայությունների ոլորտի աճով: Yerevan.Today-ի հետ զրույցում ասաց տնտեսագետ Կառլեն Խաչատրյանը՝ անդրադառնալով Էկոնոմիկայի նախարար Վահան Քերոբյանի այսօրվա հայտարարությանը, որ Հայաստանի տնտեսությունը շարունակում է իր վստահ աճը:
Տնտեսագետի խոսքով՝ շինարարությունն էլ իր հերթին աճել է կառավարության մեկ այլ որոշմամբ, որով նախատեսվում է հիփոթեքային վարկերի դեպքում մինչև 2025 թվականը եկամտահարկի վերադարձ: Կառլեն Խաչատրյանը նշում է, որ այս որոշմամբ պայմանավորված մարդիկ ձգտում են օգտվել վերջին հնարավորությունից, դրա համար էլ շինարարությունը կրկնապատկվել է:
Ինչ վերաբերում է սպասարկման ոլորտում աճին՝ Կառլեն Խաչատրյանն ասում է, որ դա պայմանավորված է ռուս-ուկրաինական պատերազմով և օտարերկրացիների ներհոսքով. «Այդ մարդիկ օգտվում են հյուրանոցային ծառայություններից, հյուրատներից ու ռեստորաններից, սպասարկման այլ ոլորտների ծառայություններից, ինչն էլ բերել է այդ աճին: Այսինքն, մեր տնտեսական աճի հիմքում արտաքին գործոններն են և կարող ենք վստահ պնդել, որ կառավարությունը որևէ առնչություն չունի այդ աճի հետ: Ասեմ ավելին՝ որքան արագ է այդ աճը արձանագրվել է, այդքան էլ արագ արտաքին գործանների հակառակ ուղղությամբ փոփոխության պարագայում մենք բացասական միտումներ ենք տեսնելու, քանի որ աճի հիմքում արդյունաբերության, արտադրության աճը չէ»:
Ինչ վերաբերում է հարցին՝ ամեն դեպքում սովորական քաղաքացին որևէ կերպ զգալո՞ւ իր վրա այս ցուցանիշները, մեր զրուցակիցը պատասխանեց. «Դատելով նույն պաշտոնական վիճակագրական տվյալներից, քաղաքացիները գնալով ավելի վատ են ապրում, քանի որ մի կողմից իրենց եկամուտները որևէ կերպ չեն ավելանում, մյուս կողմից խանութում ապրանքների գներն ամեն օր ավելի են աճում: Աննախադեպ գնաճային ալիք ունենք տնտեսությունում, և այս ֆոնին բնական է, որ քաղաքացիների կենսամակարդակը ոչ միայն չի բարելավվում, այլ նաև սոցիալապես խոցելի խավերի համար էլ ավելի է մեծանում»:
Yerevan Today
ПОСЛЕДНИЕ ОТ АВТОРА
-
New2025-06-19 07:54Поднятие вопроса о национализации "Электросетей Армении", собственником которых является Самвел Карапетян, – это не что иное, как политическое преследование хозяйствующего субъекта. Такое мнение в беседе со Sputnik Армения выразил член Исполнительного органа РПА и бывший депутат Гагик Минасян.
-
2025-06-18 22:20Существует прямая связь между интенсивностью атак на военные центры и инфраструктуру, а также гражданские районы на северо-западе Ирана со стороны израильского режима и планом англосаксонского фронта по созданию фальшивого Зангезурского коридора (Туранский коридор НАТО). Об этом написал иранский политолог Ахмад Каземи.
-
2025-06-18 20:20Первый зампред комитета Госдумы РФ по делам СНГ Константин Затулин прокомментировал Alpha News задержание российского бизнесмена Самвела Карапетяна, атаку властей Армении на Армянскую Церковь и прозападный курс.
-
2025-06-18 20:17США и Израиль делают главную ставку на свержение законного правительства Ирана и установление марионеточного режима. Но у Ирана есть опыт Венесуэлы, напоминает обозреватель Pravda.Ru Любовь Степушова.