Последние новости

ՀՀ ԱԳՆ․ Միրզոյանի, Բայրամովի և Չավուշօղլուի «եռակողմ հանդիպման» լուրը չափազանցություն է

ՀՀ ԱԳՆ մամուլի խոսնակ Վահան Հունանյանը չափազանցված է համարում ՀՀ ԱԳ նախարար Արարատ Միրզոյանի՝ Թուրքիայի և Ադրբեջանի ԱԳ նախարարների հետ «եռակողմ հանդիպումը»։ Հունանյանը ֆեյսբուքյան իր էջում է նման գրառում արել` անդրադառնալով այս թեմայով ադրբեջանական լրատվամիջոցների հրապարակումներին։

Նշենք, որ լուսանկարներ էին տարածվել, որտեղ երևում էին երեք երկրների նախարարները, ինչն էլ առիթ էր դարձել նման լուրերի։

«Միրզոյանի՝ Թուրքիայի և Ադրբեջանի ԱԳ նախարարների հետ «եռակողմ հանդիպումը» նույնքան կարելի է համարել քառակողմ, ինչ որ պահի հնգակողմ, այնուհետև այլ ձևաչափով եռակողմ և այսպես շարունակ։ Նկարում՝ նախքան ԵԱՀԿ նախարարակական գագաթաժողովի բացման արարողությունը Հայաստանի ԱԳ նախարարը, Ավստրիայի ԱԳ նախարարը, ԵՄ բարձր հանձնակատարը, Թուրքիայի ԱԳ նախարարը, Ադրբեջանի ԱԳ նախարարը քաղաքավարական կարճ զրույց են ունենում»,–ասել է Հունանյանը։

Հիշեցնենք` Միրզոյանը Լեհաստան է մեկնել ԵԱՀԿ նախարարական 29-րդ համաժողովին մասնակցելու նպատակով։ Այցի շրջանակներում տեղի կունենան նաև մի շարք երկկողմ հանդիպումներ:

Sputnik Արմենիա

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ