2022-10-27 17:51
Информагентства
Զախարովա․ Զելենսկին փափագում է միջուկային առճակատում սկսել աշխարհում
Վլադիմիր Զելենսկին շատ կցանկանար միջուկային առճակատում սկսել աշխարհում։ Այս մասին, ՌԻԱ Նովոստիի փոխանցմամբ, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Նա (Զելենսկին – խմբ.) շատ է ուզում միջուկային առճակատում սկսել», – ասել է Զախարովան։
Նրա խոսքով` հենց այդ նպատակով է կիևյան ռեժիմը պարբերաբար գնդակոծում Զապորոժիեի ԱԷԿ–ը։
«Կիևյան ռեժիմի տեսանկյունից այդ օբյեկտի հրետակոծումից հետո Արևմուտքը մի շարք միջոցառումների ու քայլերի պետք է դիմեր, որոնք պարզապես աշխարհը միջուկային աղետի սահմանին կհասցնեին։ Նրանց պատրվակ է պետք», – ընդգծել է Մարիա Զախարովան։
Երբ ռուսական կողմի ջանքերով Զապորոժիեի ԱԷԿ–ի հետ կապված փորձըԿիևի մոտ ձախողվեց, նրանք «գործի դրեցին այդ սարսափելի կործանարար տրամաբանության հաջորդ փուլը` միջուկային «կեղտոտ ռումբի» կիրառումը», – նկատել է Զախարովան։
«Նրանց, ովքեր այսօր Արևմուտքում պաշտոնապես ասում են` ո՛չ, ամեն ինչ այնպես չէ, ինչպես ձեզ թվում է, կիևյան ռեժիմը որևէ բան մոգոնելու մտադրության չունի, ես հիշեցնում եմ ՆԱՏՕ–ին դիմելիս Զելենսկու խոսքերը. «կանխարգելիչ հարված հասցրեք նրանց միջուկային զենքով»», – հավելել է Զախարովան։
Նա հորդորել է Արևմուտքին ազդել Կիևի վրա, որպեսզի հրաժարվի այդ վտանգավոր արկածախնդրությունից և բոլոր այն քայլերից և գործողություններից, որոնք կապված են միջուկային շանտաժի հետ։
Զախարովան հայտարարել է, որ հնարավոր է` Կիևը միջուկային շանտաժն օգտագործում է արևմտյան երկրներից էլ ավելի մեծ օգնություն ստանալու նպատակով։
«Ինչի՞ համար է այդ ամենն անհրաժեշտ Կիևին։ Հնարավոր է, որ միջուկային շանտաժը կիևյան ռեժիմն օգտագործում է նաև Արևմուտքից էլ ավելի մեծ ֆինանսական և ռազմական օգնություն ստանալու համար», – ասել է նա։
Sputnik Արմենիա
ПОСЛЕДНИЕ ОТ АВТОРА
-
New2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
New2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
New2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
New2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».