2022-10-28 18:11
Информагентства
Անդրանիկ Միհրանյան․ Զանգեզուրի միջանցքը բխում է Ռուսաստանի շահերից ասողները, հանցագործներ են
Մարդիկ, որոնք ասում են, թե Զանգեզուրի միջանցքը բխում է Ռուսաստանի շահերից, հանցագործներ են։ Այս մասին Երևանում «Լազարյան ակումբի» «Ռուս-հայկական հարաբերությունների պատմական անցյալը և ներկան» թեմայով նիստում, հոկտեմբերի 28-ին ասել է քաղաքագետ, Մոսկվայի Միջազգային հարաբերությունների պետական ինստիտուտի պրոֆեսոր Անդրանիկ Միհրանյանը։
«Ո՞վ է ուզում այդ միջանցքը։ Այդ միջանցքը կտրելու է Հայաստանն Իրանից, և Հայաստանը կորցնելու է սեփական տարածքի վերահսկողությունը։
Ես կարդում եմ Օվերչուկի փաստաթուղթը, որտեղ ասվում է, որ այդ միջանցքը կառուցվելու է՝ Իրանով Հայաստանի շրջանցմամբ, և արդեն կառուցվում է։ Այդ դեպքում ես հարց ունեմ. իսկ ինչո՞ւ է այդ դեպքում պետք Զանգեզուրի այդ միջանցքը Հայաստանով։
Իբր դա լինելու է Հյուսիս-Հարավի մի մասը։ Ի՞նչ կապ ունի այդ միջանցքը Հյուսիս-Հարավ միջանցքի հետ։ Հյուսիս-Հարավն այլ ուղղություններով արդեն կա։ Եթե այդտեղ ինչ-որ բան պետք է անել՝ դա վրացական երկաթուղու մի կտորն է։ Վրաստանն արդեն քանի տարի պատժում է ոչ թե Աբխազիային, ոչ թե Ռուսաստանին, այլ Հայաստանին։ Եթե այդ մարդիկ Երևանում լավ հարաբերություններ ունեն Արևմուտքի հետ, թող ճնշում գործադրեն Վրաստանի վրա, որպեսզի բացեն երկաթուղին։
Ի՞նչ է զանգեզուրյան միջանցքը։ Ո՞վ է դրանով շահագրգռված։ Ես ոչ մի շահագրգռություն և այդ ճանապարհի ոչ մի օգուտ չեմ տեսնում Ռուսաստանի համար, ոչ մի հետաքրքրություն և օգուտ չեմ տեսնում նաև Հայաստանի համար։ Միայն երկու երկիր է շահագրգռված դրանով՝ Թուրքիան և Ադրբեջանը։
Ի՞նչ է՝ մենք աշխատելու ենք բարելավել իրավիճակը և նպաստավոր պայմաններ ստեղծել մեծ Թուրանի պլանի իրականացմա՞ն համար։ Չէ, չէ մի՛»,- նշել է Միհրանյանը։
News.am
ПОСЛЕДНИЕ ОТ АВТОРА
-
2025-07-12 21:19Член Совета по защите прав арцахцев Артак Мкртчян объявил сидячую забастовку на Площади Свободы.
-
2025-07-12 21:08Пятидесятиметровый флаг Арцаха развернули перед началом митинга на площади Свободы в центре Еревана.
-
2025-07-12 21:05Совет по защите прав арцахцев провёл акцию на площади Свободы в Ереване, требуя от властей Армении комплексных решений проблем перемещенных из Нагорного Карабаха граждан. Один из членов Совета, Апрес Маргарян, заявил, что правительство ограничилось мерами косметического характера и не ответило на ключевые запросы.
-
2025-07-12 21:01Часть азербайджанских рейсов Баку — Нахчыван переведена на новый маршрут полетов через воздушное пространство Армении, сообщают азербайджанские СМИ. Отмечается, что теперь они «преодолевают на 100 км армянского неба меньше, чем раньше».