2022-11-21 16:07
Информагентства
Իրանն ուժեղացնում է հյուսիսարևմտյան սահմաններն ահաբեկչության վտանգի ֆոնին
Իսլամական հեղափոխության պահապանների կորպուսը (ԻՀՊԿ) հայտարարել է, որ ավելացնում է ուժերը Իրանի հյուսիս-արևմտյան շրջանում ՝ տարածաշրջանում անջատողական ահաբեկչական խմբավորումների տեղաշարժերի դեմ պայքարելու համար, տեղեկանում ենք Mehr գործակալությունից։
«Երկրի հյուսիս-արևմուտքում չարագործների և հակաիրանական անջատողական ահաբեկչական խմբավորումների տեղաշարժերից և որոշ շրջաններում ոչ ապահով իրավիճակ ստեղծելուց հետո` ԻՀՊԿ ցամաքային ուժերի Համզե Սեյեդ Ալ-Շոհադայի բազան ձեռնամուխ է լինում տարածաշրջանում անվտանգության բացակայության գործոններին կտրուկ հակազդելուն»,–ասված է հայտարարության մեջ:
Նշվում է նաև, որ տարածաշրջանի և հյուսիսարևմտյան սահմանային նահանգների բնակիչների անվտանգությունը դիտարկում են որպես կարմիր գիծ. «Խստորեն զգուշացնում ենք զինված չարագործներին և վարձու ահաբեկիչներին, որ եթե շարունակեն իրենց չարագործությունը և անկարգությունների դիմեն, ինչպես նաև ոչ անվտանգ միջավայր ստեղծեն մարդկանց համար, Համզե Սեյեդ Ալ-Շոհադա բազայի գրոհայինները և անվտանգության այլ ուժերը վճռական գործողություններ կիրականացնեն»։
Հայտարարության մեջ ասվում է` իրանցի ազգի թշնամիները բազմիցս են ականատես եղել, թե ինչպես են հեղափոխության պահապանների կորպուսի ուժերը տարածաշրջանի բնակիչների հետ միասին չեզոքացրել վարձկանների խմբերի դավադրությունները:
Նշենք, որ Իրանի տարածքում վերջին երկու ամսում երկու ահաբեկչություն է տեղի ունեցել։ Հոկտեմբերի վերջին անհայտ անձինք կրակ են բացել Իրանի հարավում գտնվող Շիրազ քաղաքի դամբարանի տարածքում: Ահաբեկչական հարձակման հետևանքով 13 մարդ է զոհվել, ևս 45 մարդ վիրավորվել է։ Ավելի ուշ Իրանի տեղեկատվության և ազգային անվտանգության նախարարությունը հայտնել էր, որ ահաբեկչությանը մասնակից են եղել նաև Ադրբեջանի քաղաքացիներ։
Եվս մեկ ողբերգություն տեղի է ունեցել նոյեմբերի 16-ին` Իրանի Իզէ քաղաքում (Խուզեստանի նահանգ)։ Քաղաքային շուկաներից մեկում անհայտ անձինք երկու մոտոցիկլետով մոտեցել են մի խումբ քաղաքացիների և կրակ բացել։ Արդյունքում զոհվել է 5 մարդ, այդ թվում ՝ երեխա և տարեց կին։ Եվս տասը քաղաքացի վիրավորվել է։
Sputnik Արմենիա
ПОСЛЕДНИЕ ОТ АВТОРА
-
New2025-07-16 19:49На сегодняшней пресс-конференции Никол Пашинян сравнил идею предоставления контроля над коридором, проходящим через суверенную территорию Армении, с передачей третьей стороне на аутсорсинг национальной инфраструктуры, такой как аэропорт, железные дороги или почтовые службы. Эта аналогия абсурдна, вводит в заблуждение и опасна. Об этом заявил экс-глава МИД Армении Вардан Осканян.
-
New2025-07-16 19:41Всеармянский совет по сохранению Армянской Церкви решительно осуждает антицерковную, оскорбительную риторику, вновь продемонстрированную премьер-министром РА Николом Пашиняном на пресс-конференции 16 июля.
-
New2025-07-16 19:38Представители Арцаха намерены бороться за здание представительства, которое прокуратура намерена отобрать. Об этом сообщил карабахский адвокат Роман Ерицян.
-
New2025-07-16 19:37США обеспокоены столкновениями между этническими группами в Сирии, приведшими к военному вмешательству Израиля, и надеются на нормализацию ситуации, заявил госсекретарь Марко Рубио.