2022-09-14 18:54
Рубен МАРГАРЯН
ԱՐՄԵՆ ԳՐԻԳՈՐՅԱՆԻ ՄԱՐԳԱՐԵՈՒԹՅՈՒՆԸ
«Առավոտյան 08։00-ից սկսած, հակառակորդը վերսկսել է նախահարձակ գործողությունները, մասնավորապես՝ Ջերմուկի և Վերին Շորժայի ուղղություններով»,- հայտնել է ՀՀ ՊՆ մամլո քարտուղար Արամ Թորոսյանը: Ինչպես հաղորդում են ԶԼՄ-ները, վաղ առավոտից Սիսիանում Իշխանասարի հատվածում մարտական գործողությունները վերսկսվել են, ծանր մարտեր են ընթանում, հակառակորդը գնդակոծում է զինվորական հոսպիտալը, խաղաղ բնակչությանը, մոտակա գյուղերն ու տները, տարհանվել են կանայք, երեխաներն ու տարեցները:
ՃՇՄԱՐՏՈՒԹՅՈՒՆԸ ԵՐԲԵՄՆ ԼԻՆՈՒՄ Է ՈՉ ՄԻԱՅՆ ԴԱՌԸ, ԱՅԼԵՎ ԴԱԺԱՆ։ Երիտասարդ տղաները, բնավ ոչ լավագույնս զինված, դիմակայում են մինչև ատամները զինված, ռազմական տեխնիկայի վերջին խոսքով հանդերձավորված, լավ պատրաստված, թուրքական և իսրայելական ԱՕԹՍ-ների շնորհիվ օդում լիակատար գերազանցություն ունեցող ագրեսորին։ Մեր նորակոչիկ զինվորները զսպում են ագրեսորին բառացիորեն սեփական կյանքի գնով։
Ո՞վ է պատասխանատու զոհված տասնյակ, եթե ոչ ավելի մեծ թվով երիտասարդների մահվան համար։ Զոհերի վերաբերյալ վերջին տվյալները Պաշտպանության նախարարությունն առայժմ թաքցնում է։
Ո՞վ է կրում այդ պատասխանատվությունը։ Նիկոլ Փաշինյա՞նը։ Դա ճշմարտության մի մասն է, այսօր արդեն այնքան ակնհայտ, որ նույնիսկ արդիական չէ։ Անմիջական պատասխանատվություն են կրում նաև այն 680 հազարը, որոնք 2021-ի հունիսին կողմ քվեարկեցին երբեք և ոչ մի մեղք չունեցող «մոդերատորի» օգտին։ Այդ 680 հազարն ամբողջությամբ կիսում է իշխող թիմի պատասխանատվությունը երիտասարդ հայրենակիցների մահվան համար։ Որոնք զոհվում են, որպեսզի Փաշինյանի խորհրդարանական ձեռնասուն մակակները համերաշխ ու ճշտակատար սեղմեն անհրաժեշտ կոճակները, իսկ հետո գործադիր իշխանությունից ստանան իրենց վաստակած բանանները։
«Եկեք պատմեմ ձեզ, թե ոնց է ամեն ինչ լինելու։ Պայմանավորված պատերազմ կսկսվի, հետո այս ներքին թուրքը կհայտարարի, թե այլ ելք չի ունեցել։ Ե՛վ Արցախը կճանաչի Ադրբեջանի կազմում, և՛ Սյունիքը կտա, և՛ էյվազլին չայզամիով հանդերձ։ Իսկ երևանցիները էշի ականջում կքնեն այնքան ժամանակ, մինչև որ ադրբեջանական գնդակը կչլմփա Կասկադում ուղիղ իրենց սուրճի բաժակի մեջ»: Այս խոսքերը պատկանում են վերջերս հենց նիկոլական դատարանի դահլիճում մահացած պրոդյուսեր Արմեն Գրիգորյանին։
Իսկ ի՞նչ անել։ ՄԱԿ, ՀԱՊԿ, Պետդեպարտամենտ, Ռուսաստան, Թեհրան, Փարիզ... Այս ամենը կարևոր է, շատ կարևոր։ Ահավասիկ ԱԳՆ-ը հայտնում է, որ Լյուքսեմբուրգն էլ է հանդես է եկել հայտարարությամբ։ Կեցցե՛ս, Լյուքսեմբուրգ, իսկական ընկեր....
Ոչ ոք ի վիճակի չէ բուժել ուղեղից հիվանդին, եթե հիվանդն ինքը համառորեն չի ցանկանում բուժվել։ Մենք փաստացի երկու ճակատ ունենք. մեկը՝ արտաքին, մյուսը՝ ներքին։ Առաջինը մեր երիտասարդ տղաներն են պաշտպանում իրենց կյանքի գնով, և այստեղ նրանց կարող է օգնել վերոնշյալ և այլ դերակատարների դիվանագիտական աջակցությունը։ Բայց Հայաստանում և Արցախում հայոց պետականությունը հետևողականորեն ոչնչացնող ներքին թշնամու հարցերը լուծել մեզ ոչ ոք չի օգնի։ Դա բացառապես մեր գործն է։ Ժամանակը սուղ է, մնացել են հաշված շաբաթներ, եթե ոչ օրեր։
Կա՛մ մենք հեռացնում ենք այս... հարմար մակդիրներ չկան բնորոշելու համար։ Կա՛մ կլինի ագրեսիայի նաև երրորդ ալիքը։ Ապա չորրորդ ալիքը, և հինգերորդը: Այնքան, մինչև որ լուծենք այդ խնդիրը։ Դե, իսկ եթե ի վիճակի չենք լուծել դա ցանկացած դասավորության պարագայում, ապա կիրականանան Արմեն Գրիգորյանի խոսքերը, և հետևաբար՝ պետք է թուրքերեն սովորել։ Ամենայն ջանասիրությամբ։ Օրինակ վերցնել Փաշինյանից, որն արդեն սերտել է թուրքերեն տեղանունները։
Ուրիշ էլ ի՞նչ պետք է տեղի ունենա, որպեսզի ժողովրդի ոչ թե մի մասին, ոչ թե նրա մեծամասնությանը, այլ բոլորին վերջապես պարզ դառնա. այս ապիկար իշխանությանը հեռացնելը ամենաագործուն, եթե ոչ միակ բանն է, որ պետք է անել Հայաստանի քայքայման ու ոչնչացման գործընթացը կասեցնելու համար։ Որպեսզի նորակոչիկների թափած արյունն ապարդյուն չլինի։ Որպեսզի վերջապես մենք գոնե ինչ-որ բարոյական իրավունք ունենանք այցելել այն տղաների շիրիմներին, որոնց կյանքը պարտավոր էին, բայց չկարողացանք պահպանել։
Հ.Գ.- Տելեգրամ-ալիքներից մեկի գրառումը. «Շնորհակալ եմ» բոլոր նրանց, ովքեր ամեն ինչ հասկանում են ու ոչինչ չեն անում։ Չկա ավելի սարսափելի բան, քան գնալ մարտի՝ գիտակցելով, որ հրամանատարդ դավաճանական ռեժիմն է և ի վերջո կրկին դավաճանելու է քեզ ու բոլոր նրանց, ովքեր կողքիդ ուս-ուսի տված անում են ամեն ինչ հանուն Հայրենիքի»։
ПОСЛЕДНИЕ ОТ АВТОРА
-
2025-06-17 09:29Ирано-израильский конфликт отбросил на задний план все другие информационные потоки. Некоторые были примечательны. В частности, заявления премьер-министра Армении Никола Пашиняна в ходе панельной дискуссии на тему «Используя момент для построения долгосрочного партнерства с соседями» на саммите GLOBSEC 2025 в Праге.
-
2025-06-16 09:08Что показали военные действия между Израилем и Ираном? В первую очередь несомненное преимущество в технологиях одной страны над другой. Настолько существен сегодня этот фактор, что отходят в сторону такие компоненты, как территория страны, количество населения, патриотизм населения, храбрость командования… Все отходит на второй план.
-
2025-06-14 09:55Начинал Дональд Трамп бодро. С энтузиазмом, пожалуй, не уступающим энтузиазму Пашиняна в 2018-ом. На этой волне Трампу даже удалось на некоторое время прекратить огонь в Газе и наладить определенный американо-российский диалог, но к конкретным позитивным результатам по деэскалации в конфликтных регионах это пока не привело. Более того, видим, что многие планы Трампа не только не реализованы, но в определенной степени привели к эскалации ситуации.
-
2025-06-13 10:06Никол Пашинян опубликовал очередной текст с очередными обвинениями в адрес руководства Армянской Апостольской Церкви. Текст примечателен, там надо только адресата поменять. Все обвинения гораздо более применимы в отношении правящей команды. Не особо мудрствуя, Пашинян переписал в адрес Католикоса известные обвинения в свой адрес.