2022-11-15 08:44
Информагентства
Իրանի ԱԳՆ խոսնակը արձագանքել է Ալիևի հայտարարություններին
Իրանի արտաքին գործերի նախարարության պաշտոնական ներկայացուցիչ Նասեր Քանանին իր հերթական ճեպազրույցի ժամանակ անդրադարձել է հատկապես վերջին շաբաթների ընթացքում ադրբեջանական քաղաքական և տեղեկատվական դաշտում հակաիրանական հայտարարությունների աճին։ Այս մասին տեղեկացնում է իրանական «Mehr» լրատվական գործակալությունը։
Քանանին մեկնաբանել է նաև Ադրբեջանի նախագահ Իլհամ Ալիևի այն հայտարարություններին, որոնց համաձայն Իրանի թյուրքալեզու բնակչությունը կտրվել է Ադրբեջանից։
Քանանին իր խոսքում հիշեցրել է, որ անցած շաբաթ Իրանում Ադրբեջանի դեսպանին այս առիթով հրավիրել են Իրանի ԱԳՆ, որտեղ նրան բողոքի նոտա են հանձնել։
«Իրանի քաղաքականությունը հիմնված է բարիդրացիության և հարևան երկրների հետ համագործակցության ընդլայնման վրա։ Ադրբեջանն այս հարցում բացառություն չէ, բայց ոչ ոք իրավունք չունի սխալ մեկնաբանել Իրանի այս քաղաքականությունը։ Նման «աննշան քամիներից» Իրանի դիրքորոշումն ավելի էմոցիոնալ չի դառնում, հետևաբար, ոչ ոք չպետք է Իրանի լռությունն ու համբերությունը ընկալի որպես թուլություն»,- ասել է Քանանին։
Նա հավելել է, որ Ադրբեջանի նկատմամբ Իրանի կողմից փոխադարձ գործողությունների լռությունը կամ բացակայությունը Թեհրանի պատիվն է։ Քանանին ընդգծել է, որ տարածաշրջանի երկրների պատմությունը թափանցիկ է և չի կարող խեղաթյուրվել՝ խորհուրդ տալով Բաքվի իշխանություններին ճիշտ ուսումնասիրել պատմությունը։
«Մենք կարծում ենք, որ տրիբունաներից և լրատվամիջոցներից խնդիրների մասին բարձրաձայնելը և տրտնջալը չեն օգնում երկու երկրների հարաբերություններին։ Մենք Ադրբեջանի հետ երկխոսության տարբեր կառույցներ ունենք, և մենք կարող ենք ամեն ինչ քննարկել դիվանագիտական շրջանակներում»,- ասել է Իրանի ԱԳՆ ներկայացուցիչը։
Վերջինս կրկին անդրադարձել է տարածաշրջանում արտաքին ուժերի առկայությունը՝ նշելով, որ նրանց դերը հարևանների հետ հարաբերություններում միշտ բացասական է եղել։
ORAGIR.NEWS
ПОСЛЕДНИЕ ОТ АВТОРА
-
New2025-07-08 19:43Комиссия по регулированию общественных услуг Армении отклонила предложение ЗАО "Электрические сети Армении" об увеличении инвестиционной программы на 2025 год в рамках долгосрочного плана на 2018–2034 годы. Решение было принято на заседании регулятора.
-
New2025-07-08 19:41По делу о предполагаемом принуждении к участию сотрудников "Электрических сетей Армении" в митингах следствие провело обыски по 20 адресам. СК возбудил дело в отношении троих граждан. Об этом заявила пресс-служба СК.
-
New2025-07-08 19:40В Баку состоялось очередное заседание "суда" по "делу" бывшего госминистра Нагорного Карабаха, бизнесмена и филантропа Рубена Варданяна.
-
New2025-07-08 19:37Диаспора шокирована и возмущена риторикой властей Армении в отношении Армянской Апостольской святой Церкви и считает, что она требует осуждения. Об этом в Первопрестольном св. Эчмиадзине заявил в интервью Sputnik Армения предстоятель армянской епархии Канады, епископ Абгар Овакимян.