2022-10-10 15:20
Информагентства
Պեսկով․ Ռազմական հատուկ գործողությունը հակաահաբեկչական օպերացիայով փոխարինելու որոշում չկա
Ռազմական հատուկ գործողությունը հակաահաբեկչական օպերացիայով փոխարինելու որոշում այս պահին չի ընդունվել: Այս հայտարարությունն արել է Ռուսաստանի նախագահի մամուլի քարտուղար Դմիտրի Պեսկովը։
Նա նշել է նաև, որ Ռուսաստանը Ուկրաինայի հարցի շուրջ բանակցելու առաջարկներ չի ստացել Արևմուտքից, հստակություն դեռ չկա, պետք է հասկանալ, թե ինչպիսին կարող է լինել արդյունքը։
Ավելի վաղ հաղորդվել էր, որ հնարավոր է` Ռուսաստանի ու Արևմուտքի չորս երկրների միջև բանակցություններ անցկացվեն Ստամբուլում։ Հայտնի էր դարձել, որ Թուրքիան մտադիր է կազմակերպել Ռուսաստանի և ԱՄՆ-ի, Ֆրանսիայի, Գերմանիայի և Մեծ Բրիտանիայի հանդիպումը։ Այս առաջարկը Վաշինգտոնին է փոխանցվել դիվանագիտական խողովակներով։
Պեսկովը նշել է, որ Ռուսաստանը չի ցանկանում մասնակցել միջուկային հռետորաբանությանը, որը վերջին շաբաթներին թեժացնում են Արևմուտքում:
Ավելի վաղ Սպիտակ տան Ազգային անվտանգության հարցերով նախկին խորհրդական Ջոն Բոլտոնը հայտարարել էր, որ ՌԴ նախագահ Վլադիմիր Պուտինը միջուկային զենքի կիրառման դեպքում կդառնա «օրինական թիրախ»:
Անդրադառնալով Ռուսաստանի նախագահի հասցեին հնչող սպառնալիքներին և նրա անվտանգության ապահովմանը` Պեսկովն ասել է․ «Նախագահի անվտանգությունը պատշաճ մակարդակով է իրականացվում։ Հաշվի են առնվում բոլոր սպառնալիքները»:
Կրեմլում չեն համաձայնել Ավստրիայի այն հայտարարությանը, որում մեղադրանք է ուղղվում Ռուսաստանին և կոչ է արվում դադարեցնել ուկրաինական ենթակառուցվածքների գնդակոծումը:
Պեսկովը նշել է, որ Ավստրիան նման հայտարարություններ անելու իրավունք չունի, քանի որ իր հայտարարությունում չի նշել, որ Ուկրաինան նույնպես հարվածներ է հասցնում ՌԴ ենթակառուցվածքներին։
Sputnik Արմենիա
ПОСЛЕДНИЕ ОТ АВТОРА
-
New2025-07-18 05:27Адвокат Заруи Постанджян сообщила, что судья по делу Лианы Арутюнян принял решение о ее отстранении.
-
New2025-07-18 05:24Президент Турции Реджеп Эрдоган назвал Израиль террористическим государством после ударов ЦАХАЛ по сирийским правительственным объектам.
-
New2025-07-18 05:20Власти Армении заверили иранскую сторону, что развитие сотрудничества с другими странами, в том числе европейскими, происходит не в ущерб отношениям Еревана и Тегерана. Об этом заявил посол Исламской республики Мехди Собхани в интервью Общественному телевидению Армении.
-
New2025-07-18 05:17Правительство Словении объявило персонами нон грата министра национальной безопасности Израиля Итамара Бен-Гвира и израильского министра экономики Бецалеля Смотрича, сообщает Словенское телеграфное агентство (STA).