2022-11-14 13:51
Информагентства
Խաչատրյան․ Ռուսական զենքը մեր ռազմական հնարավորությունների գերակշիռ մասն է, բայց...
ՀՀ-ն ավելի շատ Ռուսաստանից է զինամթերք ձեռք բերում` պայմանագրային պարտականությունների շրջանակներում, սակայն զինատեսակներ կան, որոնք պետք է այլ երկրներից գնվեն։ ԱԺ–ում լրագրողների հետ զրույցում այս մասին ասաց պաշտպանության և անվտանգության հարցերի մշտական հանձնաժողովի նախագահի տեղակալ Արմեն Խաչատրյանը։
Նշենք, որ լրագրողները Խաչատրյանից հետաքրքրվել էին, թե համամի՞տ է ընդդիմադիր Տիգրան Աբրահամյանի կարծիքի հետ, թե այն զենքերը, որոնք այս պահին առաջնահերթ են Հայաստանի համար, կարող ենք գնել ՌԴ-ից։
«Զենքի լավագույն փորձաքննությունը պատերազմն է` մենք տեսել ենք 44-օրյա պատերազմ, տեսնում ենք ռազմական գործողություններ Ուկրաինայում, Սիրիայում, և մեր փորձագետները շատ ավելի լավ գիտեն` ինչ զենքեր են մեզ պետք։ Իհարկե, ռուսական զենքը մեր ռազմական հնարավորությունների գերակշիռ մասն է կազմում, բավականին լավ զինատեսակներ կան, որոնք իրենց արդարացրել և արդարացնում են բոլոր պատերազմներում, սակայն զինատեսակներ էլ կան, որ պետք է այլ երկրներից ձեռք բերվեն»,–ասաց Խաչատրյանը։
Նրա խոսքով` եթե Տիգրան Աբրահամյանը հետևի պատերազմական գործողություններին, կհասկանա, որ ԱԹՍ–ների դեմ «լավագույն պաշտպանությունը ռուսականը չէ»։
Խաչատրյանը հավելեց, որ զենքի ձեռբերման գործընթացներն ակտիվ իրականացվում են` մի շարք երկրների հետ են այդ խոսակցություններն ու քննարկումները տարվում։ Նա շեշտեց` այն, որ մեզ օդ ու ջրի պես զենք է անհրաժեշտ այս պահին` քննարկման առարկա չէ։
Ինչ վերաբերում է օդը փակելուն, ապա Խաչատրյանը նշեց, որ հայկական արտադրողներն էլ ունեն ռադիոէլեկտրոնային պայքարի բավականին լավ մշակումներ, այսինքն` օդը փակելու պասիվ մեթոդներ։ Այս ուղղությամբ, ըստ նրա, բավականին լուրջ աշխատանքներն են իրականացվում։
«Հայաստանի ապագան ռազմաարդյունաբերական երկիր լինելու մեջ եմ տեսնում։ Մենք այլ տարբերակ չունենք` պետք է կարողանանք լավագույն զենքերն արտադրել ու արտահանել։ Դրան հասնելու համար շատ բան է արվում, որի արդյունքները չեն ուզում ներկայացնել։ Ամենակարևորն ունենք հումքը` ինտելեկտը, մասնագիտական կարողությունները, ինչը զարգացնելու ենք»,–ասաց Խաչատրյանը։
Նա իր խոսքն ամփոփեց` ասելով, թե վստահ է` տարիներ անց մեր ռազմաադրյունաբերությունն աշխարհում ասելիք է ունենալու։
Sputnik Արմենիա
ПОСЛЕДНИЕ ОТ АВТОРА
-
New2025-07-29 10:56В армянском спорте творится произвол. Главным ответственным за происходящее является руководитель аппарата премьер-министра.
-
New2025-07-29 10:33Заявления из США и Израиля показывают, что геополитический узел вокруг Ирана не только не решён, но и в ближайшее время ожидаются более серьёзные события.
-
New2025-07-29 08:41В Европе число заключенных на 100 мест увеличилось с 93,5 до 94,9 с 31 января 2023 года по 31 января 2024 года, причем по странам наблюдались значительные различия. Об этом говорится в сообщении Совета Европы.
-
New2025-07-29 08:38Судя по всему, ряд предпринимателей, близких к главе Армении Пашиняну и ведущих бизнес в России, могут столкнуться с проблемами с силовиками. Об этом сообщает ВЧК-ОГПУ.