2022-10-24 12:35
Информагентства
Փաստաբանները գործադուլ կանեն․ վերջիններս դատապարտում են Էրիկ Ալեքսանյանի կալանքը
Փաստաբանների պալատի անդամները դատապարտում են փաստաբան Էրիկ Ալեքսանյանի նկատմամբ կիրառված կալանավորումը և պատրաստվում են գործադուլ անել։ Հրավիրված մամուլի ասուլիսի ժամանակ այս մասին հայտարարեց փաստաբան Ժիրայր Ղարագյոզյանը։
Նա նշեց՝ անձի նկատմամբ կալանավորումը որպես խափանման միջոց ընտրում են այն դեպքում, եթե կա քրեական դատավարությամբ նախատեսված 3 հիմքերից մեկը՝ վերջինս գուցե փախուստի դիմի, հնարավոր է գործընթացին ապօրինի միջամտի կամ օրենքով արգելված նոր արարք գործի։
Փաստաբան անհիմն է համարում Ալեքսանյանի ձերբակալությունը և չի բացառում, որ այդ միջոցներն ընտրվել են վերջինիս անօրինական կերպով լռեցնելու, նրա մասնագիտական գործունեությունը խաթարելու համար։
«Փաստաբաններին խնդրում ենք ակտիվ լինել, քանի որ նախատեսում ենք ստորագրահավաք և մի քանի ժամով կարճաժամկետ գործադուլ անցկացնել։ Հաշվի առնելով Էրիկ Ալեքսանյանի անձը՝ առավել քան ակնհայտ է, որ այս հիմքերից ոչ մեկը գոյություն ունենալ չի կարող մեր իրականության մեջ։ Մենք գործ ունենք կալանքի այնպիսի տեսակի հետ, որն օրենսդրությամբ նախատեսված չէ»,- ընդգծեց Ղարագյոզյանը։
Փաստաբան Աննա Ծառուկյանն էլ շեշտեց, որ իրենց գործընկերոջ՝ Էրիկ Ալեքսանյանի կալանավորումը, մեղմ ասած, խոչընդոտում է բոլոր փաստաբանների գործունեությանը։
«Նա փաստաբան է, որը զբաղվում է բավականին հնչեղ գործերով, և բոլորս տեսնում ենք, որ ավելի քան բարեխղճորեն է անում այդ ամենը։ Սա օբյեկտիվ մոտեցում է։ Նա բազմաթիվ հնչեղ գործերի շրջանակում հաղթանակներ է ունեցել, այդ պատճառով էլ, ըստ իս, կալանավորման հանգամանքն իշխանություններն այլ կերպ են շեշտադրում։ Սա ըստ էության նաև Էրիկ Ալեքսանյանի պաշտպանյալների իրավունքների խախտում է, քանի որ նրա աշխատանքը որևէ կերպ որևէ մեկը չի կարող փոխարինել։ Նման բիրտ կերպով, հենց դատարանի դիմացից, անձի ձերբակալումը անթույլատրելի է»,- նշեց Ծառուկյանը։
Նրա խոսքով՝ նման գործողությունները խաղում են բոլոր փաստաբանների հեղինակության հետ։ Շեշտեց, որ կան պաշտպանյալներ, որոնք դիմել են իրենց ու հարցրել, թե ինչ հույս ունենան, որ այդ փաստաբանները կկարողանան իրենց իրավունքները պաշտպանել, եթե անգամ իրենց են կալանավորում։
Աննա Ծառուկյանը նաև ընդգծեց, որ ՄԱԿ-ի փաստաթղթերից մեկով, որը վերաբերում է փաստաբանների սկզբունքներին, հստակ ամրագրված է՝ փաստաբանը պետք է պաշտպանված լինի ցանկացած դատական հետապնդումից՝ վարչական, տնտեսական։
«Սա ոչ միայն քաղաքական հետապնդման տարրեր է պարունակում՝ ելնելով Ալեքսանյանի հնչեղ գործերից, այլև խղճի ու մտքի հետապնդում է։ Փաստաբանի նկատմամբ չպետք է կիրառվեր ամենախիստ խափանման միջոցը, քանի որ նա պրոֆեսիոնալ իրավաբան է և հասկանում է, որ չի խոչընդոտելու գործին, այլ հանցագործության մասին խոսք լինել չի կարող»,- ասաց Ծառուկյանը։
Sputnik Արմենիա
ПОСЛЕДНИЕ ОТ АВТОРА
-
New2025-07-04 19:45Французский город Арнувиль в регионе Иль-де-Франс принял резолюцию, в которой осудил несправедливое выдворение Международного комитета Красного Креста (МККК) из Азербайджана. Об этом сообщает libertas.
-
New2025-07-04 19:43Главу азербайджанской диаспоры Подмосковья Эльшана Ибрагимова лишили гражданства России. Об этом он сообщил изданию оху.аз, отметив, что через несколько дней приедет в Азербайджан и даст комментарий.
-
New2025-07-04 19:36Да, нет, ничего не вырезано и не вставлено, как можно сомневаться в порядочности сотрудников правоохранителей? Об этом написал на своей странице в Facebook адвокат Ованес Худоян, обнародовавший также несмонтированный вариант бесед архиепископа Баграта Галстаняна и других арестованных лиц.
-
New2025-07-04 19:34Членов АРФ "Дашнакцутюн" вызывают в полицию с целью отговорить от участия в митинге в защиту арестованного бизнесмена Самвела Карапетяна, который в эти минуты начинается в центре Еревана.