2022-09-12 09:08
Информагентства
Իսրայելի վարչապետը մեկնել է Գերմանիա, որպեսզի փորձի խափանել ԳՀՀԾ-ի վերականգնման բանակցությունները
Իսրայելի վարչապետ Յայիր Լապիդը կիրակի մեկնել է Գերմանիա, որպեսզի համոզի արևմտյան տերություններին հրաժարվել Իրանի հետ միջուկային գործարքից (Գործողությունների համատեղ և համապարփակ ծրագրից), տեղեկացրել է AFP-ն։
Իսրայելը վաղուց դեմ է հանդես գալիս 2015թ. համաձայնագրի վերականգնմանը, որը հանգստի վիճակում է այն ժամանակվանից, երբ ԱՄՆ նախագահ Դոնալդ Թրամփը միակողմանիորեն դուրս եկավ դրանից 2018թ. և նորից կոշտ պատժամիջոցներ մտցրեց Թեհրանի դեմ։
Անցած ամիս նկատված առաջընթացը համաձայնագրի վերականգնման ուղղությամբ, թերևս, դանդաղել է, այն բանից հետո, երբ երեք եվրոպական պետությունները, որոնք համաձայնագրի մասնակիցներ են՝ Գերմանիան, Ֆրանսիան և Մեծ Բրիտանիան, շաբաթ օրը «լուրջ կասկածներ» էին հայտնել համաձայնագիրը վերականգնելու Իրանի մտադրության անկեղծության վերաբերյալ։
Բեռլին թռչելուց առաջ իր կառավարության անդամների հետ հանդիպման ժամանակ Լապիդը շնորհակալություն է հայտնել «եվրոպական եռյակին» «ուժեղ դիրքորոշման» համար, որը նրանք հնչեցրել են շաբաթ օրն արված եռակողմ հայտարարությունում։
Լապիդն իր կառավարությանն ասել է, որ «Իսրայելը հաջող դիվանագիտություն է վարում, որպեսզի կանգնեցնի միջուկային համաձայնագիրը և կանխի Իրանի դեմ պատժամիջոցների չեղարկումը»։
«Սա դեռ վերջը չէ,- ավելացրել է նա։- Դեռ երկար ճանապարհ կա անցնելու, բայց հուսադրող նշաններ կան»։
Իսրայելական դիվանագիտական աղբյուրը AFP-ին ասել է, որ Բեռլինում բանակցությունների կենտրոնում լինելու է Իրանը։
«Կարևոր է շարունակել դիրքերի համակարգումը և ազդել եվրոպական դիրքորոշման վրա։ Գերմանիան այս հարցում կարևոր դեր է խաղում»,- ասել է աղբյուրը։
Լապիդը, որը ճամփորդում է անվտանգության ծառայության բարձրաստիճան աշխատակիցների ուղեկցությամբ, պետք է հանդիպի կանցլեր Օլաֆ Շոլցի, արտաքին գործերի նախարար Աննալենա Բերբոքի և նախագահ Ֆրանկ-Վալտեր Շթայնմայերի հետ մինչև երկուշաբթի երեկոյան Իսրայել վերադառնալը։
2015թ. համաձայնագիրը, որը պաշտոնապես հայտնի է որպես Գործողությունների համատեղ և համապարփակ ծրագիր, Իրանին պատժամիջոցների թուլացման հնարավորություն է տվել իր միջուկային ծրագրի սահմանափակման դիմաց։
Վիեննայում 2021թ. ապրիլից վարվող բանակցություններն ուղղված են համաձայնագրի վերականգնմանը Թեհրանի դեմ պատժամիջոցները հանելու և Իրանի կողմից իր նախորդ միջուկային պարտավորությունները լիովին կատարելու միջոցով։
Անցած ամիս Եվրամիությունը, որը հանդես է գալիս որպես բանակցությունների միջնորդ, ներկայացրել է համաձայնագրի «վերջնական» նախագիծը։
Վաշինգտոնը Թեհրանի պատասխանը «հետքայլ» է անվանել։
Իրանն, իր հերթին, հայտարարել է, որ ԳՀՀԾ-ի եվրոպական մասնակիցներն ընկել են Իսրայելի ազդեցության տակ։
News.am
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.