2022-10-19 10:52
Информагентства
Գարիկ ՄԻՍԱԿՅԱՆ․ ԶՈՐԱՎԱՐԺՈՒԹՅՈՒՆՆԵՐՈՎ Ի՞ՆՉ ՄԵՍԻՋ Է ՈՒՂԱՐԿՈՒՄ ԻՐԱՆԸ ՏԱՐԱԾԱՇՐՋԱՆԻ ԵՐԿՐՆԵՐԻՆ ԵՎ ՄՅՈՒՍՆԵՐԻՆ
Զորավարժությունների միջոցով Իրանը ցույց է տալիս, որ իրավիճակը Հարավային Կովկասում իր վերահսկողության տակ է և մեսիջ է ուղարկում ոչ միայն տարածաշրջանի պետություններին, այլև արտատարածաշրջանային տերություններին։ Sputnik Արմենիայի հետ զրույցում իրանական զորավարժությունների մասին նման կարծիք հայտնեց իրանագետ Գարիկ Միսակյանը։
Իսլամական հեղափոխության պահապանների կորպուսի (ԻՀՊԿ) ցամաքային ուժերի զորավարժությունները մեկնարկել են այսօր առավոտյան Ադրբեջանի հետ պետական սահմանի երկայնքով։ Զորավարժություններն անցկացվում են տարեկան ժամանակացույցի համաձայն՝ ԻՀՊԿ ցամաքային զորքերի մարտունակությունը բարձրացնելու նպատակով:
«Հատկանշական է, որ զորավարժություններն անցկացնում է ոչ թե իրանական բանակը, որը պատասխանատու է երկրի տարածքային ամբողջականության ու անվտանգության համար, այլ Իսլամական հեղափոխության պահապանների կորպուսը, որն իր հերթին պատասխանատու է Իրանի տարածքից դուրս ռազմական գործողություններ իրականացնելու համար։ Զորավարժությունների բնույթը, որի ընթացքում իրականացվելու են ենթակառուցվածքներ գրավելուն միտված վարժանքներ, ինչպես նաև հարվածային ու լրտեսական անօդաչուների կիրառությամբ գործողություններ, վկայում է, որ դա հստակ ուղերձ է Իրանի սահմաններից դուրս որևէ սպառնալիքի դեպքում հակազդեցություն ցուցաբերելու մասին»,–ասաց իրանագետը։
Միսակյանի դիտարկմամբ` Իրանը, զորավարժություններ անցկացնելով, առհասարակ լուծում է մի քանի խնդիր։ Իրանի նախագահն ադրբեջանցի գործընկերոջ հետ վերջին հանդիպումից հետո հայտարարել էր, որ Իրանի ներքին խնդիրները չեն շեղելու ուշադրությունն անվտանգության խնդիրներից` նկատի ունենալով հայ-ադրբեջանական սահմանին ստեղծված իրավիճակն ու այսպես կոչված «Զանգեզուրի միջանցքի» հետ կապված խնդիրը։
Ըստ նրա` զորավարժությունների անցկացումն արդեն իսկ գործնական քայլ է` հաստատելու իրանական կողմի նպատակադրությունն ավելի ամրացնելու անվտանգության բաղադրիչը նաև տարածաշրջանային գործընթացների համապատկերում։
Մեր զրուցակիցը հիշեցրեց, որ Իրանը միշտ խուսափել է սեփական սահմանների մոտ իրավիճակի թեժացումից, բայց եթե լուրջ և ակնհայտ սպառնալիքներ լինեն, ապա իրանական զինուժն առանց երկմտելու կմտնի ռազմական գործողությունների մեջ։
«Իրանի բարձրաստիճան պաշտոնյաները շարունակաբար հանդես են գալիս նաև այնպիսի հայտարարություններով, որ չեն հանդուրժի օտարերկրյա, հատկապես արևմտյան երկրների ռազմական ներկայությունը տարածաշրջանում, և եթե հայ-ադրբեջանական սահմանին տեղակայվելիք դիտորդական առաքելությունն ունենա ռազմական բաղադրիչ, ապա Իրանն իր մտահոգությունները կհայտնի նաև Հայաստանին»,–ասաց իրանագետը։
Միսակյանը նշեց, որ իրանական կողմը մտահոգություններով լի մեսիջ է ուղարկում նաև Ադրբեջանին` կապված իսրայելական ներկայության հետ հարևան երկրում, այսինքն` խնդիրը չի առնչվում միայն ԵՄ դիտորդներին։
Իրանը մյուս կողմից էլ ուշադրությամբ կհետևի Հայաստանի իշխանության քայլերին, և եթե իրանական կողմի շահերին հակասող փաստաթղթեր չստորագրվեն, պաշտոնական Թեհրանը կսահմանափակվի միայն արտգործնախարարի` սթափության կոչող հայտարարություններով։
ПОСЛЕДНИЕ ОТ АВТОРА
-
New2025-06-24 14:51Россия выступает за устойчивое прекращение огня между Ираном и Израилем и подтверждает поддержку ИРИ, одновременно дистанцируясь от предположений о прямом участии в ответных ударах или обмене секретной информацией. Об этом заявил пресс-секретарь президента РФ Дмитрий Песков, комментируя последние события на Ближнем Востоке.
-
New2025-06-24 14:48Главу ГК "Ташир" Самвела Карапетяна перевезли в УИУ "Ереван-Кентрон". Об этом Sputnik Армения сообщила пресс-секретарь уголовно-исполнительной службы Минюста Нона Навикян.
-
New2025-06-24 13:27Евразийский банк развития (ЕАБР) прогнозирует для Армении рост ВВП в ближайшие годы. Согласно макроэкономическому прогнозу банка, в 2025 году экономика страны вырастет на 5,5%, в 2026 году — на 5,3%, а в 2027 году — на 5,0%.
-
New2025-06-24 13:26Премьер-министр Армении Никол Пашинян объявил о готовности "плана по огосударствлению" "Электрических сетей Армении" (ЭСА).