2022-09-06 09:01
Информагентства
Տիգրան ԱԲՐԱՀԱՄՅԱՆ․ ՀԱՐՄԱՐ ՏԵՂԱՎՈՐՎԱԾ ՈՒ ԼՌՈՒԹՅՈՒՆ ՊԱՀՊԱՆՈՂ ՍՊԱՆԵՐԸ ԼԱՎ ՉԵՆ ՃԱՆԱՉՈՒՄ ՓԱՇԻՆՅԱՆԻՆ
Որոշ սպաներ, որոնք կարծում են, որ կարող են լռել և իրենց համար նպաստավոր պայմանների հասնել, լավ չեն ճանաչում Փաշինյանին։ Այս մասին News.am-ի թղթակցի հետ զրույցում ասաց ԱԺ ընդդիմադիր պատգամավոր Տիգրան Աբրահամյանը։
Նա համոզված է, որ Փաշինյանը կզոհաբերի նրանց բոլորին՝ մինչև ստանա անձնական պատասխանատվությունից լիովին խուսափելու հնարավորություն։
Պատգամավորը նշեց, որ հասարակական ընկալման տեսանկյունից Շուշին սկզբունքային նշանակություն ունի, ուստի իշխանությունները ցանկանում են պատերազմի այս դրվագն արագ բարդել տարբեր դերակատարների վրա։
«Ինձ համար այս դեպքերը պատահական չեն։ Մեղադրանք է առաջադրվել այն մարդկանց, ովքեր դարձել են ռազմական գործողությունների դերակատարներ»,- հավելեց նա։ Մեր զրուցակիցը նկատի ունի Արցախի ՊԲ նախկին հրամանատարներ Ջալալ Հարությունյանին ու Միքայել Արզումանյանին, որոնց 44-օրյա պատերազմի ժամանակ անփութության մեղադրանքներ են առաջադրվել։
Աբրահամյանը վստահ է, որ ներկայիս իշխանությունների օրոք հնարավոր չէ գործերի օբյեկտիվ քննություն ակնկալել։ Իշխանությունները որոշակի նպատակ են հետապնդում, և այդ մասին հրապարակավ խոսել են։
«Նպատակը մեղքը բարդելն է կամավորների, սպաների, բանակի բարձրագույն անձնակազմի վրա, այլ ոչ թե քաղաքական իշխանությունների վրա»,- ասաց պատգամավորը։
Նա հիշեցրեց, որ պատերազմները վարում են պետությունները, իսկ պատերազմի ելքի համար պատասխանատվությունը կրում է քաղաքական իշխանությունը։
«Թիվ մեկ պատասխանատուն ու մեղավորը քաղաքական իշխանությունն է և նրա ղեկավարությունը, այդ թվում՝ պատերազմի ժամանակ գերագույն հրամանատար դարձած Նիկոլ Փաշինյանը»,- եզրափակեց Աբրահամյանը։
ПОСЛЕДНИЕ ОТ АВТОРА
-
New2025-05-19 14:10Официальный представитель Кремля Дмитрий Песков подтвердил, что телефонный разговор между президентом России Владимиром Путиным и президентом США Дональдом Трампом состоится в 17:00 по московскому времени, передает ТАСС.
-
New2025-05-19 14:05Председатель Национального собрания Армении Ален Симонян опроверг слухи о якобы ведущихся обсуждениях по поводу вывода 102-й российской военной базы с территории страны.
-
New2025-05-19 14:03Второй президент Армении Роберт Кочарян впервые сообщил о звонке третьему президенту Сержу Саргсяну во время "бархатной революции" 2018 года, в результате которой Никол Пашинян пришел к власти.
-
New2025-05-19 14:00Жизнь турецкого фотографа армянского происхождения Ара Гюлера переносится на большой экран и будет представлена на Каннском кинофестивале 2025 в разделе «Marche du Film» (78-й Каннский международный кинофестиваль проходит в городе Канны во Франции с 13 по 24 мая 2025 года, – AT), сообщают турецкие СМИ.