2022-09-21 13:19
Информагентства
Նույն թերություններն ունի նաև ՆԱՏՕ-ն. Սեյրան Օհանյանը` ՀԱՊԿ-ից դուրս գալ-չգալու մասին
ՀԱՊԿ–ի ամրության համար Հայաստանը նույնպես իր ներդրումը պետք է ունենա։ Եռաբլուրում լրագրողների հետ զրույցում նման կարծիք հայտնեց պաշտպանության նախկին նախարար, «Հայաստան» խմբակցության ղեկավար Սեյրան Օհանյանը` անդրադառնալով ՀԱՊԿ–ից դուրս գալ-չգալու հարցին։
Օհանյանը նշեց, որ պետք է պետք է իրավիճակին ռեալ նայել և տեսնել, թե ինչ աշխարհագրական դիրքում ենք։ Նրա խոսքով` թեև գտնվում ենք Արևմուտքի և Արևելքի հատման կետում, սակայն աշխարհագրությամբ ավելի շատ հավաքական անվտանգության տարածաշրջանին ենք մոտ։
«Տարիներ ի վեր ՀՀ–ն լուրջ աշխատանք է կատարել հատկապես ռազմական բաղադրիչի զարգացման ուղղությամբ։ Այսինքն, գոնե 3 ուղղություններով մենք օրինակելի ենք եղել` օպերատիվ արձագանքման հավաքական ուժերի, խաղաղապահ ուժերի ձևավորման և ռազմական կոմիտեն ստեղծելու առումով։ Յուրաքանչյուր կազմակերպություն ունի ինչպես լավ կողմեր, այնպես էլ թերություններ. նույն թերություններն ունի նաև ՆԱՏՕ–ն։ Այսինքն` ՆԱՏՕ–ում էլ կան երկրներ, որոնք խնդիրներ ունեն իրար հետ` Հունաստանն ու Թուրքիան»,–ասաց Օհանյանը։
Նա հարցրեց` ի՞նչ են արել ՀՀ գործող իշխանությունները ՀԱՊԿ–ի ընթացակարգերն ամրապնդելու համար։ Օհանյանը նշում է, որ մինչև ՀԱՊԿ–ին դիմելը, ՀՀ իշխանությունները ներսում պետք է քայլեր անեին, օրինակ, մոբիլիզացիա իրականացնեին։
Օհանյանը հավելեց, որ այսօրվա իշխանությունները պարտվողական կերպարի մեջ են և բանակցել չեն կարողանում։ Իսկ բանակցողին փոխելով, ըստ նրա, կփոխենք ամեն ինչ։
Sputnik Արմենիա
ПОСЛЕДНИЕ ОТ АВТОРА
-
2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».