2022-08-25 13:35
Информагентства
Թուրքական ինքնաթիռները ՆԱՏՕ-ի վարժանքի ընթացքում հետապնդվել են հունական F-16-ների կողմից
Թուրքական մարտական ինքնաթիռները հետապնդման են ենթարկվել հունական F-16 կործանիչների կողմից։ Այս մասին ՌԻԱ Նովոստիին հայտնել է Թուրքիայի պաշտպանության նախարարության աղբյուրը։
«ՆԱՏՕ-ի AWACS ինքնաթիռը, որը թռիչքներ էր իրականացնում Էգեյան ծովի վրա, և երկու թուրքական կործանիչներ, որոնք Nexus Ace ուսումնավարժական առաքելություն էին իրականացնում, օգոստոսի 24-ին հետապնդումների են ենթարկվել հունական F-16 կործանիչների կողմից՝ ռադիոլոկացիոն արգելափակմամբ»,-հայտնել է գործակալության զրուցակիցը:
Նրա խոսքով՝ «թուրքական կողմը ստիպված է եղել անհրաժեշտ կերպով արձագանքել, և հունական ինքնաթիռները լքել են տարածաշրջանը»:
Վերջին ամիսներին Թուրքիան պահանջում է դադարեցնել հունական կղզիների ռազմականացումը Էգեյան ծովի արևելյան մասում։ Ինչպես հայտարարել է Թուրքիայի արտգործնախարար Մևլութ Չավուշօղլուն, կղզիների ռազմականացումը միջազգային վաղեմի պայմանագրերի խախտում է և հարցականի տակ է դնում կղզիների ինքնիշխանությունը։ Նրա խոսքով՝ Թուրքիան վճռական է տրամադրված այդ կղզիների ինքնիշխանությունը քննարկելու և վիճարկելու հարցում, եթե Հունաստանը չդադարեցնի խախտումները:
Թուրքիայի և Հունաստանի հարաբերություններն ավելի են վատացել մայիսի 17-ին ԱՄՆ Կոնգրեսում Հունաստանի վարչապետ Միցոտակիսի ելույթից հետո, որտեղ նա հայտարարել էր հունական կղզիների երկնքում թուրքական կործանիչների աննախադեպ մեծ քանակի թռիչքների մասին և կոչ է արել F-16 ինքնաթիռներ չվաճառել «նրանց, ովքեր խարխլում են կայունությունը Միջերկրական ծովում»: Դրանից հետո Էրդողանը Հունաստանի վարչապետին մեղադրել է այն բանում, որ վերջինս խախտել է իրենց հանդիպման ժամանակ ձեռք բերված պայմանավորվածությունները, և ասել է, որ Միցոտակիսը որպես քաղաքական գործիչ իր համար այլևս գոյություն չունի և որ ինքը մտադիր չէ ոչ հանդիպել, ոչ գործ ունենալ նրա հետ:
Ելույթներից մեկում Էրդողանը հույս է հայտնել, որ «հույն ժողովուրդը ժողովրդավարական ճանապարհով դաս կտա իր կառավարիչներին, որոնք ընկնում են հույն ժողովրդին աղետալի վերջ խոստացող արկածախնդրությունների հետևից»։
Sputnik Արմենիա
ПОСЛЕДНИЕ ОТ АВТОРА
-
New2025-06-04 19:30Президент Украины Владимир Зеленский назвал меморандум России с условиями завершения войны «максимальным ультиматумом». Главный пункт документа, требующий признания аннексии пяти регионов Украины и вывода ВСУ с этих территорий, он назвал «недоразумением». Президента цитирует «Суспільне».
-
New2025-06-04 19:02Промышленная группа ИПДО выступила с заявлением по поводу реакции на судебный иск в отношении организаторов забастовки на ЗММК.
-
New2025-06-04 18:49«В чём разница между Церковью и религиозным орденом? Церковь — это община верующих, в которой совершаются религиозные обряды и церемонии. Те, кто обслуживают религиозные нужды общины, имеют иерархию: епископы, священники, диаконы», - пишет политолог Степан Даниелян.
-
New2025-06-04 17:59Следственный комитет Армении возбудил уголовное дело после того, как у приграничного села Тех в Сюнике житель Эчмиадзина направил пистолет в сторону находящегося неподалеку азербайджанского блокпоста.