2022-09-21 11:13
Информагентства
Եռաբլուրից շուրջ 30 ծնողի են բերման ենթարկել, երկու կին վնասվածքներ ունեն
«Եռաբլուր» զինվորական պանթեոնից զոհված զինծառայողների շուրջ 30 ծնող է բերման ենթարկվել։ Եռաբլուրում լրագրողների հետ զրույցում ասաց փաստաբան Վահան Հովհաննիսյանը։
«Բերման ենթարկված ծնողներից 2-ն ունեն մարմնական վնասվածքներ` մեկի ձեռքերն են վնասված, մյուսի` մատը։ Առաջին հայացքից` կարծես կոտրված է մատը։ Երկուսն էլ կին են և վնասվածքները ստացել են բերման ենթարկվելիս։ Ոստիկանության բաժանմունք շտապօգնություն են կանչել, սակայն դա բավարար չէ` վնասվածքն ավելի լուրջ է»,–ասաց Հովհաննիսյանը։
Նրա խոսքով` ոստիկաններն ազատ են թողել ծնողներից որոշներից, սակայն մի մասն էլ մնում են ոստիկանության տարբեր բաժանմունքներում։
Փաստաբանը հայտնեց, որ վարչական օրենսգրքի 182-րդ հոդվածով` ոստիկանի պահանջը չկատարելու համար, վարչական արձանագրություններ են կազմվել։ Հովհաննիսյանը հավելեց` հետագայում կբողոքարկեն դրանք։
Ոստիկանությունից Sputnik Արմենիային հայտնեցին, որ Եռաբլուրից ոստիկանություն է տարվել 37 անձ՝ Վարչական իրավախախտումների վերաբերյալ 182-րդ հոդվածի հիմքով։
Հիշեցնենք, որ երեկ երեկոյից զոհվածների ծնողները Եռաբլուրում էին, որպեսզի թույլ չտան վարչապետ Նիկոլ Փաշինյանի այցն այնտեղ։ Այսօր, սակայն, ոստիկաններն ուժ գործադրեցին և ծնողներին բերման ենթարկեցին` բացելով Փաշինյանի ճանապարհը։
ПОСЛЕДНИЕ ОТ АВТОРА
-
New2025-06-26 07:10Суд удовлетворил ходатайство об аресте депутата Национального собрания Республики Арцах Давида Галстяна. Он арестован на два месяца.
-
New2025-06-26 07:05Турецкий сайт OdaTV написал, что супруга премьер-министра Армении провела свой отпуск с 19 по 22 июня в самом роскошном отеле Titanic Mardan Palace в Анталье.
-
New2025-06-26 07:02Суд общей юрисдикции в Ереване решил арестовать лидера движения "Священная борьба", архиепископа Баграта Галстаняна сроком на 2 месяца. Решение озвучил адвокат Ованнес Худоян.
-
New2025-06-26 06:57Суд удовлетворил ходатайство об аресте полковника запаса Миграна Махсудяна.