2022-12-06 19:41
Информагентства
Երևանում կայացել է ՀԱՊԿ անդամ պետությունների համակարգող խորհրդի նիստը
Երևանում դեկտեմբերի 6-ին տեղի է ունեցել ՀԱՊԿ անդամ պետությունների անօրինական միգրացիայի դեմ պայքարի իրավասու մարմինների ղեկավարների համակարգող խորհրդի նիստը։
Ինչպես «Արմենպրես»-ին հայտնում են ՀՀ Ոստիկանությունից, բացման խոսքով հանդես է եկել ՀՀ ոստիկանության պետ, ոստիկանության գեներալ-մայոր Վահե Ղազարյանը։ Ողջունելով հյուրերին՝ նա բարձր է գնահատել ՀԱՊԿ շրջանակներում համագործակցությունը, որը շարունակում է զարգանալ։
ՀՀ ոստիկանության պետը նշել է ՀԱՊԿ շրջանակներում իրականացվող «Նելեգալ» միջոցառումը, որը դրական արդյունքներ է արձանագրում՝ անօրինական միգրացիայի դեմ պայքարի շրջանակում։ Նա նաև խոսել է Հայաստանի ոստիկանությունում ընթացող բարեփոխումների և հայ իրավապահների՝ անօրինական միգրացիայի դեմ պայքարի մասին։
Ելույթի վերջում Վահե Ղազարյանը արդյունավետ աշխատանք է մաղթել խորհրդի մասնակիցներին:
Համակարգող խորհրդի նիստը վարում էր ՌԴ ներքին գործերի նախարարի առաջին տեղակալ, ոստիկանության գեներալ-գնդապետ Ալեքսանդր Գորովոյը։
Հայկական կողմին շնորհակալություն հայտնելով ջերմ ընդունելության համար՝ նա խոսել է անօրինական միգրացիայի արդի մարտահրավերների և դրանց հակազդման ուղղությամբ համատեղ պայքարի մասին, ներկայացրել նիստի օրակարգն ու քննարկվելիք հարցերը։
Նիստի ընթացքում քննարկվել են ՀԱՊԿ անդամ երկրներում միգրացիոն իրավիճակի, անօրինական միգրացիայի դեմ պայքարի ուղղությամբ անցկացվող միջոցառումների, ՀԱՊԿ անդամ պետությունների միգրացիայի վերաբերյալ օրենսդրության փոփոխությունների հարցեր, ամփոփվել են «Նելեգալ-2022» միջոցառման արդյունքները։ Մասնակիցները քննարկել են նաև ապագա աշխատանքի խնդիրները։
ՀԱՊԿ անդամ պետությունների անօրինական միգրացիայի դեմ պայքարի իրավասու մարմինների ղեկավարների համակարգող խորհրդի նիստի ավարտին ստորագրվել է համապատասխան արձանագրություն։
ПОСЛЕДНИЕ ОТ АВТОРА
-
2025-07-12 21:19Член Совета по защите прав арцахцев Артак Мкртчян объявил сидячую забастовку на Площади Свободы.
-
2025-07-12 21:08Пятидесятиметровый флаг Арцаха развернули перед началом митинга на площади Свободы в центре Еревана.
-
2025-07-12 21:05Совет по защите прав арцахцев провёл акцию на площади Свободы в Ереване, требуя от властей Армении комплексных решений проблем перемещенных из Нагорного Карабаха граждан. Один из членов Совета, Апрес Маргарян, заявил, что правительство ограничилось мерами косметического характера и не ответило на ключевые запросы.
-
2025-07-12 21:01Часть азербайджанских рейсов Баку — Нахчыван переведена на новый маршрут полетов через воздушное пространство Армении, сообщают азербайджанские СМИ. Отмечается, что теперь они «преодолевают на 100 км армянского неба меньше, чем раньше».